Chin Pasaltha Hna Le SAC Ralhrang Cu Ruavan Le Tinam Kar Ah An I Kah, SAC Ralkap Hna Cu Ruavan Khua Ah An Lut Tthan Cang Ee!

Tinam le Ruavan khuakar ah kan ralkap le ralhrang an i kah lio si, Thlacam piak cio hna usihlaw🙏🙏. Ralhrang rual cu Ruavan khua an lut cang. Credit; Salai William HC >>>><<<< Thawngdang Relchap; BPLA Le Burma State Nih Cawnpiak Mi Ramkhel Kong. BPLA Burma Pyithuh Liberation Army nih Burma State Policy in Paucan Dohthlennak ah an hung lut tikah, Kawlte Politicians vialte an buaibai I an vuivai ngai cang. Dohthlennak hi Abiapi bik asi. MAH le Ralhrang Rallokap thlukin Cihmih hi abiapibik. Cucaah Dohthlennak tuah hmasat usih law, Ralhrang vialte cihmih hmasat usih, Cu hnu ah Ramkhel kong kan I ceih te hna lai tiah, Kawlte Politicians vialte nih biasi an phai ṭhan cang.

Tlangcungmi Policy ahhin, Tlangcung mi lawng in federal state ngah (kawl miphun tello in), Confederation (AA & UWSA – Ramchung ram fate), ti le (😎 States asiloah 12 states tiah phun (3) in kan I ṭhen. Confederation le (😎 pine policy in a kal mi hi kan tlawm deuh cang. Kawlte cu politic an hngalh lo tuk caah, Kawlte theih hngalh fawi bik mi Federal in kan kal dih ngawt cang.

Panglong Agreement ning ahcun, Independent asiloah Federal tihi aum mi asi. U Nu thawkin Ni Vung in Thang Sui Chan tiang, Federal cu Independent lak an duh caah asi an ti, anduh ballo. Mipi cozah chan a hung phan tikah, Democracy in kan kal hmasat lai, Hlutdaw in Rallokap thlak kha Democracy asi tiah Mipi ankan hlen. Rallokap ṭhawl dih hnu ah Democracy in kan kal lai, Cu hnu ah Democracy Federal in kan kal lai. Federal Democracy in kan kal lai lo tiah NLD le AMAY SUU nih an ti ve.

Democracy Federal cu Center ah power aum I Federal Democracy cu State (Pine) ah Power le Authority a um. Ti le tlang Bantukin aadan tuk mi asi. Meithal aatlaih mi CNA CDF nih nawlngei tuk, power ngei tuk, popular duh tuk cu Federal in kan tlau cang tinak asi. Ralhrang nan doh I Ralhrang nan hluan ahcun Chinram le chin miphun caah Virus nan si te lai. Cucaah nan ziaza, nan umtu hoiherh, nan thuatham, nan lungput, nan policy I remh zawk2 uh.
BPLA policy kong ah Rallokap tu tei hmasat ko usih, ahnu ah Ramkhel kong cu I ruah siseh, an ti cang.

Hi ruang ah hin BaKaPa (Kawl Communist Party – Bochuk Aung San Policy le duhmi ukpennak asi mi BKP asi) bupi zong an vaivuan I an tlau dih. NLD pi zong an vaivuan I an tlaunak asi caah tu dirhhmun hi kan phan tiah Chin Miphun ah a lung fak tak tak mi vialte nih ankan ti cio. NCA phu le Tlangcung mi hruaitu upa vialte zong NLD le AMAY SUU hlennak ah an I za. Rallokap Hlutdaw in dawi, Democracy in kal, a hnubik ah Democracy Federal in kal ti tiang lawng a karh khawh mi NCA phu an si. Kum (10) ah eibaar an chuak pi mi a um lo. Tutan MAH sawmnak PEACE zong ah an aw – an a thang ngai I, fihnung zong an si.

Federal Policy le dialogue ah lam a tlau cang mi Tlangcung mi hruaitu rual an si ko lo maw, azeidah an I uah len ve hnga ka ti. Daw Suu le NLD hmanh kha PEACE TALK le Federal ah zumhtlak an si lo ahcun, MAH le Ralhrang Rallokap chinchin cu Achimh awk apit, lam apit mi asi. Ruahlen awk le bialeh awk aum tilo. Nan biahla le aw – an cu a kuai mi khuang, Sumsel le Darkhuang he Aalawh caah hna nan chet tuk dakaw.

Federal Democracy Policy ahcun, Burma Pine lawng asi lai lo. Wah Pine, PaO Pine, Palong Pine, Kokang Pine, Irrawaddy pine, Thininthari pine, Rohingya Pine, Khampat Pine, Naga Pine, Kuki Pine, Lisho Pine, ZOMI pine, Mara Pine tbk in aachap khawh rih mi asi caah, Burma Pine ah buaibai in vuivai ding asilo. Kalay – Kabaw, Gangaw – Thilin – Khyokethu kha Chin mi pek uhlaw, Paletewa kha Rakhine pek uh ti zong ara khawh rih mi asi. Lautu, Zophei cu Mara State ah khumh uh ti zong ara khawh ve thotho ko. Nan ka zumhlo ahcun Zoh cio te ko uh.

Ara laimi Kawl pennak sersiam awk ah, mah zumhnak le Policy lawng kha mihrut zagtlaih in I tlaih peng tihi Politic ah aum ballomi mumal le dundan asi. Ramkhel buaibai nak kong kan phisin tikah, Ramchung ah khuasa mi bu / phu vialte nih bukhat le khat zunhawktlak kan si cio kha a biapi dueh mi asi. Kan cohlan, kan hnatlak poah ahcun, zei bantuk policy le phunglam asi ah buaibai nak aum bak ve lo.

