Press "Enter" to skip to content

Chin Pasaltha Minung 5 Hna Ram Le Miphun Caah Nan Nunnak Nan Pekmi Cungah Upatnak Sang Bik Kan In Pek Hna Ee!

CNDF Ralkap A Nunnak Liam Mi Ralkap 5 Caah Ngaihchiat Nak Cathanh. Chin ramkulh, Falam peng le Sagaing ramtthen, Kalay peng chungah March thla le May thla chung ah Chin ralkap 5 an nunnak liam tiah May 12 ah CNDF nih cathanh a chuah. March 26 ah Salai Ro Thang Zam (Kum 44 )le Salai Lal Pek Thar ( Kum 22) hna cu Falam peng ralram hmun pakhat ah tlaih an tong i April 18 ah an ruak in hmuh an si .

April 11 ah Salai Abednego ( Kum 19 ) le April 13 ah Salai Kap Za Thuan ( Kum 29 ) hna cu Kalay peng ralram hmunkhat ah an nun nak a liam . May 7 ah Falam peng ralram hmun pakhat ah bomb chuahsual ruangah mizapi vengtu ralkap pakhat a nunnak liam tiah an langhter. Dohthlennak caah nunnak pe mi hna cu CNO / CNDF nih upat nak kan pek hna i tantak mi chungkhar nan ngeihchiat nak kn nin hrawmpi hna tiah an tial.

Nunnak pek in ram a kilveng mi pasal tha hna thisen cu kan philh lai lo i SAC ralkap uknak cu a ci in kan hmiih khawh tiang kan doh lai tiah a nunnak a liam mi pasal tha hna min chal in cathanh ah an langhter. ” Kahdohnak ah a nunnak a liammi an um bantuk in tlaih hnu in an thah beh hna mi hna cu ralkap phungning an zulh lo a si tiah ” CNDF chimnak nawl ngei tu Salai Cung Ngai nih a chim.

Chin ramkulh chungah SAC ralkap he kumkhat leng ah kahdohnak voi 61 a chuak i SAC ralkap 400 leng kan thah khawh hna i CNDF lei in minung 19 cu ram le miphun caah an nunnak an pek tiah cathanh ah an langhter. Credit; The Chin Post

Thawngdang Relchap>>>><<<< Khuakhat hnih le pengkhat hnih tei le laak in a za lo!! Chinland ralkap hna hi phunhsaih le santlai lo hna tiah fawituk in mawhthluk colh awk an silo. A ruang cu Chinland huap in raltuk aa timmi an si kha theih piak hna an hau. Bianabia ah Halkha, Thantlang le Matupi lak hna khin kan ram a dam hlei lo ti an fian.

Ral va tuk thlorh lawng kha a silo, Chinland mipi eidin ding tirawl kha ruah chih peng a hau tikha kan pale hna ruahmi asi ko lai caah lungdong le zaangder in maw um lai usih. Biatak in Chinland ah ral kan thawh tikah khoika in dah Chinland mipi hna eidin awk a rat khawh lai tikha ruah le tuak chih peng haumi asi. Cucu kan ralkap hna nih an ruah chihmi zong a si ko lai.

Ralhrang zia cu, Gangaw le Kalaymyo lampi kan chah ahcun Chinmi ral an tho kho lai lo tikha an i ruahchihmi pakhat zong asi ve. Cucaah Chinland army hna nih hin,Tlangcung Chinram lak lawng hin thil a si kho hlei lo,Chinland ram,a bikin Gangaw le Kalay Valley tal control le lak chih hau tikha an ruah chihmi si ko lai caah khuapi pakhat hnih lak lawng in a za lo tikha an lungchung biahren a si lai.Chinland ah ral a tho-ka te lawng sirih,hi hnu pinlei hin ral taktak cu a tho te lai.

Gangaw le Kalay valley kan lak khawh ahcun,purphiar in khuatluang ah vahvaih len hau ti hnga lo,cucaah Chinland Tlangcungram vial lawng lak a za lo! Kan ram cia simi, Gangaw peng le Kalay valley tal kan kutah humchih hrim haumi si. Mizoram unau nih an kan dawttuk,kan i lawmtuk,nain Chinland ah biatak in ral athawh te tik ahcun,kan eikhim tirawl pek an kan duh zongah an kan pe kho lai lo,

a ruang cu, India cozah nih Mizoram miluzat tuak in eidin(facang) a pek le cawkter mi an si ve i, India cozah cu kawl ralhrang he ti le nga btk deng in an umto lio si fawn. Gangaw peng cu Chinram a si ko nain kawl ralkap uktu hna nih anmah kawlchung,Magwe ram ah an ikhumh,an kan fir, Kalay velley zong cu Chinland ram si ko mi kha; Sagain ramah an ikhumh,an kan fir. Gangaw peng le kalay valley ahkhin,Cite,Facang,thinghak mansung,sui le dar pinah, ti-alh(oil) a chuak dih.

Gangaw peng le kalay valley ah kumkhat chuakmi tirawl,thil mansung hna hi Chinland mipi nih kum thum thiangah kan ei in kan hmang kho dih lai lo.Cutluk ramttha le thilmansung a chuahnak ram cu dahkaw,an kan fir piak cuh,cucu kan lak tthan ahau silo in lak hrimhrim aherh.

Cucaah kan Chinland army hna nih hin, kanmah ruah lo deuhmi, a pinlei tiang an hei ruah le tuak mi a um ko tikha fian ahcun,lungthiang tein an leiah kan dir ko hnga. Chin army hna nih hin, Chinland huap ningpi in raltuk an itim,an tu cuahmah tikha a thar in fian piak hna usilaw. Note: Mahhi keimah pumpak hei cuanhnak a si. Credit: Salai William HC

Be First to Comment

Leave a Reply

Your email address will not be published.