Press "Enter" to skip to content

CDF-Mindat Pasaltha Hna Nih SAC Uico Ralhrang Tam Taktak An Thah Than Hna- Video

Mindat-Matupi lamcung kahdohnak ah SAC ralkap 35 an thi, CDF-Mindat nih bom an puah hnawh hna. 2022 April 2 – Mindat in Matupi lei ah a kalmi SAC ralkap mawṭaw thluan 83 cu March 29 ah CDF-Mindat nih bom an puah hnawh hna caah cuni kahdohnak lawngah SAC ralkap 15 an thi i tampi nih hliamhma an tuar tiah CDF-Mindat sin in theih a si.

Cu ralkap mawṭaw thluan ahcun, SAC ralkap 250 hrawng an tel caah kahdohnak a fak rih kho men tiah CDF-Mindat in biachimnak nawl a ngeitu nih Yangon Khit Thit ah a chim. Mah SAC ralkap mawṭaw thluan 84 cu Matupi Byu-ha ah eidin chanding in a kalmi an si i Mindat in an chuah lioah CDF-Mindat nih an kah hna hi a si.

Video Zohnak!

SAC ralkap mawṭawl thluan donding ah a kalmi SAC ralkap pawl cu Chanpyan khuathar pawngah CDF-Matupi nih an kulh hna i an kah hna caah SAC ralkap 20 hrawng an thi tiah Khit Thit thawngzamh nih a langhter. The Chinland Post

Hakha ah COVID-19 Zawtnak a Um Ti Lo, Center Kharnak Nihin ah an Tuah. Hakha khuapi ah COVID-19 zawt a reh cang ca ah Hakha Township Public Healhtcare (HTPH) tlangtlaknak in tuahmi COVID-19 mizaw zohkhenhnak Center zong nihin April 2 in kharnak an tuah cang, tiah ttuanvo ngeitu upa sin in thawng kan theih. Hakha COVID-19 zohkhenhnak lei ah Operation Manager a si i, HBA ah mino Secretary zong a simi Saya Sui Mang nih, “Case Zero a si i, COVID-19 zawtnak kan tei cang tinak a si ko.

SAC lei zong nih March 31 ah khan Hakha ah COVID-19 case Zero a si cang an ti ve,” tiah The Chin Journal ah a chim. Hakha COVID-19 Center ah zaanghleicawi in pum aa pemi mino hna upat peknak le roca peknak zong nihin ah HBC ah an tuah. Atanglei ca hi COVID-19 Kong he Pehtlai in HTPH Riantuannak Report a si. Hakha Township Public Healthcare (Covid-19 Response) Committee Riantuannak (June 24, 2021 – March 20, 2022)

Covid-19 zawtnak pulrai in kan miphun kan i kilven khawhnak hnga rai le ral lak ah nunnak thap in riantuan a herh. Cucaah HCMF le HBA MC thluachuah peknak in Hakha Township Public Healthcare (Covid-19 Response) Committee cu Salm 24:4, “a thiangmi tuahnak le a thiangmi lungthin,” cherhchan in June 24, 2021 ni ah dirh a si. Nihin tiang zaanghlei cawi in riantuannak pawl cu a tanglei bantuk in a si.

1. Motor in mizaw le mithi chungkhar bawmhnak (Ambulance Service): July 7, 2021 – March 20, 2022 tiang Covid-19 mizaw le lungrumhmi mizaw don-thlahnak le mithi ruak thlahnak caah motor in voi 2510 bawmhnak pek an si. 2. Zawtnak cheknak le mizaw zohkhenhnak (Community Care Center 1: Test & Care): August 2, 2021 – March 16, 2022 tiang minung 3035 test an si i mizaw 427 damlak in zohkhenh an si. November 21, 2021 ah CCC 1 ah zohkhenh herhmi case zero a si. Home Isolation in zohkhenh mi mizaw 75 zong an dam i March 16, 2022 ni in case zero a si cang.

3. Oxygen dawp herhmi mizaw zual zohkhenhnak (Community Care Center 2): August 27, 2021 – March 12, 2022 tiang mizaw 448 zohkhenh an si. Agape ah 24 thial, CCC 1 ah 2 thial, 44 nih mual an kan liam tak, 378 nih damnak an hmuh. March 12, 2022 ni in case zero a si cang. 4. Oxygen Plant & Supply: August 2, 2021 – March 18, 2022 tiang O2 Cylinder 40L lung 16741 rawn in mizaw bawmh an si. Kawlram ah man fawi bik in an rawnpiakmi hna rate in tuak hmanh ah, (16741×25,000=418,525,000/-) MMK 418,525,000/- man mizaw bawmh an si cang. Hi O2 Plant cu AGAPE CLINIC pawng ah inn sak in thial khawh dingah timhtuah cuahmah a si.

5. X-ray Service: August 2, 2021 – March 31, 2022 tiang voi 1974 thlak a si i mizaw 376 cu FOC pek khawh an si cang. Hi riantuannak cu AGAPE CLINIC ah thial in mizaw zapi nih i thathnem pi khawh ding in riantuan cuahmah a si. 6. Prevention & Control: December 1, 2021– March 18, 2022 tiang Covid-19 vaccine chunh khawhnak caah cold chain system 1 install tuah a si i dose 3812 chunh a si cang. Khuami zapi he runvennak rian: City & Ral Dun market luhnak hngahnak (thla 2), khuachung ah loud-speaker he fimchimhnak (ni 20), mask campaign (khuapi cul in voi khat), handwash stand hmun 8 ah tuahnak, khua luhnak gate cheknak hmun 3 ah tuahnak, outpass card 15,000 sernak, lockdown le stay-at-home chung volunteer nih thazang peknak – pawl tuan an si.

