Press "Enter" to skip to content

Chin ramkulh khuate hna ah

Chin ramkulh, Mindat peng Vuamtu khua siizung thilri pawl cu ralhrang nih an khang/an hrawh dih, tiah theih a si. “Tutan he cun Ralhrang pawl Vuamtu khua i an luh an chuah thulh i, thilri an hrawh thulh hi a voi thumnak si cang. Atu zong Vuamtu siizung pawng ah siizung thilri pawl an pon hna i an khangh hna.

Vuamtu khua hi CDM Siibawi le nurse pawl nih hmunhma laknak ah an hman i khua pawngkam mizaw pawl an thlop tawn hna, cu thawngpang cu ralhrang nih an theih i si lai,” tiah tualchung mi nih an chim. Ralhrang pawl cu nizan (february 17) ah Vuamtu khua an phan i, tu hi umhmun an khuar i thilri pawl an hrawh, an khangh hna, tiah theih a si.

Chin ramkulh khuate hna ah February 20 ah Chin National Day tuah an i tim ti mi an theih caah atu bantuk in thazaang tampi he khuate lei ah rallam sial in an umnak zong a si kho men, tiah tualchung mi hna nih an ruahnak kong an chim. Credit: The Chin Post

Cambodia Foreign Minister Prak Shokhonn cu ASEAN Special Envoy dirhmun in a ra dingmi March thla ah Myanmar ram ah a ra lai tiah theih a si. Cu Myanmar a rak rat tik ah NUG Chungtel pawl hna he tonnak ngei ding in timhlamhpiak ding ah ASEAN Special Envoy nihcun SAC ralhrang sin ah nawlnak a tuah, tiah Vietnam News Agency (VNA) nih a langhter.

Tulio (2022) ASEAN Chairman a ṭuan liomi Cumbodia nihcun kan rian le kan dirhmun upatnak ah SAC he hin pehtlaihnak cu kan ngei peng ko lai, tiah Prak Shokhonn nihcun a chim. ASEAN Special Envoy nih NUG he tonnak ngeih a duh caah SAC sin ah nawlnak a tuah timi kong ah NUG Cozah Foreign Minister Daw Zinma Aung nihcun, “ASEAN Special Envoy nih NUG he ton le pehtlaihnak ding ah SAC Ralhrang nawlpeknak a hau hrimhrim lo, SAC ralhrang nawl loin a herh caan poh ah Online in ton khawh si ko,” tiah a chim.

Atu tuah cuahmah lio mi ASEAN Foreign Minister hna tonpumhnak ah a bik in Myanmar kongkau an ceih i Malaysia Foreign Minister nihcun ASEAN Special Envoy nih National Unity Consultative Council (NUCC) na ton hna a herh, tiah nizaan February 17 ah biatung a chuahpi. Atutan ASEAN Foreign Minister tonpumhnak ah SAC ralhrang Foreign minister aa tel lo.

Be First to Comment

Leave a Reply

Your email address will not be published.