Chin Ralkap Pasaltha Hna Nih SAC Ralkap Bomb An Puah Hna Lio (+VIDEO)
Thlanrawn le Rialti kar Falam ကြိုဆိုပါ၏ timi cataar hram ah tukha Chinralkap nih cenghngia bom an puah hna lio video. 24 March
Ralhrang le an motor rual cu nikhat ah meng 2 tluk in an kal, tuzan hi Rialti ah an riak lai tiah kan theih. Tutan motor rual an kai cu an i ralring tuk, kee 12 ngei motor 20 leng nih an phorhmi hi Chinram laaknak ding hriamnam si an zumh cio caah an motor hi an kilven tuknak zong si lai tihi mitam u zumhmi a si ko. Credit: Salai William Hlawnceu
Thawngdang Relchap: NUG Santlaihlo Ruangah KIO Telin FPNCC Nih SAC He PEACE Lei Ah An Kal Lai. NUG Cozah a um hlan, CRPH lawng an um lio can, CDM lio can le Sandah piah lio can ah, Dr. Sa Sa nih Federal Army a chuahsiam lai, Gen. Aung San nih BIA / BDA Kawl Ralkap asiam bangin ti a rak asi.
CRPH nih EAOs fumton in Federal Army pi siam in arau hlan ah Ralhrang SAC Cozah cihmih kha duh cio mi asi caah asi. Cucaah EAOs sinah CHIN pa Dr. Sa Sa cu thlah awkah Special Envoy ah an thim. Aruang tampi ruangah Federal Army pi chunmang cu a si khawh ti lo. Federal Army aiawh in NUG nih PDF cu an dir.
CRPH nih Federal Army aum khawh hlan ah NUG cozah cu dirh asi. Kan ram le miphun a dam I Zalen dingah Ralhrang thluk hmasa a herh caah, EAOs vialte cu hmunkhat pumh in MAL te SAC thluk awkah NUG NUCC CRPH cu Mipi nih kanmah aiawh ah kan in fial hna. NUG Federal Charter 1 kan chuak tikah Federal rim a nam ti lo I Panglong a tlau caah siseh, Kawl rim lawng a nam I 2008 Phunghrampi rim lawng a nam caah EAOs tam dueh nih NUG an kal tak I SAC sin ah an I kawp cang.
Sihmansehlaw EAOs lakah thazang ṭhawnbik mi le anmah lawngin SAC a tei khawh tu ding Northern Alliance phu an um caah mipi kan hnangam ziar ko. Hi phu hi FPNCC phu zong ansi ralkap thazang 120000+ angei mi le hriamnam tlamtlin a ngei mi an si. EAOs Lianbik phu 7 an si I, ahohmanh bawmh lo tein an mah lawngin MAL a tei khawh tu an si.
KIA UWSA AA TNLA MNDAA SSPP / SSAN, NDAA / Mailaa an si. NUG NUCC CRPH nih Tlangcungmi duhmi Federal an pek duh hna lo caah FPNCC cu SAC he PEACE tuah an I timh cang.
Mipi nih FPNCC cu nawlpat le biak ding ah kan in fial hna, an duh mi Federal pek awkah kan in fial hna nain NUG nih santlaihnak pelte hmanh nan ngeih lo caah SAC sin ah an kal cang.
SAC le MAH nih FPNCC an nawlpat I an biak hna hi voi 10 leng cu asi cang lai. NUG tu nih FPNCC cu zei kan rel ti lo. KIA cu ral an doh rih ko nain adang FPNCC phu nih ral an doh ve ti lo caah Cuka um mi Ralkap cu Chin Karen Sakai Makui tei awkah an kuat hna.
NUG nih FPNCC hi Raldoh ve awkah nan nawlpat khawh hna lo ahcun Chin Karenni Sakai Makui cu Hell ram le Vutcam ah aa chuah cang lai.
Kawlte umnak ah NUG nih ral an doh fawn lo. Zei an duh nak dah asi. Tlangcungmi Thisen le nunnak in Sunparnak a duhmi NUG NUCC CRPH le ICNCC kan si lo a biapi ngai ko. By- Joseph R Thang
