Press "Enter" to skip to content

Chin Pasaltha, CNA Ralkap Nih Ram Le Miphun Caah A Nun A Pek

CNA Ralkap Salai Van Ro A Nunnak Liam! Chin National Army (CNA) ralkap Salai Van Ro cu February 24 ah khan ralram hmun pakhat ah a nunnak liam, tiah Chin National Front(CNF) nih a langhter. Credit; The Chin Post

Yangon Mayankung(မရမ်းကုန်း) peng no.3 sangah ralhrang uk duhlo langhter in lamzawhnak a tuahtu mino hna cu SAC ralhrang nih nizan February 25 ah kalhnawh in an kah hna caah mino pakhat a nunnak a liam, minung 2 nih kuan hliamhma an tuar, tiah khua mi nih an chim. Leirawtu thawngpeknak ruangah SAC ralhrang hna cu mino lamzawhnak hmun ah an phan i, lam aa chok sawh mi mino 4 zong a ruang um lo in an tlaih hna, tiah theih a si.

Cun, Yan-Kin peng no.13 sang Mukawng (မိုးကောင်း) lam ah nizaan February 25 zinglei suimilam 9:30 hrawng ah ralhrang uk duh loin lamzawhnak a tuahtu mino hna cu ralhrang phu nih lampi ah an ton hna caah minung pakhat an tlaih, tiah khua mi nih an chim.

Magway ramṭhen Chaut(ချောက်) peng, Shwepungtawng ah SAC ralhrang phu hna nih a luancia February 21 zanlei suimilam 5:00 hrawng ah kum-15 hrawng ngakchia 20 leng cu ralhrang nih an tlaih hna i, rallam tarhnak ah an hman hna leng ah an chiatha ah kuakci mei an nawn hna i an hrem tuk hna caah an nun ca ah thinphang a si, tiah Magwe dohthlengtu committee phu sin in theih a si. Tlaihkhih a tong mi hna chung cun nu 5 zong an i tel, tiah theih a si.

February 21 ah mino hna nih ralhrang uk duh lo cawlcanghnak sticker campaign an tuah. Cu duhlonak a tuahtu hna cu ngakchia kum tling lo mino tete tang 8,9 siangngakchia hrawng deuh an si hna, tiah theih a si. SAC ralhrang tlaih a tong mi ngakchia hna cu thluak lei le taksa lei ah fak tuk in hrem an ton caah an nun ca zong ah thinphang tuk an si. Tlaihkhih an tonnak ni 5 hrawng a si cang i, atutiang pehtlaihnak kan tuah kho rih hna lo,” tiah khua mi nih an chim. Credit: The Chin Post

India-Myanmar ramri Falam peng Rih khuadar in khatlei ral India gate cu nihin february 26, zing thok in Assam Rifle nih an hngah cang, tiah theih a si. Ralhrang nih uknak a laak in India-Myanmar ramri kip ah Assam Rifle nih an ven(cawngh) nain cuhlan ahcun Rih khuadar lei hi an veng bal lo. Nai hrawng ah Rih khuadar kam hrawng ah Chin ralkap le ralhrang karlak kahdohnak a chuah pah lengmang caah tubantuk in an chiah hi a si, tiah theih a si.

Shwebo Peng Ah PDF Nih Bomb In Ralhrang 35 An Thah Hna: Sagaing ramṭhen, Shwebo peng, Kuaikunh khua ah mipi thilri a chuttu ralhrang pawl cu an kir lei ah bomb puah an tong i SAC ralhrang 35 hrawng an thi, tiah theih a si. Nizan, February 25 chun ah Ghost Rider Special Task Force le Nattaung Naga Force nih bomb in an puahhnawh hna i ralhrang 35 an thih hi a si, tiah Shwebo PDF nih a thanh.

Shwebo peng nichuahlei Kuaikung khua ah Ralhrang khinhmi Khuabawi le Pyusawtthi pawl tonnak an ngei ti zong kan theih i Shwebo Defense Force (SBDF), Ghost Rider Special Task Force (MDY), Yanbilu Force le Burmese Dragon Force hna nih february 24 chunhnu sml 2:00 hrawng ah kan va luh hnawh hna i Khuabawi tupa dalan Maung Toh le Pyusawtthi hruaitu Myint Than kan thah khawh hna i meithal zuun 2 kan lak khawh, tiah an thanh chih.

Be First to Comment

Leave a Reply

Your email address will not be published.