Chin Pasaltha Nih Miphun Le Ram Caah A Nun A Pek
Miphun le Ram caah Salai Ceu Cin Lian Nih a nunnak a pek. Nihin February 10.2022 Chin ramchung ah ralhrang he kahdohnak ralram hmun pakhat Salai Ceu Cin Lian nih miphun le ram caah a nunnak a pek. Credit; The Independent Post
NUG upa hna telh in dohthlennak hruaitu hna tlaih piak dingin ralhrangbu nih vawleicung huap palek (Interpol) ah bawmh an halmi cu Interpol lei nih kan in bawm kho hna lai lo tiah Feb 10 ah an leh hna tiah Singapore hrambunh Channel News Asia (CNA) nih a ṭial.
Interpol nih “Interpol cu ramkhel dohdaltu, cozah dohkalhtu le nawlngeihnak lakmi dohkalh hna le ramchung kong he aa pehtlaimi zeibantuk bawmhhalmi hmanh kan bawm hna lai lo” tiah an cathanh chungah an laughter.
Ralhrangbu nih NUG, CRPH le PDF hna cu ralhrang an si tiin mawhchiah cio dingah vawleicung ramkip a nawl hna nain zeihmanh ah an rel piak lo i anmah ralhrangbu nih an tuahmi sualnak le ṭhatlonak hna ngol zokzok dingin an fial lehlam. the chin post
Rakhine ramkulh, Muangtaw ah AA le ralhrang karlak kahdohnak cu February 4 in aa thawk i February 7 zaan tiang ah ralhrang lei ralbawi pakhat le ralkap dang 6 an thi. Ralhrang lei in a thi mi hna cu Kyi( ကြည်း)- 39638 Ralbawi Myint Swe Win, Tah (တ)-663062 Aung Myint Swe, Tah (တ)-104377 Kyat Tan Htwe (ကြပ်သန်းထွေး), Tah(တ )-374572 Yin Myint, Tah (တ)-39239 Kyat Ba Tin (ကြပ်ဘတင်) , Tah(တ)-513888 Hting Lyin Aung (ထိန်လင်းအောင်) , le Tah (တ)-513147 Aung Aung hna an si.
Ralhrang a thi mi hna hi February 7, 2022 zaan Sml 11:30 hrawng ah an thi mi hna an si, tiah ralhrang hna thawngthanhnak in theih a si. February 7 ni zaan Rakhine ramṭhen, Muangtaw(ေမာင်ေတာ )peng, Phawatt Chuang khua pawng i hlei ah ralhrang motor thing a phor mi cu AA nih bomb an puah i ralhrang 7 le mi sawhsawh minung 2 an nunnak a liam, tiah theih a si. the chin post
