Press "Enter" to skip to content

Rev.Dr.Rollin Van Bik Nih CDF Hi Zei Rel Loin Um Hna Hlah Mifim Le Mithiam An Tam Tuk Dohthlennak Ah Luatnak Zalennak Hi An Mah Thawng In Kan Hmu Te Lai

CDF hi laimi cheukhat nih kan ruah nak hnak in thil an rak thil kho,CDF cu hriamnam an nei lo le zeihme an tuah khawh lai doh thlennak ah tiah kan ruah tawn hna,sihmanhsehlaw CDF cheukhat ka hmu ka ton hna i,mifim ca thiam an tam tuk,mifim an tam tuk, sianghleiruun a kai mi an tam,cu lawng si loin college kip ah ca a chim mi zong an um,rian sang sang rian tha a tuan mi an tam tuk i a phunphun in fimthiam nak an nei tikah,CDF ahhin fimthiamnak a funtomnak hmun asi tiah chim khawh asi.

Cu tluk i mifimthiam hna nihcun zeiruangah dah hriamnam hi an i tlaih ve ti ah ruah lo awk a tha lo,cucu an mah CDF hrimhrim zong nih an chim peng mi cu,kan ram le kan miphun lo dih hnak cha incun hriam hi kan i tlaih ve a hau ko tiah an chim peng,mifim khuaruah kho an si tikah a sawhsawh in hriam hi a tlai lai tiah ruah piak ding le zei ah rel lo in um ding an si lo,hriam tlai lo zong in fimthiamnak in tuk i doh a ngamh mi an si.sihmanhsehlaw a langtlang in thil an tuah khawh rih lo mi ruangah a chel caan ahcun kan soisel tawn hna cu ca ahcun hihi laimi nih kan ngol bak a herh i an hnu tu in kan dir kamh pi hna ding asi.

CDF ah a lut mi hi an tam ngai ngai nain,ral tuk i dohnak kong a cawn mi an rak si loh,a cheu cu pathian lei ah rian a tuan mi,bible sianginn a kai mi an rak si ko hna,cu tik ahcun kan ram le miphun caah tiin ruah lo piin hriam an hun tlai tik ahhin,kum caan saupi, hi dohthlennak a tuah cang mi CNA/F he hin tha tein an i peh tlaih hi a herh ko,cucu CDF nih an i fiang tuk ko nain mipi nih a langtlang in a thei tuk bang in CDF le CNA an i rem lo tiah kan chim tawn,sihmanhsehlaw Victoria Camp ah tha tein CNA/F nih training an pek ko hna.

Ralhrang zong hmunkhat te ah an tu ko,zei ti te in bia kan thei mi hi,perh tuk in kan hun chim tik ah,a caan ahcun an mah le an mah kar ah thil tha lo hna hi a um ruah ti khin kan ruat tawn,cu tik ah a langtlang in kan biachim mi nih dohthlennak ah rian a tuan cuahmah mi an tha kan zor ter hna,cucu kan i ral ring awk a si,kan soisel mi hna hi ngol in lungrual tein kan ti khawh tawk cio in kan tuan tti awk asi.

Be First to Comment

Leave a Reply

Your email address will not be published.