Chin Pasaltha Hna Nih Min Aung Hlaing Ralkap Ceilak An Thah Than Hna

CDF-Matupi le Council ralhraang an i kap. ralhraang lei captain pakhat tel in pariat an thi i panga hma an pu tiah an thanh. [Burmese]….CDF-Matupi နှင့် စစ်ကောင်စီတပ်အကြား တိုက်ပွဲဖြစ်ပွားရာ စကစ ဖက်မှ ဗိုလ်ကြီးအဆင့် အပါအဝင် (၈)ဦးသေဆုံးပြီး (၅) ဦးဒဏ်ရာရ/ April 20, 2022. Credirt; The Hakha Post

Thawngdang Relchap; Pumpek in Myanmar ah Siangcachimtu ramdang mi saya/mah Peace Corps Bu nih Myanmar ram an chuahtak cang lai, tiah theih a si. SAC nih nawlngeihnak a lak hnu in ramchung ah daihnak a um lo. Pumpek in rian a rak ṭuan mi ramdang mi Saya/mah te an tlunkalnak ca zong ah a him lo ruang ah, ṭha tein,

kan i ruahhnu ah pehzulh ti lo ding in bia kan khiah, tiah Peace Corps in ṭuanvo ngeitu Carol Spahn nih a chim. Peace Corps Bu cu 2016 khan Myanmar ah zung on in cachimtu 84 he 2020, March thla tiang English Subject chim in ramchung khuate cheukhat ah pumpek in rianṭuan mi bu an si.

Peace Corps bu cu Myanmar ram a hlankhel bantuk in a daih hnu lawng ah rian kan rak tuan ṭhan te lai, tiah an cathanh chung ah cun an langhter. Peace Corps bu cu Myanmar ram ṭhanchonak ding ah a biapi mi fimcawnnak, Ngandamnak, Cinthlaknak, Chawleh ṭhanchonak le Mino hna an ṭhanchoh khawhnak ding caah biatak tein pumpek rian a ṭuantu an si. The Chin Post

Sagaing ramtthen, Tabayin , Seinpin khua ah SAC ralkap caah thil a cawk piak tu pakhat thah a ton hnu in SAC ralkap nih nizaan le nihin (April 20) zinglei ah Tabayin nichuah lei kap khua cheukhat an khangh pin ah Mukhadwin(မိုးခတွင်း) khua ah a zaam kho ve lo mi kum 70 tar (pa) 2 an thah hna tiah tualchung thawngzamh nih an langhter.

SAC ralkap nih nizaan le nihin ah zingka tein Me Oo (မဲအိုး) khua an khangh, Cun tuzing Sml :7 ah NgiangHla(ညောင်လှ) khua ah meithal puah pah in an lut inn an khangh fawn. ”SAC ralkap nih mei an kangh ruang ah Seinpin khua inn 3, Me Oo khua inn 70 le rawlruk an khangh hna, Ngiaghla khua cu an thlok i an sawksam dih, line zong an phih /thah i phone line zong a tha lo,” tiah tualchung mi nih an chim.

Relchap; Myanmar ram pumpi in dohthlennak tuah hnu April 19, nikhat chung kahdohnak ah SAC ralkap 103 an thi i CDM a tuah mi zong an um. PDF 7 an nunnak liam tiah Yangon Khit Thit nih a thanh. Cazin ning ah SAC ralkap a thi mi hi Karen ramkulh Myawaddy peng ah 6, Pha-ann ah 6, Sagaing ramthen Shwe Bo ah 4, Yinmapin pengkomh ah 10, Minmu ah 3, Chaung U ah 16, Pale ah 33, Mandalay ramthen Naung Oo ah 1, Magway ramthen Setohtara(စတေုတ်တရာ) peng ah 20, Gangaw ah 4, an dih lak 103 an si. Magway ramthen Myaing ah PDF 7 an nunnak liam.

Tantaung, Mengtung 11 Pawng Ah Security La Mi SAC Ralkap 2 KNLA Nih Bomb An Puah Hna. Karen ramkulh, Tantaung(သံတောင်) le Pya Sakhan(ပျားစခန်း) khua kar mengtung 11 pawng ah security la mi SAC ralkap 2 cu nihin April 20 zing Sml 6:30 ah KNLA nih bomb an puah hnawh hna caah an 2 in an thi i methal zuun 2 an lak tiah theih a si.

SAC ralkap 2 bomb puah hnawh an si lio ah hin mipi pakhat zong bomb ci nih a peh sual ruang ah hliam a tuar nain a fak tuk cu a si lo tiah theih asi. A thi mi SAC ralkap 2 cu Laywai(လယ်ဝေး) peng Tephyo(သဲဖြူ) khua ah umhmun a khuar mi khah-mah-yiah(ခမရ) 414 batallion in an si. Bomb puah an si hnu ah Tantaung-Taungoo motor lam, Tantaung khuachung luhnak gate pawng ah security felfai deuh in an hun chiah hna gate cu phih i a tu cu an hon than cang tiah theih a si.

Leave a Reply

Your email address will not be published. Required fields are marked *