Chin Mipi Hriamtlai Sin Ah Ralkap A Phan
Khah Lah Yah (268) In Ralkap Pakhat Hriamtling He CNDF Sin Ah A Zaam. Chin Ramkulh, Falam Peng in SAC ralkap pakhat Htet Myiat Aung, pumpak No. (tah)တ-572557 cu SAC kuttang rianṭuan a duh ti lo caah CNO/CNDF sinah hriamtling he a zaam. CNO/CNDF nih lawmman tangka an pek i himnak hmun ah an chiah.
Mandalay ramtṭhen, MeikHtiLa khua tibual tili ah April 16 zaanlei suimilam 4:00 hrawngah Palik pakhat telh in minung pahnih ti an i kholhnak ah ti ah an paam tiah kan theih. A paammi Palik pa hi Zin Min Hteih a si i, rian i dinh karlak ah MeikHtiLa a rat hi a si. “MeikHtiLa tibual tili hi kum khat voikhat cu mi an paam lengmang tiah upa pawl nih an chim . Palik pa le midang pakhat hi an thi i pakhat pa belte cu kan khamh khawh,”tiah tualchung mi pakhat nih a chim.
A thimi hna lakah MeikHtiLa peng Minkan Ohsuh, Aih khua in Moe Hla (Ye Kyaw timi) le Palik Zin Min Hteih, HtiChaih(ထီးချိုင့်) peng in an si. A thimi hna cu khawn dennak um le um lo, tichung an tlak ruangah an thihmi maw a si timi hngalh khawhnak dingah Palik nih checkhlatnak an tuah tiah kan theih.
Burmese People’s Liberation Army(BPLA) Dirh Kumkhat Tlin Caan hmannak Tuah A Si: Ramkhel Cawlcanghnak ah ṭangrual ding in dirh mi Burmese People’s Liberation Army(BPLA) kumkhat a tlin lawmhnak ah NUG, AA, TNLA le MNDAA nih BNLA sinah lawmhpinak roca (သဝဏ်လွှာ) an kuat. BPLA cu mizapi vengtu ralkap PDF he dirṭi in hramhram nawlngeihnak latu SAC ralkap uknak cu dohnak a tuah lai, tiah zumhnak kan ngei tiin NUG Defence Minister U Yee Mon nih lawmhpinak caṭial (သဝဏ်လွှာ) ah a telh chih.
BPLA kumkhat tlin caan hmannak ah cun KNLA in duh-bu-choh-gyi Saw Baw Kyaw Hae zong aa tel i, Rakhine ralkap AA zong an i tel, tiah theih a si. BPLA cu tlangcung hriamtlai phu hna he hmunkhat ah i fonh in SAC ralkap a dohtu Burma hriamtlai phu pakhat a si. the Chin Post
