Press "Enter" to skip to content

China ram ah Kawlram Nungak (40) Room Chung ah An Kharkhumh hna i An Tuahto Ning Hna A Faktuk Rak Share Piak Zoh Ve Hna (+Video)

Mah thawng hi nikum ah khan a rak lar taktak mi a si i hmu lo mi kan tam lai caah kan van Update tthan mi a si. Tuluk ram Shweli khuapi ah kawlram lei in riantuan ah a rak mi kawl nupawl minung 40 hrawng cu an riantuan nak company nawlngeitu pawl nih room pakhat chung ah an kharkhumh dih hna tiah kan theih . Tu bantuk in room pakhat chung ah an kharkhumh dih hna nak a ruang cu zan nazi 10:30Pm tiang riantuan ter an timh hna i kan tuan kho lailo an ti caah an kharkhumh mi hna a si.

Hi room pakhat chung ah hin kawlram lei riantuan tu nupawl minung 40 hrawng cu rawlpe lo le ti zong pe lo bak in an chiah hna i a lenglei in kutka an hrenh kanh hna i khawika hmanh kalkho loin an chiah ko hna . Hi riantuan tu nupawl nih hin zan company lei nih zan nazi 10:30 tiang nan tuanlai an timi hna cu an duh lo tik ah rian in kan chuak ko lai an ti zong ah an sianh fawn hna lo ti a si.

An riantuan nak company hi phone tunnak hri (Phone charger company) a si i midang riantuan tu pawl cu tha tein rawl an pek hna nain kawlram lei in a rami nupawl poahpoah cu rawl lo le tilo in tu bantuk in an kharkhumh hna hi a si . Zeitik tiang dah tu bantuk kharkhumh an si lai an i theihlo caah an thinphang tuk ve i an lak i nu pakhat nih a phone in LIVE a thlah i kawlram mipi sin ah bomhnak a hal.

Hi video hi an thlahnak 23 hours lawng a rau rih i a sullam cu a tuzong ah hin kharkhumh an si peng rihko tinak a si . Cunglei nawlngeitu nih a video hi an rak hmuh ve i a rannak in bomhnak an hmuhkhawh nak hnga le kharkhumh nak chungin a hohmanh faknak ingtuar lo tein an chuah khawh dih hnga hi video hi rak share ve dingin kan in nawl chih fawn.

Be First to Comment

Leave a Reply

Your email address will not be published. Required fields are marked *