Chinram Ah SAC Ralhrang Thazaang An Chap
Kalaymyo in ralhrang motor 20 Falam lei panh in an hung kai lio, Falam ralhrang sakhan duh herh thilpek an itim lai tiah zumh si. Falam lei panh in a hungkai mi ralhrang motor 20 cu, Lumbang/Parte khua an rak luh lio pi si. Credit; Salai William HC
Kawlram Buaibainak Hi Zeitindah Nang Daihter Naa Timh? Rampi Abuai caah Anna Lak asilo. Rampi Atha Cuahmah lioah Anna anlak. Hranhram in Uknak Lak Asi caah Ram a buai. Dindaihnak a um khawh tilo. Sersiam khawh than tilo dingin arawk cikcek. Rampi Dindaih ter awk ah Anna I chut hi Aphi asilo. Anna Lak loin, Ramkhel Cabuai ah Aphi kawl loin, Rampi Dindaihnak caah Raldohtu hna hrawk hi, Aphi asilo.
Sullam ngeihlo, lohtlaunak cu asi. I huatnak le I remhlonak, entainak vialte, that dih ahcun, adih ko. Mipi le Ram Sithatnak caah I huatnak cu kaltak khawh ding asiko. Kum tlinlo le mino ngakchia tete hna, thisen le nunnak pekchan hi, hmailei an ruahchannak vialte hrawk cikcek hi, Aphi asimaw? Asi awk ta asi maw?
Politic timi cu A mikip I hmailei caah sithatnak tu kha kawl ding asi nain, Zeizong vialte an rawk cikcek cang. Mikip sithatnak caah biakam khawh kha Politic hmuitinh asi awk asi. Politicians le MPs kip rian zong asi fawn. Ram Dawtu le Phuntungtu kip hmaba rian nganbik asi fawn. Krifa zumhtu le Mikip rian zong asi fawn.
Paucan Dohthlennak kum khat chungah, Biaktheng ah, relcawklo nunnak le thisen sung pekchantu hna, hremh mi le thongthlak mi a thong thong a sang sang, riaklang va bang, khuazakip ah a vakvai mi these zat mipi, Relcawklo mipi tah aihramnak thawng, Aman in tuak khawh silomi, hlawnthil Suingun Chawva le Innlo a ciam mi vialte, Vawlei tuanbia ah a um ballomi, Tuksapur Tihnung Rapthlak, Lungrawn khua ciamhnak le urhkangnak, vialte hi a phu ko Na ti maw?
Pamhmai in zaram umtuk nati dah? Khuaza ruat in tuak len zong ah a phi a um cio rua lo. Lungrawn khua runreplo ruuninn tlung can ah cazin abau ruangmang mi dawtu le dawtmi vialte, Pipu le Sunghno Nupa hna, dawtmi Fanu Fapa le tu le hna, Kong ruah ah, I lungsak khawh si hnga maw? Thlavai kian ruangmang ko lai, maw ka thin hi mu!
Dinthlu Lairel nih Lairel Hram ko seh, afa le kan baa ruangmang ko cang. Maranatha Bawipa rung tum ko cang. Jehovah Jireh law Jehovah Shamma cang ko. Jehovah sabboth cang law, Jehovah Shalom cang seh. Kan Jehovah Rapha law, Na pennak tlungcang ko seh. by- Joseph R. Thang
