Press "Enter" to skip to content

Chin Mipi 100 Hrawng Zamnak Thilchia Hrang An Inn Le Lo A Rawk Tam Ngai

Mindat peng in ralzam chungkar 100 leng an umnak camp, April 17 chun suimilam 2:00 hrawng ah thlichia le ruah in a den i a rawk, Magwe ramṭhen, Pauk peng ah SAC ralkap nih April 12 zaanlei sang ah an kah mi hriamngan 60mm kuan nih khen hna ruangah Tasu(တံစူး) khua ralzaam 9 an nunnak a rak liam, tiah tualchung mi hna sin in theih a si.

Hriamngan kahnak in a nunnak liam mi hna cu Daw Tan Saw(ဒေါ်သန်းစော), Daw Tin Moe Hlaing(ဒေါ်တင်မိုးလှိုင်), Daw Hte Wa(ဒေါ်ဌေးဝ), Daw San Khui(ဒေါ်စန်းခွေး), Ma Hka Myo Nwe(မလှမျိုးနွယ်), Ma Hla Myo Cuai(မလှမျိုးကြွယ်), Ma Khin Tan Nu(မခင်သန်းနု), Ma Zin Zin Aung(မဇင်ဇင်အောင်e) le U Myint Po(ညီးမြင့်ပို) an si i, hmunkhat teah a bu in an thi, tiah theih a si.

Cu lengah mipi hna nih ramlak le burbuk lak ah an i thuh mi hrukaih hnipuan, cycle 5, tidawpnak seh le facang pung 400 tuk an khangh piak hna, tiah tualchung mi hna sin in theih a si. Tualchung mi hna nih an i khon chung mi sii-ai, eidin tiirawl hna le minung herh mi hmanrua pawl cu SAC ralkap nih an hrawh dih caah mipi hna cu bawmh an herh ngai, tiah theih a si.

Tamu khuachung sianginn pakhat ah umhmun khuarmi SAC ralkap hna cu Tamu-PDF nih nizaan April 17 ah an kahdoh hna i SAC ralkap minung 4 an thi tiah an thanh. Ca cawnnak sianginn hmunhma chungah umhmun khuar in khuasa mi SAC ralkap hna cu People’s Defense Force-Tamu nih April 17, chunhnu ah an kahdoh hna hi a si.

” SAC ralkap 4 an thi, sianginn cu SAC ralkap umnak hmunhma a si lo” tiah People’s Defense Force(Tamu) in ralkap pakhat nih a chim. April 13, ni zongah Tamu khuachung Maynikung(မြေနီကုန်း) sianginn hmunhma chungah umhmun khuarmi SAC ralkap le pyusawthi phufonh hna cu Tamu-PDF le ABSDF phufonh nih an rak kahdoh hna i, cu kahdohnak ah cun SAC ralkap lei in minung 4 an rak thi tiah theih a si. The Chin Post

Be First to Comment

Leave a Reply

Your email address will not be published.