Ruahnak, zumhnak, policy Aalawh lo ahcun zalon tein I elh khawh asi. Chimhfian nak le chimhrel khawh nak nawl le power cu ngeih cio ding asi. Kan idea le policy zong aakhat lo zong ah, lungthin takin I ngaih piak ding asi fawn. Mah duhnak lawng zulh ter in, Vai tuhmui Theology in kal ahcun ram adam khawh bal lailo. NLD nih Kawlte caah vai tuhmui Theology ahmang caah tu dirhhmun hi kan phan. Cutin bia elh nak cu piahtana le buaibainak ah pawmh ding asi fawn lo. Zalon tein Ruahnak le policy I dan khawh asi tihi Policy ngeih cio awk asi cang.

Asi awk asimi le sitlak asi mi tu kha bukip hnatlak Senthuhnak in fekter ding tu kha asi. Asi khawh lo mi le asi bak lo mi in zong Policy lutpi ding asi fawn lo. Tcn: Chin asiko mi cu: ZOMI le Mara ah thlen ti cu asi khawh lomi asi. Chin Miphun ti ko ding cu. Mizo nih Zo hnatlak tbk hna hi cu aa palh bak mi asi. Zomi, Mizo, Mara, tbk cu LAI an si lo khawh men, Nain Chin an si cu 100 ah 100 bak asiko. Vawlei bengh in kan nganh lo bantuk kha asiko lo mei. Chinland kha Zoland le Maraland ticu adiklo. Politic ah kalsual an si. Politic Bu lo bu ti ko usih.

Acohlan duh lomi bu le miphun cu tawn biaruahnak le tokhan ṭinak tu in Khuakhan Lairel ṭi, biachah ṭi, cuticuin bia tlu ter ding tu asi. Na duh le va um mai ko ti phun in zeirel loin um hnawh ding asi lo. Kan buaibainak, kan piatana le kan dam lonak hi Ramkhel ah asi ahcun, naihniam tein hmunkhat ah khuakhan ṭi ding asi. MAH le Ralhrang kandoh hmasat lai I Ramkhel dam lonak cu ahnu ah phisin siseh ti rai asi lo. Cuti kan tuah lo ahcun, aa lungrual ciami bu chung ah zumhnak le bochannak azawr lai. Ahnu ah a kawp cia mi zong I ṭhen dih asi te lai.

Dohthlennak le raldohnak Abiapi rup in Ramkhel kong Abiapi. Ramkhel kong hi miphun le ram kan damlonak tu asi caah, Politicians le mipi caah, Ramkhel kong hi Abiapi deuh kan ti lai. Raldoh Cuahmah bu le Dohthlennak tuah Cuahmah buin, Ramkhel damlonak zong phisin awk in alam kawl khawh asi. Ahnu ah ti rai asilo. Ramkhel in kan zapi tein asiloah tamdeuh hnatlak le cohlan nak he alam kawl cio ding asi. CNF / CDF / CJDC / ZRA / CNDF / MDF / NUG / NUCC / ICNCC tbk vialte le cu bu hna hruaitu upa vialte kan rian asi. Zapi hnatlak cohlan nak nih Raldohnak ah lungrualnak le lungṭhawnnak an kan pek bik tawn. Zumhawktlak sinak ahrin fawn. Ral Tei bak si fawn.

Paucan Dohthlennak ah Raldoh buin, Ramkhel kong cu NUCC ah biaruah, biachah, aphi kawl, alam kawl tbk hi nunphung ṭha asi. Ram le miphun damnak asi te lai. Kawlram damnak, Tlangcung mi damnak caah Kawlte karhlan an thiam ve cang kan ti lai. Chin Miphun ṭenge hna karlak ah Ramkhel kong ah I theihthiam lonak, buaibainak aum ahun CJDC ah maw? CNF ah maw? ICNCC ah maw? Aphi le alam kawlin arannak in phisin colh ding si ve hnga.

CJDC belte Ralkap uknak le biaceihnak tang ah um loin, Ralkap asilomi Civil uknak le biaceihnak tang ah um ve awk asi hnga. CJDC nih an ei khawh hnga maw. Achan cu Ralkap CJDC lawng si loin, Polictians le mifim thiam hna tampi I tel rih aherh tinak asi. Policy I lawh lo ruangah I elh hi piatana asilo, Piatana phisin duh lo tu hi piatana le rampi damlonak, I zumh lo nak, I remh lonak, I ṭhenchueh nak, btk asi tawn, An hrin tawn.

Ruahlo piin thilṭha an chuah pi tawn. I pumkhat nak, I lungkhat nak, i lungrualnak an chuakpi tawn. Paucan Dohthlennak ah, Tlangcung mi damlonak, Panglong kong, Federal kong, tbk ah kan lung aarual caah siloin, MAH le Ralhrang dohnak le cihmih awk tu ah pumkhat kansi I aa lungrual bantuk kan si ti hi adik mi asi. Cucaah Raldoh pah, Dohthlennak tuah pah, Ramkhel piatana aphi kawlko usih tiah kan fawr duh hna. Encouraging le Recognization, Recommendation, Analysis, Instructions le Guidelines kan tuah / kan pek ko hna hih, nan I hak sual hnga dek maw? Crd; Zingtincuai Cinzah