Press "Enter" to skip to content

CDM Tuah Ruangah Ralhrang Nih An Tlaih Hna Nain An Chuak Deng Cang Sihmanhsehlaw Thong Kum 3 Tlak Ding In Bia An Khiah Piak Hna

Sagaing ramthen Gian Khin khuapi ah SAC ralhrang ralkap nih nawlngeihnak a laakmi cohlan khawhlo ruangah duhlonak langhter in a hmasabik CDM tuahtu palek Thu Rein Lyn le corporal Ta Ya Lyn unau pahnih cu SAC ralhrang nih an chuahnak a naih cang nain aruang umloin kum (3) chung thongtla chap dingin bia an chahpiak tiah anmah chungkhar sinin theih a si.

SAC ralhrang ralkap duhlonak kong cu social media ah an tial tiah sualphawt hratin Ko Thu Rein Lyn unau pahnih cu SAC ralhrang nih kum 2021 Febuary 3 ah an tlaih hna hnuah March 15 ah kum 1 chung thongtla dingin biachahnak an tuahpiak.Kum 1 chung thong an thlakmi cu a tling cang caah an chuah lai teah thonginn chungah SAC ralhrang duhlonak an langhter tiah sual phawt than in section 505 (က) in tazacuai than hratin kum 3 chung thong an thlak than.

Ko Thu Rein Lyn unau pahnih hna cu anmah chungkhar tong kho loin SAC ralhrang nih an phihkham hna caah Patein thonginn an phak hnuin cun vawikhat hmanh an tong kho lo tiah theih a si.

 

Kawhkareik Khuapi Denko Dizel/Datsi Dawr Ah Bomb Pahnih A Puah Caah Mei Nih A Kang!
Kayin ramkulh Kawhlareik khuapi Tamangiah chuahnak zawn Kawhkada ah a ummi Denko dawr ah bomb pahnih a puah caah mei kanghnak a chuak tiah anmahlei mipi nih an chim.
Bomb puahnak ruangah siseh mei kanghnak ruangah siseh hliam tuarmi minung an um le um lo cu fehter khawh a si rih lo.Denko dawr ngeitu hi SAC ralhrang ralkap he aa pehtlaihtu U Chit Khine Paing ngeihmi a si tiah theih a si.

 

Be First to Comment

Leave a Reply

Your email address will not be published.