Press "Enter" to skip to content

Chin Mipi Hriamtlai Le Ralhrang Kahdohnak ah Ralhrang Ralbawi Telh In Mi 10 Thi Le hliamtuar An Si

Matupi khua ah hram a bunhmi LIB 304 kuttang SAC ralkap pawl le CDF-Matupi cu April 20 zinglei 10:28am ah an i kap. Cu kahdohnak ahcun, SAC ralkap lei Captain telh in 8 an thi, 5 nak tlawm lo nih hliam an tuar. CDF-Matupi lei in aa hliammi an um lo tiah CDF-Matupi nih a thanh. Matupi ah hram a bunhmi SAC battalions pawl nih CDF-Matupi battalion hmunhma chungah thazang tampi in kahdohnak a tuah caah kahdohnak a fak rih kho men tiah CDF-Matupi nih April 20 ah a thanh. The Chinland post

Sagaing ramṭhen, Kathar ( ကသာ) pengkomh, Hti Cheih peng chung um Tone Lung khua lei ah minung thazaang 10 in a rak chuak mi SAC ralkap hna cu mizapi vengtu ralkap hna nih bomb an puahhnawh hna i SAC ralkap 6 an thi, 4 hliam an tuar, tiah theih a si. “Tone Lung(တုံလုံ) khua lei ah rallam a sialtu SAC ralkap 10 cu bomb puah an si i ralkap 6 an thih lengah 4 hliam an tuar.

SAC ralkap pawl cu bomb puahhnawh an si hnu ah an hliamhma an zaam,” tiah bomb a puahhnawhtu Eagles Army – HPDF hruaitu nih Mizzima ah a chim. Bomb puah a tong mi SAC ralkap 10 hna cu SAC ralkap 100 hrawng ca ah rallam a sialtu an si, tiah theih a si i, Tone Lung khua nichuah lei um Kyit Gyi khua lei ah an zaam, tiah Eagles Army – HPDF phu hruaitu nih a chim.

Minung 100 hrawng a si mi SAC ralkap hna cu Hti Cheih peng chung khuate ah khuakhat hnu khuakhat lut in rallam an sialnak thla 3 hrawng a si cang. Tone Lung ( တုံလုံ), Kyit Gyi ( ကျစ်ကြီး) le Pauh Natt (ပေါက်နက်) khua hna ah umhmun an khuar, tiah theih a si. SAC ralkap nih Hti Cheih peng cu internet line an phihnak thla 3 leng a si cang tiah khua mi hna nih an chim. the chin Post

Be First to Comment

Leave a Reply

Your email address will not be published.