Press "Enter" to skip to content

CDF Pasaltha Rual Nih Ralhrang Sakhaan An Luh Hnawh

Mindat Khah-lah-yiah 274 Sakhan CDF-Mindat Nih An Luhhnawh. Mindat he meng thum hrawng aa hlatnak Matupi lampi cung ah a ummi SAC ralkap nih hriamngan he hrambunhnak khah-lah-yiah 274 sakhan cu nihin October 5 zinglei ah naih tein kan kah hna tiah CDF-Mindat in chimphuannak nawl ngeitu nih a chim.

“Tualchung mi hna an umnak khua hna ah hriamngan in a kap zungzaltu an si caah, kan kah ve hna” tiah chim phuannak nawlngeitu nih a chim. Kahdohnak ah SAC ralkap leiin a thimi an tam kho, CDF-Mindat phu chungtel hliamhma tuarnak a umlo tiah chim phuannak nawl ngeitu nih cun a chim chap.

Kahdohnak a dih hnu ah tualchung mipi an umnak khua hna cu SAC ralkap nih hriamngan he voi 20 hrawng an kah , Mindat sianghleirun kalnak lam pawng inn pakhat cu SAC ralkap hriamngan kahnak in a rawk tiah an thanhmi ah cun an langhter.

SAC ralkap sakhan kahdohnak ruang ah a thimi le hlianhma tuarmi kong fiang in theih a si rihlo nain, kahdohnak ngol hnu chunhnu ah khah-lah-yiah 274 hmun chungah mizaw phortu motor cu rangngai in an lut, cun checkhlatnak fakngai in an tuah tiah theih a si. Ref:DeltaNewsAgency

Relchap: Chin State SAC nih Khuate 5.9% lawng an control khawh, Chin State chung ah khua 1300 fai a um. Mah cu cozah/kumpi lei nih village administration (ce zua oh suh) 463 ah an then. Mah cu (ce zua oh suh) khuabawi le tlang tiah uknak lei I kan timi khi asi.

“ce zua oh suh” 463 chung ah Chin State SAC nih “ce zua oh suh” 28 lawng ah khuabawi rian kan khinh khawh hna tiah Chin Stte SaAC ralhrang lutlai thar Vung Suan Thang nih Ne pi taw SAC chairman MAH sin ah ca a kuat.

CNF nih 70% renglo kan control tiah an ti na in an mah SAC Chin State Chairman nih ca a ttial ning ah cun khuate (ce zua oh suh) 463 chung ah 28 lawng 5.9% lawng ah khuabawi rian kan khinh khawh hna tiah ati.

Chin State chung ah fakpi in rian kan ttuan khawh nak ding ah cun an mah Chinmi chung in SAC sin ah ral (CNA-CDF) cawlcangh nak thawngpang a kan pe kho tu ding mi minung ttha te in kan izuat khawh nak ding hi a biapi bik mi asi tiah a ttial chih.

Atu tiang rih ah cun Chin mipi chung ah SAC lei ttang le thawngpang pe tu pakhat hmanh kan um rih lo ti afiang. Fekte in ttang ttualmal rih ko hna usih. Ralhrang SAC an si avang ngaingai cang.

Kan tei hrimhrim lai. (Chin ram chung ralhrang cazin, aho dah tuanvo le mawhphurhnak a nei timi vialte zong fiangte in a ttial chih dih). Credit: Chak Um Pa

Thawngdang Relchap: Ralhrang Ziaza le Muisam Ken Honeys Japan Company. Ralhrang MAH ni uknak an kan chut tir ah Kawlram in Japan Sipuazi le Co. Ltd vialte chuak dih asi lai tiah Japan Cozah nih an ti. Dr. Sa Sa zong nih a tawn hna I, OK, YES, an ti. NUG cu mipi cozah ah kan cohlan an ti nain, Japan Co. Ltd rual hi kawlram in an chuak lo.

Dr. Sa Sa ṭuanmi le chimhrel mi paoh hi a hnu in Khuachia nih an hrawk lengmang ti awk in, ahnu ah a rawk ṭhan mi an tam ngai te. Achuak mi Co. Ltd rual hi a sung mi le Ramdang ah miaknak tam deuh an hmuh ruang tu ah arak si. Kawlram mipi lei an um ti nak le MAH he rianṭuan duh lo ruangah a rak si lo.

Ramdang Co. Ltd an chuak, Tuluk Co. Ltd an lut ko caah, kawlram ah Sipuazi kan ngawl hi sullam a ngeih lo. Tuluk nih Sipuazi ah Japan a tei tuk lai kan duh lo caah asi tiah Japan Cozah nih an ti. Nippon Foundation in Dr. Sasa Kawa kawlram a rat kha ka lung pem cang.

Japan Co. Ltd Honeys cu Thilṭhit nak Cetzung asi. A luan cia kum 3 lio ah Mingladon ah Cetzung pahnih an tuah cang. Honeys Thilṭhitnak Cetzung (1) le (2) tiah min an pek. Rianṭuantu 1000 leng an ngeih hna. Cetzung 3nk tuah aa timh lio asi. Kawlram cu a miak tampi kan hmuh. Ramdang nakin a miak a tam deuh tuk. Hlawhman le a dang a dih heu mi an tlawm deuh tuk. Cucaah USD 11.3 Million man Investment tuah ṭhan aa timh tiah Japan News NIKKEI Asia nih, 2 August 2022 ah, a phuang.

Biakam senthuh ning in le upadi ning in rianṭuan tu hna covo / benefit / insurance / bonus / tbk an pek bal hna lo caah; 2017 lio ah, 700 nih sandah an piah. Sandah piah tu cu rian in an phuak dih hna. Nihin tiang covo an pek bal hna lo. Nihin 8888 tan ah rian phuak mi 400 nih sandah an piah ṭhan.

Ralhrang he an eihmur I an pek duh hna lo asi men lai. Sihni zong MAH nih a tlaih chih hna caah, Sihni an ngeih ti lo. Japan um mi kawlram mi tal nih Japan cozah sin ah au piak an herh men lai. Sachiat MAH nih uknak an kan chut ri in, rian ngeih loin a vaivuan mi hi 1000000 leng an si tiah ILO nih an phuang. Cu pawl cu Ramdang an kal tikah Thailand, Malay le Tuluk nih an rak khirh hna, An kalnak leiba an cham khawh ti lo caah nu ṭhalo ah aa chuak mi relcawk lo asi cang. Rangoon, Mandalay le kawlram khualipi poah ah Sipuazi ṭhabik cu mah btk rian an ti.

Ralhrang MAH bantuk asimi Honeys Co. Ltd nih Cetzung thar an tuah ahcun, kawlram mi (Abikin) nu pawl tampi an kan hlen rih lai. Kan covo kan hal bantukin Cetzung thar sak khawh lo ding le tuah khawh lo ding in kan doh lai tiah an hruaitu Daw Myo Myo Aye nih a ti. Honeys Co. Ltd sin ah an hal mi hmaitlam cu 20000,00000 asi (Ting 20000). Credit; Joseph R. Thang

Be First to Comment

Leave a Reply

Your email address will not be published. Required fields are marked *