China Ram Ah Chin Nu Nih Ruahlo Tukin A Thutnak In A Tlak Ruangah A Nunnak A Liam E

China Ah Chinnu Mual A Liam. China ram Guangdong Province Fashan khawpi ah Chinnu Mary le a rualpi pawl cu March 5, zanlam nazi 4 hrawngah off-day hmangin inn an luahmi pakhat ah an umkhawm.

Mary cu an Balcony ih tohkham parah to in kuak a fawp ih a tla ngah pang. A tlak hnuah a umdan a dik nawn lo ih reilote hnu ahcun a thaw a cem.

A pi in Ambulance a kawh sak nan palik lam an hrawlhawk ruangah a rualpi pawl cu palik tih ah an tlan thluh. Amai Mary facebook ahcun Kalaymyo ih um in a ngan aw ih, a then cun Zokhawthar khuami a si titu tla an um.

A thuhla thlahtu cun “Foshan ah China pasal nei Myanmar rammi nan um ih nan pasal pawlin a ruang an buaipi ngam asile tidan a ummen ding,” ti’n bomnak a dil. Credit: Vapual Auaw

Sermon Tawi Relchap; Zahan Pathian Ni 5 Febuary Zingpumh I Ka Thawngthachim Mi Hi Khrih AH Ka Hawi Le Hna Bawipa Sunparnak Caah Kan Hrawmh Chin ve Hna.

ZUMHNAK; Cathiang chungah kan hmuh bantuk in,Khrih Jesuh in Pathian nih khamhnak a tuah,cu khamhnak cu a zum mi paoh nih an co ding a sinak kha cathiang nih a kan chimh.John 3:16,Cuticun Pathian nih vawlei hi a dawt hringhran caah a fapa ngeihchun te kha a pek,cucaah a mah a zum mi paoh cu an thi lailo,zungzal nunnak an ngei lai.Amen!

Abram sinah Pathian nih bia a chim,Abram,na nu le pa le na rualchan kha kal taak hna law kan hmuhsak mi ram ah khan kal,a ti.(Genesis 12 )Abram nih cun Pathian bia cu a zumh caah i cungcanglo in a kal i,Pathian nih a lamthluan cu a hruai.

Pathian nih Abram cu tefa tampi a kamh( Gen12:2 )Abram kha a tar cang nain bia a kamhtu Pathian kha a zumh tthiam ko.Asinain a nupi nih a minung sinak in a tuak i an salnu cu a pasal a ihpi ter caah Salnu nih fapa Isamel a hrin.(Gen 16:2,4)Pathian nih a biakam a leet lo caah Abram nupi cu nau a pawi( Gen 21: )Fapa a hrin i a min ah,Isak tiah an ti.

Abram nih tar hnu ah fapa pakhat a ngeih,cu a ngeih mi cu,Pathian nih raithawinak caah a hal,Abram nih lunglawm te in a peek( Gen 22 )Pathian cu a cungah a that caah Abram fapa aiawh ah Tukawng a peek i tukawng tu cu raithawinak caah Abram nih a hman,asinain Pathian nih Isak rim ah a cohlaan piak ko.(Gen 22:13

Cathiang nih hin zumhnak in khamhnak kan cokhawhnak ding hi hmun tampi ah a kan chimh.Israel mi hna Izip salah kum 400 renglo an taan lio zong ah khan,Mosess cu Pathian nih a mi hna chanh dingin a kawh i,cu ahcun Pathian nih kan umpi lai a ti.Pathian nih kan umpi lai a ti mi kha a zumh i,a mi Israel mi hna cu Izip ram cun a chuahpi hna.

Zumhnak kong hi a tong cang mi hna caah cun chim a nuam bak mi asi.Zumhnak kong ka rak tawn mi hi Delhi ka phanh hnu ah hin voi 2 tluk cu ka chim cang,a tu belte ahcun a cheuchuum lawng ka chim lai,a dang chim ka duh caah.2 te lawng ka chim lai i a dang ah ka kal te lai.

1.Kan Gas ti le Facang : Kum 22 a liam cang mi ah khan rian kan rak ngei i hlawhfa minung 20 ka rak ttuanter hna.Kan rian cu kan lim,asinain bill hngah a hau i,kan inn ah hlawhfa 20 he khua kan sa.Rian hmun in Facang Bag 2 le Chiti le dal cu a za in a hlei mi kan i phurh.Tangka belte fangkhat tiawk hmanh khi a um ti lo.

