Press "Enter" to skip to content

Chinland Defense Force -Mara (CDF-Mara) Cathanh Chuah Mi A Mak ko

1.Mara Administrative Territorial Council / Maraland Defense Force (MATC/MDF) cu March 25 ah CDF- Mara Headquarter umnak ah an ra i CDF- Mara Headquarter cu lak ding in hriamnam tling he an rak kan luh hnawh.

2.CDF- Mara hmunhma simi Ngaphaite khua ummi CDF-Mara ralkap le khuanu khuapa hna sin ah a hlankan in theihternak tuah loin Minung thazaang le hriamnam thazaang tamtuk in an ratmi cu an kham hna caah MDF nih meithal an puah i an i hrocer, Khuachung mino hna cu sianginn ah an pumh hna i voitampi meithal an puah hnu ah CDF- Ralkap pawl cu an kah hna.

3.Cu caah Kanmah CDF- Mara ralkap pakhat a nunnak liam i pahnih hliam an tuar caah kanmah lei zong nih meithal kan puah ve i a tu cathanh kan ttial tiang kahdohnak a fak rih.
4.Kan ram le miphun caah nunnak liammi le hliam tuarmi kan ralkap le chungkhar hna cung ah CDF-Mara nih kan in ngeihchiatpi hna.5. A herhmi thawngpang kan thanh tthan lai.

 

MDF le CDF-Mara karlak thil cangmi kong ah Mara Administrative Territorial Council: Headquarter nih hitin cathanh a chuah ve.”2022 March 25 ah Maraland Defense Force-(MDF) cu meeting biachahnak bantuk tein Sawhbo tlangthluan tlawn ah Ralkap nu 2 ,Chief Commander, Medical leader le ralkap 4 hna he an kal i Ngaphaite khua an phanh ah CDF-Mara upa pakhat nih uniform le hriamtling he

an ram chung luhchuah lo ding in a van chimh hna i MDF Chief Commander nih Mara miphun nih Mara ramchung ah duh poh in luhchuahnak nawl kan ngei tiah a leh i cuka hmun ah cun bia-elnak tlawmpal a chuak.

“March 25 zaan, Ngaphaite khua sianginn ah mizapi he tonbiaruahnak kan ngeih lio ah CDF-Mara ralkap pawl nih security a lami MDF ralkap meithal an chuh caah kaphnih kahdohnak a chuak. Thil sining hi MATC/ MDF nih kan hlathlai colh i a rauh hlan ah MATC/MDF phung ning tein hmalak ding ah kan i tim.

“Tu bantuk in Mara miphun veve karlak i theihthiamlonak ruang ah thisen a luan hi kan ngeih a chia hringhran. A nunnak liam mi Salai Paw Mahnei le hliamtuarmi hna caah MATC/MDF nih kan ngeihchiatnak cathanh in kan langhter,” tiah MATC/ MDF nih cathanh an chuah.Crd the chin post

Be First to Comment

Leave a Reply

Your email address will not be published.