7. Rural Healthcare Service: December 16, 2021 – January 29, 2022 tiang Zokhua, Chuncung, Zaathal, Vanmualthar, Buanlung, Surkhua le Hausen khua hna ah va kal hnawh in minung 899 test an si i mizaw 191 damlak in zohkhenh an si. Mizaw dang 1013 zohkhenh an si. Khuate 20 hrawng ah Covid-19 runvennak caah a herhmi thilri bawmh an si. 8. Rian Tuannak Caah A Herhmi Volunteer Thazang: July 7, 2021– January 31, 2022 tiang volunteer 101 in tuan a si i February 1, 2022 – March 18, 2022 tiang 62 in tuan a si. Hi rian thawk ka in kan lim ni tiang volunteer 343 nih tuan a si i, nu 112 le pa 230 an si. Khrihfabu 19 le Cawbuk le Khuathar mino hna nih thazang an chuah.

9. Food Supply: Thla 5 chung volunteer thaithawh zaanriah tuanvo a latu HCMF le thla 4 chung volunteer caah rawl a kan chuanpiak tu HBA Staff cungah lunglawmhnak tampi kan ngei. 10. Tangka le thilri hmuhning: Thilri in MMK 797,155,000/- man le tangka in MMK 377,237,198/- kan hmuh. Zapi fonh ah MMK 1,174,392,198/- man in riantuan a si. Seh le sii lei riantuannak thilri MMK 450,000,000/- man hrawng a hmun lai i hman in a dih colh ding sii-ai le thilri MMK 84,000,000/- hrawng a taang.

Hi riantuannak ah minung thazang, thilri le suingun chawva in dirkamhtu hna cu a tanglei bang hin an si: MAM, STC-Hakha, KMSS-Chin, GRET-Chin, CORAD, H&H, CHRO, Sclr, Lawkah-alin, AGAPE, HCVG, Rural-U, HRC le min in langhter khawh lo mi bu le pumpak nan cungah kan lung aa lawm tuk. Pathian nih thluachuah in pe chin hna seh!

[Burmese}

ဟားခါးမြို့ COVID-19 ရောဂါကင်းစင်၊ COVID စင်တာ ပိတ်ပွဲကျင်းပ/ ချင်းပြည်နယ်၊ ဟားခါးမြို့တွင် မတ်လ ၁၆ရက်နေ့ကစ၍ COVID-19 Case Zero အထိကျဆင်းလာပြီဖြစ်၍ ယနေ့ ဧပြီ ၂ရက်နေ့တွင် COVID-19 ရောဂါကုသရေးစင်တာ ပိတ်ပွဲအခန်းနားကို ဟားခါးနှစ်ခြင်းအသင်းတော် (HBC) တွင် ကျင်းပခဲ့ပါတယ်။ ပြီးခဲ့တဲ့ ဇူလိုင် ၂၀၂၁ ခုနှစ်ကစ၍ ဟားခါးမြို့နယ်ပြည်သူ့ကျန်းမာရေးစောင့်ရှောက်ရေးကော်မတီ (Hakha Township Public Healthcare Committee-HTPH) က ဟားခါးမြုနယ်အတွင်း

COVID-19 ရောဂါကာကွယ်စောင့်ရှောက်ရေးလုပ်ငန်းများ ဆောင်ရွက်ခဲ့ရာ COVID-19 ကုသရေးစင်တာ ၂ခုကိုလည်း ဟားခါးမြို့တွင် ကိုထူကိုယ်ထဖွင့်လှစ်ခဲ့သည်။ မတ်လ ၂၀၂၂ ခုနှစ်အထိ ကိုဗစ်လူနာ ၄၂၀ ကျော်ကို ကုသနိုင်ခဲ့ပြီး လူပေါင်း ၃ထောင်ကျော် ကာကွယ်ဆေးထိုးပေးသည့်အပြင် သိန်းပေါင်း ၄ ထောင်ကျော်တန်ဖိုးရှိ အောက်စီဂျင်ကို ကိုဗစ်လူနာတွေဆီသို့ ဖြန့်‌ေ၀ပေးခဲ့ကြောင်း HTPH ရဲ့ အစီရင်ခံစာအရသိရှိရပါတယ်။ “ဟားခါးမြို့မှာ COVID-19 case Zero ဖြစ်သွားပြီ။

ရောဂါကင်းစင်သွားပြီလို့ ပြောလို့ရတယ်။ စကစဖက်ကလည်း မတ်လ ၃၁ ရက်နေ့က ဟားခါးမြို့မှာ COVID-19 case Zero ဖြစ်ပြီလို့ ပြောတယ်” လို့ ဟားခါးမြို့နယ် COVID-19 ကာကွယ်ရေးကော်မတီရဲ့ Operation Manager Saya Sui Mang ကပြောပါတယ်။ ယနေ့၌ ကျင်းပပြုလုပ်တဲ့ ဟားခါး COVID စင်တာပိတ်ပွဲအခမ်းအနားတွင် Volunteer ၀န်ထမ်းများ ဂုဏ်ပြုခြင်းအစီစဉ်ကိုလည်း ပူးတွဲပြုလုပ်ခဲ့ကြောင်း သိရပါတယ်။ (HTPH) The Chin Journal

Be First to Comment

Leave a Reply

Your email address will not be published.