Press "Enter" to skip to content

Chinram Hakha In Gangaw Lei Kal SAC Ralkap Hna Cu Leium Ah Khua An Sa

Halkha in Gangaw lei kal ralhrang hna cu, Leium khuahlun le khuathar kar ah bukte i sak in zahan tiang ah cun an riak ko ti si. Credit; Salai William HC

KNU battalion-5 i thlakhat chung kahdohnak ah SAC ralkap 118 an thi. 2022 April 2 – Karen National Union (KNU) battalion-5 Papun peng ah 2022 March thakhat chungah SAC ralkap, BGF le Karen National Liberation Army (KNLA) karlak ah kahdohnak voi 359 a chuak i SAC ralkap lei in Battalion Commander 1,

Deputy Battalion Commander 1 telh in SAC ralkalp 118 an thi. 59 nih hliamhma an tuar tiah KNU Mudaw thawngzamh nih a thanh. Kahdohnak chungah SAC mawṭaw 17, mawṭaw sawhsawh 2, SAC nih hmanmi laa 2, le SAC uknak a bawmtu zung 1 kan hrawh khawh tiah a thanh. KNLA battalion-5 in Karen ralkap 10 nih ram caah an nunnak an pek i 28 an i hliam,

SAC ralkap nih hriamngan kahthlorh in an kah ruangah sualnak ngei lo mipi 18 an thi i 10 an i khawng tiah Mawdaw thawng thanhnak in theih a si. March thlakhat chungah SAC ralkap nih Papun peng chungah vanlawng in voi 13 a kah tiah KNU battalion-5 i thlakhat ca cazin ah a langhter. Crd; The Chinland Post

Mindat-Matupi lamcung kahdohnak ah SAC ralkap 35 an thi, CDF-Mindat nih bom an puah hnawh hna. The Chinland Post | 2022 April 2 – Mindat in Matupi lei ah a kalmi SAC ralkap mawṭaw thluan 83 cu March 29 ah CDF-Mindat nih bom an puah hnawh hna caah cuni kahdohnak lawngah SAC ralkap 15 an thi i tampi nih hliamhma an tuar tiah CDF-Mindat sin in theih a si.

Cu ralkap mawṭaw thluan ahcun, SAC ralkap 250 hrawng an tel caah kahdohnak a fak rih kho men tiah CDF-Mindat in biachimnak nawl a ngeitu nih Yangon Khit Thit ah a chim. Mah SAC ralkap mawṭaw thluan 84 cu Matupi Byu-ha ah eidin chanding in a kalmi an si i Mindat in an chuah lioah CDF-Mindat nih an kah hna hi a si.

SAC ralkap mawṭawl thluan donding ah a kalmi SAC ralkap pawl cu Chanpyan khuathar pawngah CDF-Matupi nih an kulh hna i an kah hna caah SAC ralkap 20 hrawng an thi tiah Khit Thit thawngzamh nih a langhter.

Be First to Comment

Leave a Reply

Your email address will not be published.