Press "Enter" to skip to content

Cei Bak Hna Seh : Tu Chun Ah Khan KIA Nih Kawl Ralkap Tam Lak Te An Thah Hna

KIA nih Kawl ralkap tamlak an kah thah than hna. KIA le Kawl ralkap hi nifatin in an i kap cang. Nihin March 2,2021 ni ah Kawl ralkap le KIA hriamtlai hna cu Mule lampi cung ah sau ngai an i kap. Kawl ralkap nih KIA umnak lei ah ralkap thazang an chap hna caah KIA nih lampi in an rak bawh hna i an kah hna.

Nihin hmunkhat an i kahnak ahhin Kawl ralkap lei in minung 9 a thimi ruak KIA nih an char hna. Ralkap tampi hliam an tuar i tampi an zam tiah theih a si. Ralkap nih uknak an lak hnu ah February 10,2021 khan Kawl ralkap nih KIA hriamtlai umnak lei ah ralkap thazang tampi an chap caah tu bantuk in nifatin ti awk in kahnak a chuahnak hi a si tiah KIA lei nih an chim. Kawl ralkap le KIA an i kah ahhin Kawl ralkap lei a thimi an tam deuh peng. KIA nih Feb 10 hnu in a tu tiang ah Kawl ralkap tamtuk an thah cang hna.

Thawngpang dang relchap >>>>>>

Kawlram Police Pawl Cu Nihchuak An Si Cei Bak Hna Seh KNU Ralkap An Ngamh Ti Hna Lo

Karen Ralkap/Hriamtlai Hi Cu Uar An Um Bak Ko… Palek I Cei Hna Seh. Palek pawl cu an i cei kho tak tak. Karen Hriamtlai nih an chuah hnawh hna i an dai hir hiar ko. Karen Hriamtlai , Ralkap hi cu uar an um kho tak tak si. An ral a ttha kho tak tak, mipi caah tih mi ngei bak lo in biatak tein a herh ning bak in an cawl cang ngam i an cawlcang kho fawn.

Tu ni Myawaddy khua chung ah sandah piah nak ah mi zei maw zat cu palek nih an tlaih hna. Sandah a piah mi palek nih harnak an pek hna le an tlaih hna cu, Karen Hriamtlai hna nih an theih le cang ka tein an va chuah hnawh colh hna. Palek pawl cu Karen Hriamtlai nih an va chuah hnawh hna i, nan tlaih mi kha thlah colh hna uh tiah an va ti hna.

Cu ti in Karen hriamtlai nih palek nih tlaih mi hna cu chuah hna uh tiah an va ti hna ah cun palek cu dai hir hiar tein an um i, Zaan lei mipi nih sandahpiah in an lawi pah ah kan thlah ve dih hna lai tiah chunglei thawng pang a thei tu ACC alliance group i a um mi U Ye Min nih a chim. Karen Hriamtlai hi cu uar a um kho tak tak si.

Be First to Comment

Leave a Reply

Your email address will not be published.