Press "Enter" to skip to content

CDF-Matupi Nih SAC Ralhrang Tamtuk An Thah Than Hna Ee, Hliam An Tam Tuk Rih

Matupi-Palatwah motor lampi ah um mi ralhrang battalion 304 sakhan cu CDF-Matupi le CNA phufonh nih nihin January 26, zanlei suimilam 4:00 ah luhhnawh in an doh hna. Hi kahdohnak ah hin ralhrang lei minung 8 an thi, tiah fehter a si i minung 10 hrawng nih hliamhma an tuar.

SAC lei nih hriamhme le hriamngan hmang in an kah hna caah zanlei suimilam 5:00 tiang faak ngai in an i kap. Mizapi vengtu ralkap lei cu hliamtuar le a thi mi an um lo. January 24 ah Matupi-Mindat lam Chanpian (ချန်ပြန်း) khuahlun lei ah Matupi in rallam a sialtu ralhrang phu hna cu

CDF-Matupi nih an rak kahdoh cang hna i ralhrang phu lei minung pakhat a thi, tiah fehter a si, cun minung 3 nih faak ngai in hliamhma an tuar. Mizapi vengtu ralkap lei hliamtuar le a thi mi an um lo, tiah theih a si. -CDF MatupiThe Chin Post

Chin ramkulh ah Chin mizapi vengtu ralkap phu hna le ralhrang phu hna thla 9 chung an i kahdohnak ah ralhrang lei in minung 1,000 leng an thi, tiah Chinland Joint Defense Committee nih cathanh an chuah. Cu thla 9 chung ah cun kaphnih karlak kahdohnak voi 180 leng a chuak.

Chin mizapi vengtu ralkap phu lei in minung 58 cu ram le miphun ca ah an nunnak a liam, tiah theih a si. A luancia 2021, April 24 thawk in Chin ramkulh ah ralhrang phu le Chin mizapi vengtu ralkap phu karlak kahdohnak cu aa rak thawk i 2021 December 31 tiang ah kaphnih kar kahdohnak voi 184 a chuak, tiah theih a si.

Kaphnih kar kahdohnak voi 184 chung ah hin kahdohnak a faak lo deuh mi cu relhchih an si lo, tiah an langhter chih. Kaphnih karlak kahdohnak ruangah nawlngeihnak latu ralhrang phu lei in minung 1029 an thi i,

Chin mizapi vengtu ralkap lei in minung 58 an nunnak a liam. Cun, ralhrang phu hna nih sualnak ngeilo khua mi minung 27 cu an thah hna, tiah cu cathanh chung ah cun an langhter. Ref; The Chin Post

Be First to Comment

Leave a Reply

Your email address will not be published.