CDM I Tel Ruang Ah Tlaih A Tongmi Palek Unau Hna Pa 2 Khoika Hmun An Chiah Hna Ti Hngalh A Si Lo.

Ralkap Uknak Duhlo Ruang Ah Tlaih A Tongmi Palek Hna Unau Khoika Hmun An Chiah Hna Ti Hngalh A Si Lo.
============================================

Ralkap uknak duhlo ruang le doh ruang tlaih a tongmi Palek unau hna 2 cu Khoika thong ah le khoihmun an chiah hna ti hngalh a silo caah a hrintu hna a pa lungrethei in a um tiah theih asi.

An tlaihnak hna a ruang bik cu Ralkap uknak an duhlonak kong kha Social media ah an ttial i February 3 zaan ahkhan Kyankhin police nih an tlaih hna i chungkhar nih tonnak nawl zong an kan pelo February 17 ahcun Siizung ah cheknak tuah ding tiah an kalpi hna i a lam hlat lawng in ka fapa le 2 cu ka hei hmuh hna Zei bantuk dah siizung ah chek ding timi zong kan hngal lo tiah an pa nih a chim.

February 18 Pathein thonginn ah an kuat hna i february 23 ah tonding in kan va kal tik ah hika in an tthialnak hna ni 2 si cang an ti.Pathein myo District Police zung ah ka kal i tonnak nawl ka hal hna nain ni 2 cu an um ko nain an i tthial cang anti khoika an tthial hna bel ka hal len hna nain an ka chim duhlo tiah hringtu anpa simi U Thant Zin nih a chim.

Ka fa Upa deuh pa hi Thu Ring Lyn le a nau Hta Ya Lyn hna cu Police Zulhphung le upadi ning tein biaceih le danpek an si ti lawng an ka fianh i khoika hmun an chiah hna bel an ka chimlo caah ka lung theihko tiah Mizzima News ah a chim. Source: Mzzima