CDF nih thonginn ngei a herh
CDF nih Antlaihmi Rallokap (2) Anthlah Sual Ruangah Ankan Tih Tilo. Kutin Tlaih Khawh mi Ansi Anti Cang. CDF nih thonginn ngei a herh. “Kan sin ara mi Rallokap le Palik siseh, tlaihmi Rallokap le Palik siseh, abik in kawl miphun kan sin ah aadawr mi si hnaseh, kan sing ning le kan chanbaunak an kan theihlo a herh” tiah social media ah arak kai. Ka umnak Australia in Tulio Rallokap he aadoh bik mi Mindat, Kanpelet, Matupi ah aum mi, hawikom hna sin ah ka phone hna.
Social Media nih nan tial mi kha Thonginn ngei lo ruangah, Matupi CDF ah thil cang mi tu arak si. Matupi cu Pu Thaicawn tefa an si bangin an raltha an fim miphun an dawt. Lairam ah Matupi hlei cu ti an si. Tutan Paucan Dohthlennak ah Minthang bik mi hi Matupi deuh lawng ansi. Dr. Andrew Ngun Cung Lian, Pu Ngun San Aung, Pu Htet Ni, Dr. Sa Sa, etc., an tam pi rih. Hung chap te ko. Achia he a tha he aa cawh lulh ko.
Matupi hi Hakha bang Buha umnak asi. CDF nih meithal le bomb in Buha bak cu an kah lengmang. Rallokap nih an tih hrinhran hna. Hi tluk mi raltha hna hmai ah nunnak lam aum lo an ti. Thih bawh in an um caah Rallokap tampi kan chap uh, Raltuknak vanlawng le Tank tiang in kan kuat uh tiah Nipidaw ah an cah hna. Nan kan khamh lo ahcun Matupi ah aum mi Uico cu kan thih dih cang lai tiah zan mangchia hluan in nithla an rel hna.
Ramdang um mi chin mi le NUG nih hriamnam phuntling an bawmh hna caah tei khawh ding an si lai lo tiah Buha nih an ruah mi CDF Matupi an si. Thaicawn tefa an si caah Raltuk thiam cia in an chuak tiah an tih tuk hrinhran hna. CDF dang zong Matupi bangin thazang thawntuk mi ansi tiah an ruah dih hna I ankan tih tuk.
Voi khat cu CDF Matupi nih Rallokap pahnih cu an nung in an tlaih hna. An sakhan ah an hruai hna. Ni zeimawzat an um hnu ah zan ah athli tein an tli. Cuhna pahnih nihcun zeihmanh ansi lo, an ngeih mi zong a um lo. Lai meithal le thalpat deuh asi. Kut serchawm mi bomb in an kan kah mi asi. Tih awk asi lo. Kut in kan tlai khawh dih hna lai. Ra uh law kut in va tlaih hna uhsih tiah cu a luatmi Rallokap pahnih nih cun an ti hna.
Aluat mi Rallokap pahnih nih an hruai hna I CDF Matupi Sakhan cu an va chim. Kut in tlai uh tlaih uh tiah an au pah len ti asi. Cuka dohnak hmun ah CDF Matupi Tatzinhmu cu Ram le Miphun caah a nunnak sung a pek kha asi. Anau le kha a zam ter hna, amah tu thih aaham. Upat hmaizah awk tlak chin mino Fallen Hero bak asi.
Atu cu CDF hi an kan tih hrim hrim tilo. CDF kan Thawn ter deuh hna lo ahcun zei dirhmun dah kan phak lai tuak cio ko uh U le nau hna. Tlaihmi Rallokap hi CDF sakhan ah kalpi ti bak lo ding. Fim tawl colh ah atha deuh cang lai. Thlachiat kan ruat I Kanmah tu kan thi. Razua tiang Rallokap an ra khawh hi, hi thil sining ruang ah asi ve ko.
Rallokap le Palik hi kan minung an si ah kan hawikom an si ah kan khuami an si zong ah zumh bak ti hlah uh. Raldoh an duh ve ahcun batallion dang tuah piak hna usih. CDF he I cawh ti hna hlah seh law kan him deuh men lai. By_ Zingtincuai Cinzah
