CDF-Siyin Bawmh Dingin CNA Ralkap Le CNDF Ralkap Zong Timh Tuahnak An Ngei Cuahmah Lio A Si! CNDF Cu An Kal Ter Cang Hna
CNDF nih an ralkap minung (2) an thlah ve hna. Kalaymyo in Laitlang ah SAC ralhrang tamtuk cu motor (30) he bak Laitlang ah an rak kai cuahmah.
Nihin ah CDM Syin nih lampi ah an tarh mi Bomb an i lamh sual caah SAC ralkap 6 an thi i a dang hliamtuar zong an tam ngai ti asi.
Tutan Laitlang a rak kai mi SAC ralhrang hi an milu hrim an tam, motor (30) he bak an si fawn. Cu caah a lamkip in phih nak le khamnak tuaktan a si.
CNA lei zong hi minung tam ngai an i timtuah, Cun CNDF lei nih an ralkap minung pahnih an thlah ve hna ti a si. NOTE: Tutan raldonak kong hi Statement chuah a si te lai, cu tikah zeibantuk thazaang in dah an i tel cio timi kha zapi nih ruahthiam ngai a herh te ding cu asi. Credit: GM
Sangaing ramṭhen Yinmabin peng, Nabu khuami fa 3 ngei “Ko Zaw Min” cu SAC ralkap le Pyusawhti nih an thah tiah kan theih. March ni 8 zanlei, suimilam 3:00PM hrawng ah Yinmabin peng Nabu khua chaklei ṭhaan hmun ah SAC ralkap le Pyusawhti nih Ko Zaw Min cu a ruang um loin an thah tiah theih a si.
SAC ralkap rallam sial in khuachung an hung luh hmu in ṭihphan ruang ah ṭhaankung in a zuangmi midang pakhat zong fak tuk in aa hliam caah zanlei suimilam 7:00PM hrawng ah a nunnak a liam ve tiah kan theih.
SAC ralkap le Pyusawhti nih an thahmi Ko Zaw Min nih a nupi, thla 2 tluk bawhte, kum 7 le kum 10 ngakchia tiin a liamtak hna tiah theih a si. SAC ralkap nih mi an thah le lainawn lawng si loin motorcycle 2, phone, chiti le facang zong hramhram in an chuh hna tiah theih a si.
Yinmabin peng chung ah SAC ralkap lut in an cawlcangh ning ṭihnung le tuksum tuk a si caah khuami ṭiṭi phangphang in a um hlei ah khuami thilri hramhram in chuh le fir an hman caah Yinmabin peng chung a ummi hna cu ralhrial in an um hna tiah theih a si. Khit Thit Media