GAS hi kanmah lawng kan um ah dur ngan hi thlakhat kan hmang,cucu Kg 14 tlum khi a si.Hi lio ah hin kan nu hi a damlo ngaingai fawn,Rai nih a fanh i a lu ah ka kut ka chuan i ,Bawipa sicawknak tangka kan ngei lo,asinain kan damnak si ttha bik Jesuh nang kan ngeih caah kai lawm ko,

kan nu raifonhnak hi a tu ah na damter cang caah na min kan thangthat tiah thla ka camh i a dam cawlh Amen!,Hi lio ah hin tangka dang le kan ngei fawn lo,Rian i kan tlun ah hin kan nu nih GAS an rawnnak hi zarh 3 a si cang e tiah a ti.Cu ti a si ahcun GAS cu minung kan tam ttung le zarhkhat hmang hmanh a si ttung lo ka ti.

Cu ah ka lung i a chuak mi cu,Thlacamh ti khi a si.Ka tho i kan GAS dur cu kai tleih i,”Bawipa kan bil kan laak khawh hlan lo hi kan GAS ti hi dihter hlah tiah ka ti.Bil cu ni 30 hnu ah a chuak i kan GAS ti cu a dih hlei lo,Bill kan lak hnu ah zarhkhat kan hmang rih.Amen!

2.Mate a chuahka ah hin a nu hi a hnuk a chuahlo caah zan ah hin a ttap peng,cawhnuk cawkhnuk ka tuahpiak ah le a ding duh fawn lo,a nu hnuk cu a din tawn nain a haang umlo caah a ttap.Zankhat cu ka tho i a nu hnuuk cu kai tlaih i,”Bawipa kan nu hnuk a sertu hi nangmah na si.

A tu kan fa nih hnuuk din ding a ngei lo i hnuk haang a tu ah van umter tiah ka ti i amen ka ti bakah a nu hnuk cu a kah bakin ai kaap i Mate nih cun duhsup in a din caah ai haak ciammam le nawn kan rak hnuuk.Note:Pathian sinah thluachuah hi kan hal i thluachuah a kan peek tikah cheukhat zumtu hna cu Thluachuah a kan pe tu Bawipa kha ruatlo i thluachuah a kan peek mi ah kan buai tthan i a kan pe tu cu kan philh i,cu thluachuah cu buainak ah kan hmantawn.

2.Mate hi thla 2 a si ah a lung a pem i lungdong in kan rak um,Sibawi pawl nih Mumbai ah kalpi u a kan ti,cu lio ahcun india tangka in Ting 5 cu nan i ken a hau a kan ti.Inn ah kan lawi i kan nupa in tihin thla kan cam.”Bawipa fanu a kan pe tu hi nangmah na si,a pum chung le a taksa vialte zong nangmah na si.

A tu a lung a pem mi zong hi na hmuh dih i na ser mi a si caah awlte in na van phih khawh mi a si ko,Mumbai kalnak dingah tin 5 a hau lai an ti kan ngei lo,Tangka haulo in damnak Pathian kan in ngeih caah kan fanu lung a pem mi hi na kan phihpiak khawh ti zong kan zumh caah na min kan thangthat,kan ti.Pathian sin thlacamnak in a lung pem mi a dam.Amen!

Kan fanu cu a thaw chuak a van dik cang,a thlai a chuak peng mi zong a dai cang,cucaah kan fanu hi a dam cang ti kan theih i,Sibawi te kha kan fanu a dam cangnaak kha chim dingin kan kal i,Kan fanu cu an chek tthan i,A lung a pem mi cu a pit cang hi an ti.Amen! Sibawi te nih thaizing ah ratpi tthan u an ti i kan va kalpi tthan.

An chek tthan i,A pem mi a um lo,a pit taktak ko,zeibantuk sidah nan peek an kan ti.Ka leh mi hna cu,Khrih Jesuh damnak si kan peek e ka ti hna.Amen! Khrih Jesuh cu lunghrinhnak ngeilo te in zum law na taksa damlonak siseh,Thlarau lei i na damlonak siseh na dam dih ko lai.Amen!

