Press "Enter" to skip to content

Chin Ramkulh Falam Khuapi In Palek (6) Nih Hriamnam He CDM An Tuah Tiah Thawng Theih Asi

Chin ramkulh Falam peng Rih Khua Dar sakhan in palek (6) hna cu CDM an tuah tiah theih a si.
Atu zarh chungah PDF-Zoland he pehtlaihnak tuah hratin hriamnam he an lut tiah PDF-Zoland nih cathanh an chuah.CDM tuahtu palek (6) chungah pakhat cu lance- corporal a si i, a dang (4) hna cu palek sawhsawh an si i, a dang pakhat konglam tu cu an tial lo.CDM tuahtu palek (6) chungin (5) nih March 6 ah khan CDM an tuah cang i, a dang pakhat CDM tuah ni le konglam cu an tial lo.

Matupi In A Chuakmi SAC Ralhrang Ralkap Hna Cu Vawi (3) Bak, Bomb Puah Hnawh An Tong, A Tlawmbik (An Thi!Chin ramkulh Matupi in Lailenpi khuapi Htebui sakhan ah thazaang chap dingin an kal caah bomb in vawi (3) bak an puah hnawh hna caah ralhrang a tlawmbik ( an thi tiah theih a si.

March 12 ah khan ralhrang ralkap 150 tluk cu Lailenpi khuapi leiah an kal hna i, Sakhiha khua in phalong (4) tluk a haltnak ah Paletwa CDF nih bomb in an puah hnawh hna caah ralhrang (1) a thih pinah a dang (5) nih hliam an tuar tiah Paletwa CDF nih cathanh an chuah.Pehzulh in March 13 zinglei sml 9:00-11:00 tiang ah vawikhat, zanlei sml 3:00-5:00 tiang vawikhat tiin CDF Paletwa, CDF Matupi le CNA phu (3) i fonhin an kah hna tikah ralhrang ralkap (7) an thih pinah a dang (10) leng nih hliam an tuar tiah theih a si.

Cuka kahdohnak ahcun Paletwa CDF pakhat nunnak a liam i, a dang pakhat nih a fak tuk lomi hliam a tuar bangin CNA leikap zong pakhat nunnak a liam ve.SAC ralhrang ralkap nih Htebui sakhan luhnak lampi cu an phih cuahmah lio tikah hriamngan in pawngkam an puah ruangah Tui Sawh Kung khua chung minung umnak inn (1), sianginn (1) le biakinn (1) cu an rawk tiah Paletwa CDF nih cathanh an chuah.

Mipi nih harsatnak an ton nakhnga lo himnak hmunah an kalter hna tiah an langhter chih.
PDF Nih SAC Ralhrang Ralkap Cu Nikhat Hnu Nikhat Zawrchuk/Ttumchuk In An Tuah Tiah NUG Nih Chim!PDF hna nih SAC ralhrang ralkap thazaang cu nikhat hnu nikhat zawrchuk/ttumchuk in an tuah khawh caah khua te lei ahcun an control khawh ngai cang tiah NUG i humhimnak zung nih mipi nih ralhrang ralkap cu hriamnam in lehrulhnak caan thla (6) tlinnak ah an chim.

PDF nih an control nak hmunhma hrambunh in caan karlak mipi hruainak cu tlamtling in tuah khawh a si cang i, ramchung dihlak khuapi deuh le khuapi hmun dangdang zongah pyauh kyar bakin ralhrang ralkap an kah thluahmah cang tiah an langhter.A buakthlak in zoh/thlir ahcun mipi nih kan tuahmi kahdohnak hi kan i timhmi ningin hma a kal kho ngai, kan hlawh a tling ngai tiah chim khawh a si cang tiin an langhter chih.

PDF hna cu harsatnak phunkip chungin raltuk ningcang an hun cawng kho pinah an tlaihmi hriamnam zong anmah tein an i serchuah kho i, atu kan kal cuahmahmi mipi raldohnak thla (6) chung hi mipi raldohnak hramthoknak a si tiah ruah thiam ahcun PDF hna nih pyauh kyar in siseh a lamkip in raldohnak ah hlawhtlinnak an hmu/co tiah an langhter chih.

Be First to Comment

Leave a Reply

Your email address will not be published.