Shan ramkulh chaklei Kuet Khine peng chungah thazaang chap dingah a rami SAC ralhrang motor rual cu Febuary 9 zaan sml 10:30 hrawngah Khu Mong khua pawngah KIA nih lampi in an rak kah tiah theih a si.
SAC ralhrang ralkap motor rual 33 in a kalmi cu an kah tikah ralhrang motor pakhat a rawk tiah Kuet Khine khuami pakhat nih The 74 Media ah a chim.
SAC ralhrang ralkap hna cu motor in an rak kai hna tikah lampi in an kah tiah kan theih. Zaan a si tikah kan hmu kho hna lo nain zinglei khua a dei tikah cun motor pakhat cu lamkam ah an kaltak. Motor pahnih cu a khenh ko nain. Zaan a si tikah a thimi le hliammi zong mipi hmuh lo dingin an kalpi colh tiah amah nih a chim.
SAC ralhrang ralkap hna nih an motor kah an ton hnuin sml cheu chung bak cu pawngkam ah heh le hnik in an kah tiah theih a si.Shan ramkulh chaklei sangah SAC ralhrang ralkap nih a thazaang a chap chin lengmang tiakh cuka leikap a ummi MNDAA, KIA phu hna he atu le atu an i kap lengmang tiah theih a si.
thawngdang..Tanhse Ah A Ummi Kan Htu Mah (ကံထူးမ) Palek Sakhan Cu PDF Nih Luhhnawh In Kah!
Sagaing ramthen Tanhse peng Kan Htu Mah palek sakhan cu Febuary 9 zinglei sml 4:30 hrawngah Tanhse PDF nih luhhnawh in an kah tiah theih a si.Kan Htu Mah palek sakhan cu sml 1:00 chung bak hriamnam phung tling hmangin ka kah hna i, a thimi le hliammi zat hi fiang tein kan thei kho rih lo tiah Tanhse PDF chungtel pakhat nih The 74 ah a chim.
Kan Htu Mah palek sakhan cu zinglei sml 5:00 tiang hriamnam phuntling in kan kah hna i, kannih Tanhse PDF leikap ahcun a thimi le hliammi kan um hna lo i, him tein kan i zukphiak kho. Kan Htu Mah palek ahcun a thimi le hliammi cu an um ko lai nain fiang tein kan theih kho tiah amah nih a chim.
Kan Htu Mah sakhan cu SAC ralhrang ralkap (40) tluk an umnak hmun a si tiah theih a si.
Zinglei ah khan palek sakhan kah a ton hnuin palek sakhan pawngah a ummi mipi hna cu motor siseh cycle in siseh himnak hmunah an zaam tiah amah nih a chim.Sagaing ramthen ahcun SAC ralhrang ralkap le PDF karlak ah kahdohnak a fak ngaingai i, Tanhse peng chung Puh Tyi (ပုတီး) zongah January 15 ah khan umnak sakhan tuah hratin khuami inn hna cu mei kn an khanghpiak hna tiah theih a si.
Post Views: 302