THIL THA TUAH DINGIN KHAMH KAN SI: Minung nih Thil tha tuah hi a tha ti kan theih ko nain caan tampi ah cun kan tlawlh theu tawn,cu bantukin a theipar kan hmuh colh lo ruangah Thil tha tuah lo tu aa thimmi zong kan rak um theu tawn ve. Zeiruangdah thil tha tuah hi a tha ko ti kan theih ko nain tuah lo in kan um theu tawn, cun kan tuah ko nain kan ngol tawn hi a si hnga? Thil tha tuah a kan ngoltertu thil tiah ka ruahmi hna cu:

THENKHATNAK; Gal 4: 11,Nan ca i har lengmang in ka ttuanmi vialte kha pakpalawng ah nan canter sual lai ti ka phang ko.
1. Thil tha kan tuahmi kha a theipar kan hmuh colh lo tikah cu kan tuahmi thil tha nih cun theipar tha nih a zulh cawlhlo ti khi kan ruah caah,

2. Kan thil tha tuahmi hi pakpalawng ah a cang sual lai ti kan phannak nih thil tha tuahnak in a kan ngawlter tawn,
3. Thil tha kan tuahmi ah kan baa tuk tawn i chikhatte kaa din ta rih lai i a hnu ah ka pehzulh than te lai tiah kan ti nain kan i din lan theu tawn…,

THEN HNIHNAK; Dawtmi zumtu u le nau hna, kannih zumtu cu thil tha tuah dingah khamh kan si tiah Efesa 2:10 nih fiang ngai in a kan chimh.A kan chimh ning cu,”Kan nih cu Pathian kutchuak kan si i Pathian nih thil tha tuah dingah a rak kan timh bantuk in Khrih he kan i pehtlaihnak thawngin thil tha cu kan tuah khawhnak hnga a kan ser tthan mi kan si.Tiah a kan chimh.

Cu caah Khrih Jesuh khamhnak cu zumhnak in a co cang mi kannih hna nih hin, 1. Thil tha tuah ah kan lung a dongh ding a si lo i thazang kan chuah i, pehzulh in thil ttha cu kan tuah i kan nun awk tu a si deuh ti khi a si. 2.Thil ttha tuah in Kan nunnak hi, Theipar tha co ding ruahchihnak lawngah kan nun awk a si lo.

3.Thil ttha tuah i Kan nunnak cu,Theipar tha va zuun ding lawng ruat in kan nun awk a si lo, thil tha tuah ding ah khamh kan si ti tu theih peng i thil tha tuah ding tu khi kan si.

THEN THUMNAK; Cu caah Khrih ah ka dawtmi ka u le ka nau hna, tuah mi theipar zuun lawng aa ruahchan mi zumtu maw kan si, a si lo le theipar kong ah buai lo in kan nun hi a herh tiah a zoh deuh tu dah kan si ti hi, kan nun kan i zohfian dingah ka duh ngai ngai ko. Kan hmai ah a um ko mi thil tha tuah ding kha tuahlo in kan caan kan liamter sualnak hnga lo…,Khrih zumhnak in thil ttha cu kan tuah ding a si.

1. Pathian nih a kan zaangfah caah a mah zumh khawhnak nunnak a kan peek i,cu a kan peek mi nunnak in cun hi rian hi a kan tuanter i kan hnabei a dongh awk a si lo (2 Kor. 4:1).Chung,Pathian nih a kan zaangfah caah cu rian cu a kan ttuan ter i kan hnabei a dong bal lo.

2. Jesuh hrim kha mi vialte nih an herhmi thil tha kha tuah piak dingah thawnnak a pek i khua zakip ah aa chawh bantukin ,Khrih hnuzultu cu thil tha tuahnak dingah Pathian tthawnnak he a nungmi kan si ti hi kan theih peng ah a tha.(Lam 10:38), Cu thil lianngan cu,zeitindah Pathian nih Nazareh khua mi Jesuh kha Thiangthlarau le tthawnnak a toih i Pathian nih a umpi caah zeitindah khuazakip ah aa chawh i khuachia tthawnnak tangah a ummi vialte a damter hna kha a si.

3. Thil tha kan tuah hi Khrih khamhnak kan co hnawh chan mi ah aa telmi a si ti kan theih peng ah a tha.Cu bantuk thil tha tuah ahcun a minung kan thim awk a si lo i, a kan dawtu sin lawngah si lo in, kan ral hna sin hmanh ah khan thil tha cu kan tuah awk a si tiah kan bible cawnpiakning cu a si.

