Press "Enter" to skip to content

Chin Ram Zophei Tlang Ah CDM Tuah Cawnpiaktu Hna Nih An Chimh Hna

Zophei Tlang ah Sianginn an On, CDM Saya/Sayamate nih Ca an Chimh Hna. Thantlang peng Zophei Tlang ah CDF-Zophei tlangtlaknak in sianginn pawl an on hna i, CDM a tuahmi saya/sayamte nih cachimg hram an thawk cang hna, tiah thawng kan theih.

Hi cacawnnak hi thla 6 chung (February-July 2022) tuah hmasa ding in timhtuah a si i, zinglei sml. 8:30 in zaanlei sml. 1:30 tiang, zarh khat ah ni 4 (Mon-Thu) sianginn kai ding in timh a si. Sianginn ah cawn dingmi Subject ah ahlan Myanmar Textbook pawl hman a si ko nain History (သမိုင်း) le Kawlca (မြန်မာစာ) tu cu hlawt an si.

Kawlram chung ah a ummi kan si bang in Kawlholh thiam nakhnga Burmese Speaking/Writing cu a dang tein cawn tthiamtthiam ding in an timhtuah. Sianginn cachimtu saya/sayamate hi thlahlawh 130,000 MMK an pek hna, tiah thawng kan theih.

[Burmese]

ဇိုဖေးဒေသ ကျောင်းဖွင့်လှစ်၊ CDM ဆရာ/ဆရာမများ လစာနဲ့ စာသင်ကြားပေးခြင်းစတင်/ ထန်တလန်မြို့နယ်၊ ဇိုဖေးဒေသမှာ ကျောင်းများပြန်လည်ဖွင့်လှစ်ပြီး CDM ကျောင်းဆရာ/မများက စာသင်ကြားပေးကြတယ်လို့ သတင်းရရှိပါတယ်။

သင်ရိုးထဲတွင် မြန်မာ့သမိုင်းနဲ့ မြန်မာစာကို ပယ်ထားပြီး ဗမာစာကို အပြောနဲ့အရေးတက်မြှောက်အောင် ဘာသာသစ်တစ်ခုအနေနဲ့ သင်ကြားပေးပါတယ်။ စာသင်ချိန် နံနက် ၈:၃၀ မှ မွန်းလွဲ ၁:၃၀၊ တစ်ပတ် ၄ရက် (Mon-Thu) ဟုသတ်မှတ်ထားပြီး ယခုပထမအသုတ် သင်ကြားရေးကာလ ဖေဖော်ဝါရီလမှ ဇူလိုင်လ (၆လ) သတ်မှတ်ထားပါတယ်။ Crd; The Chin Journal

Mon ramkulh, Beelin le Tathone kar ah Myanmar Union Day ni lawmhnak puai hmang ding in a kal mi ralhrang bawi motor cu KNU nih mine in an puahhnawh hna i, lam zong caan zeimawzat a pih caah motor za leng an tang, tiah khua mi sin in theih a si.

“Kamarsan(ကမာစိုင်) pawng hrawng ah mine in an puahhnawh hna i kahdohnak zong a chuak. Cu thil a can cu zanlei pathum hrawng ah a si. Bomb a puah cah lam a pit dih i motor a za leng an taap. Atu cu lam an onter cang rua, Motor zong an kal cang. An puahhnawh mi motor pawl cu Myanmar Union Day ni lawmhnak hmang ding in a kal mi Pengkulh bawi le

Penguk bawi pawl an i cit mi motor pawl an si, an dihlak motor 11 a si,” tiah khua mi pakhat nih a chim. KNU, Tathung pengkulh ah ralkap kuttang um zung rianṭuantu pawl cu an rian chuaktak ding in ralrin peknak cathanh an chuah hnu ah kahdohnak zong pehzulh in an chuak, tiah theih a si.

Sagaing ramṭhen, Shwebo pengkulh, Yeoo peng ah February 7 zaan suimilam 9:00 hrawng ahkhan Ko Ye Myint le midang pakhat cu ‘zaan ah leng nan chuak’ ti in ralhrang nih Aungsan sang chung ah meithal in an kah hna i an thi, tiah khua mi pakhat nih Yangon Khat Thit Media ah a chim.

“Ko Ye Myint le Aungsan sang No.3 lam ah a um mi mino pakhat cu ralhrang nih zaan i chuakvak ah an puh hna i meithal in an kah thah hna. An kahnak hna hmun cu Aungsan sang Kaawi(ဂါဝီ) lam ah a si i Ko Ye Myint cu Kaawi lam nitlak lei lam ah an kah, min theih lo mi mino pakhat cu Kaawi lam nichuah lei ah an kah,” tiah a chim chap.

Ralhrang nih Ko Ye Myint cu meithal in an kah hnu ah an va kalhnawh i an chuih, an lamh rih. An thah mi hna mino pahnih cu motor cung ah an ruak an chiah hna i February 8 ah an ruak an vui hna, tiah theih a si. The Chin Post

Be First to Comment

Leave a Reply

Your email address will not be published.