Chin Pa Fa Thum Ngei Mi Cu Kalay Ah Meithal Kahnak in A Nunnak Liam

Kalay ah Fa Thum Ngei Chin Patung Meithal Kahnak in Nunnak Liam
———–
Kalay ah fa pathum a ngeimi Pu Cin Khanh Mang meithal in a lu ah an kah ve i a nunnak a liam.Pu Cin Khanh Mang hi Kalay le Chin rammi Khaikam khuami a si. Nihin chun Kalaymyo ah Salai Cung Lian Ceu zong meithal i kah a tong i a nunnak a liam ve.

Tahan ah a ummi minung pakhat nih, “Tahan, Chintaungtan Gate pawng ah a si. Atu (5:00) zong ah ralkap thazaang an rak chap. Motor 3 in an rak tum thluahmah. Minung pahnih an thi ti tiang lawng ka theih. An kah tuk hna caah minung tam nawn an thi kho. Ambulance 4 hrawng a kal cang. Hika zawn hi Tedim an tamnak a si,” tiah a chim.

Nihin Kalaymyo ah ralkap nih minung 5 leng an kah hna i cu chung ah cun atu tiang ah minung 2 an nunnak a liam cang. A dang kah a tongmi minung pakhat hi ralkap nih an tlaih i a thih le a nun an thei rih lo. The Chin Journal