THEN LI NAK; 1. Hi hi kan chimh hna, na ral kha va daw law, an hua tu hna sinah thil tha kha va tuah, chiat an serhtu hna kha thluachuah va pe hna law, zei an rel lotu hna caah thla va cam piak hna ( Luke 6:27-28), zeiruang ah dah cutin kan tuah awk cu a si?

a.Tuchan zumtu kan nunning he cun Bible nih a kan cawnpiak duhning hi aikalh ngaingai.Kan nih cu kan diklonak maw kan silonak maw a kan ti tu le kanmah duhning in a um lo mi hna cu,Khrih kan zumhnak kha lang kho lo in,kan minung duhnak thinlung in an cek ne tiang in runh hnaseh tiin kan deen hna i,

a phunphun in kan holh chuah hna.Cubantuk zumhnak cu,Thil tha kan tuah mi kha a theipar hi vawlei kan nun chungah kan zuun cang caah vancung ah khin a hlei in zuun ding kan ngei ti hnga lo ti hi( Mt6:16:17-19 )Ah kan hmuh.

2. Midang nih an dohmi asi zongah thil tha a si ko ahcun kan tuah awk a si ko (John10:32)An nih kha Jesuh nih cun a thawh hna i,”Ka pa nih a ka fialmi thil tha tampi nan hmaiah ka tuah hna;hi thil hna lakah hin a zeiruangte ah hin dah lung in cheh nan ka duhnak cu a si?”tiah a ti hna. Asiahteh,Jesuh kha kha tluk khan thil tha a tuah ko nain a mah thah a duh mi kha an um fawn?Asullam cu,sehtan nih thil tha tuah kha a huat bik mi a si caah a si ko.

3. Pakhat le pakhat kan i dawtnak le kan i zohkhenhnak nih hin Khrih zultu kan sinak a tehte asi kha kan philh lo awk a si (John 13:35).Pakhat le pakhat nan zawn nan iruah ahcun mi vialte nih,hi hna hi amah a zultu kha an si,tiah an in hngalh hna lai”tiah a ti hna.

THEN NGA NAK THIL THA NA TUAH TIKAH NA LUNGPUT DING; 1.Na tuahmi thiltha kong kha chim len hlah! Midang tu nih hmu hna sehlaw chim deuh hna seh! 2.Thil tha na tuahmi kha midang nih hmu/ thei hna seh tiah vaa phozar len hlah! Midang zong nih an tuah cio ti philh hlah!

3.Na tuahmi thil tha hmang in midang va soi hna hlah! Mi teinak zongah hmang hlah! 4.Na tuahmi thil tha ruang ah mi nih rak conglawmh kha bawh hlah! Midang Conglawmh na ruahchan i an in lawmh lo tikah na thiltha tuahmi kha na caah tahchiatnak a cang kho.

5.Na bawmhmi minung kha va nehsawh hlah! Nikhat khat ah an bawmtu a si kho ve ko. 6.A za tiah na ruah cang hnu i na bawmh cang mi cu dih ter ko. Na bawmhmi cungah nawl va ngei len ti hlah. 7.Na bawmhmi kha a zat le a voi rel hlah. Bawmh an herh nak zawn tu kha ruat deuh.

8.Na bawmh mi hna nih na cungah bawmhnak an langhter ve lo zong ah na bawmh mi kha chim leen hlah. Note. Na tuah khawh mi kha tuah ko law,midang nih an in hmuh le hmuh lo kha ruat hlah.

Tlangkawmnak; Khrihah ka Dawtmi ka u le ka nau hna,mithiang Paul nih Timote sinah midang cawnpiak ve dingah a chimhmi le a cahmi cu, “Thatnak tuah le thiltha tuahnak i rum le nun sian le thil thenh sian kha na chimh hna lai” tiah a ti. Caan tampi cu kan sining a pha lo, kan thazang nih a tei lo tiah thil tha tuah hi kan ngol theu tawn.

Kan nunnak ah i cinken awk ah ka duh ngaingai mi cu, kannih cu, “Tthawnnak a ka petu Khrih thawngin zeipoah ka tuah khawh ko hna.” Filipi 4:13. Thil tha kan tuah mi kipah theipar kan hmuh lo zongah Pathian kan Pa nih a cinken dih ko ti hi kan theih peng i thil tha kha kan tuah khawh chungin tuah ko hna u sih, tiah Jesuh min in kan sawm hna.Kan dihlak caah a nung mi Pathian nih thluachuah kan peek piak koseh…Amen! By – Tin Duh Thang