Chinram Kahdohnak Ah Chin Pasaltha Hna Nih SAC Ralkap Minung 7 Hrawng An Thi, Hliam An Tam
Paletwa Peng Kahdohnak ah CNA le CDF Ralkap 2 an Nunnak a Liam, March 12 le 13 ah a cangmi Paletwa peng chung kahdohnak ah Chin miphun ralkap lei in minung 2 an nunnak a liam, tiah thawng kan theih. Matupi peng, Lailenpi khua in Htaybwai khua ah thazaang chap ding in aa thawhmi SAC ralhrang 150 hrawng cu March 12 le 13 ah CNA, CDF-Paletwa le CDF-Matupi nih lampi ah an kah hna.
March 12 kahdohnak ah SAC ralhrang pakhat a thi i, a dang 5 hrawng hliamhma an pu, tiah CDF-Paletwa nih thawngpang an chuah. Cu kahdohnak ahcun CDF-Paletwa in Salai Joshua nih ram le miphun ca ah a nunak a pek. Cun, March 13 zinlgei sml. 9:00 le zaanlei sml. 3:00 ah kahdohnak voi 2 a chuak tthan.
Cu kahdohnak ah cun SAC ralhrang a tlawm bik 7 an thi tiah i, a dang minung 10 hrang hliam an pu. CNA in ralkap pakhat nih a nunnak a pek ve, tiah CDF-Paletwa nih an langhter. SAC ralhrang nih miakpi in an kah ruang ah Tuisawkung khuate sianginn, inn pakhat le biakinn pakhat zong an rawk, tiah an langhter chih.
[Burmese]
ပလက်၀မြို့နယ်တိုက်ပွဲ ဒေသကာကွယ်ရေးတပ်မှ ၂ဦးကျဆုံး၊ စကစ ၈ဦးသေမတ်လ ၁၂ ရက်နေ့နှင့် ၁၃ ရက်နေ့တွင် ပလက်၀မြို့နယ်တွင် ဒေသကာကွယ်ရေးတပ်ပေါင်းစုနှင့် စကစတပ်အကြား တိုက်ပွဲ ၃ကြီမ် ဖြစ်ပွားခဲ့ရာ ဒေသကာကွယ်ရေးတပ်ဖက်မှ ရဲဘော် ၂ဦးကျဆုံးပြီး စကစဖက်တွင် ၈ဦးသေဆုံးကာ ၁၅ဦးခန့် ဒဏ်ရာရရှိကြောင်း CDF-Paletwa ကထုတ်ပြန်သည်။ မတူပီမြို့နယ်၊ လိုင်လိုင်းပီမြို့မှ ထယ်ဘွေ့ စခန်းသို့ အင်အားဖြည့်တင်းရန် တတ်လာသော စကစ ၁၅၀ ခန့်အား မတ်လ ၁၂နေ့ တွင် စခီဟာကျေးရွာနှင့် ၄ ဖာလုံခန့်အကွာတွင် CDF- Palatwaမှ မိုင်းဆွဲဖြတ်တိုက်ရာ စကစ ၁ ဦးသေဆုံးပြီး ၅ ဦးထက်မနည်းထိခိုက်ဒဏ်ရာရရှိကြတယ်လို့ ထုတ်ပြန်သည်။
မတ်လ ၁၃ရက်နေ့ နံနက်ပိုင်း ၉နာရီမှ နေ့လယ် ၁၁နာရီထိ တစ်ကြိမ်၊ ညနေ ၃နာရီမှ ၅နာရီ တစ်ကြိမ် စုစုပေါင်း နှစ်ကြိမ်၊ CDF- Paletwa, CDF-Matupi , CNA သုံးဖွဲ့ပေါင်း တိုက်ခိုက်ခဲ့ရာ စကစဖက်မှ ၇ဦးထက်မနည်း သေဆုံးပြီး ၁၀ ဦးကျော်ထိခိုက်ဒဏ်ရာရရှိခဲ့သည်။ ယင်းတိုက်ပွဲတွင် CDF- Paletwa မှရဲဘော် ၁ဦး ဒဏ်ရာရ (စိုးရိမ်စရာမရှိ)ပြီး CNAဖက်မှ ရဲဘော် ၁ဦး ကျဆုံးသွားပါတယ်။
စကစတပ်၏ လက်နက်ကြီး ပစ်ခတ်မှုကြောင့် တွီဆော့ကုန်းကျေးရွာ လူနေအိမ်တစ်လုံး၊ စာသင်ကျောင်း တစ်ဆောင်၊ ခရစ်ယာန်ဘုရားရှိခိုးကျောင်း တစ်ဆောင် ထိခိုက်ပျက်စီးခဲ့ပြီး ပြည်သူများအားလုံခြုံသည့်နေရာသို့ ရွေ့ပြောင်းနိုင်ခဲ့ကြောင်း CDF-Paletwa ကထုတ်ပြန်သည်။ The Chin Journal
A luancia 2022 March 5, zaan suimilam 9:00 ah Chin ramkulh, Falam khuachung inn 4 cu minung pathum nih dat-sii toih in khangh an rak timh nain an hlawhtling lo. Misual 3 hna cu an i timhmi a tlamtlin lo caah March 6, 2022 zinglei suimilam 10:00 hrawng ah Falam-Rih lampi lei ah kal in, cuka lampi Laimual(လိုင်းမွာလ်) khua phak hlan inn pakhat cu an khangh.
Falam khuachung inn khangh an timh lio cu CCTV ah record a si i, mit hmutu hna zong nih CNO/CNDF sinah an theihter hna. CNO/CNDF nih hlathlainak an tuah hna i Biak Ceu Lal, Ceu Lian Hum le Sang Lian an si, tiah theih a si. Biak Ceu Lal le Ceu Lian Hum cu Mizoram state, Aizawl ah tlaih an si i, Sang Lian cu Mizoram chung ṭhiam Zokhuathar ah tlaih a si. CNDF nih thonginn ah an hren hna, tiah theih a si.
2022, March 6 zaanṭim suimilam 11:30 hrawng i Falam khuachung Tlanglo sang inn 3 kanghnak kong zong ah lunghrinh an si i, kherhhlainak tuah cuahmah lio a si. Falam khuachung mizapi umnak inn hrawhpiak duhnak le thinphan thlalaunak a chuahter khotu thil a tuahtu misual pathum hna cu mizapi vengtu CNO/CNDF nih faakpi in dan an tat hna lai, tiah Chin National Organization nih cathanh an chuah.
CDF Hualngoram Nih Mizapi Sinah Theihternak An Tuah Than: CDF-Hualngoram nih march 7, 2022 ah mizapi himnak ding i thawng an rak thanh cang mi a zultu, Hualngoram chung motor/cycle ngeitu vialte cung ah lunglawmhnak bia an chim i; motor in i chokvai lo ding i theihternak an rak chuah cang mi cu March 14, 2022, zing lei sml 6 thok in an on ṭhan cang lai. Mizapi himnak ah motor/cyecle in aa chok ding mi nih cun Mizapi ralkap hna chawnhbiak hmasa siseh, tiah nawlnak cathanh an chuah.
Karenni Kahdohnak Ah SAC Ralkap Nih Multiple Rocket Launcher System(MRLS) An Hman: Karenni peng kahdohnak ah SAC ralkap nih Multiple Rocket Launcher System(MRLS) an hman, tiah SAC ralkap thawngzamhnak nih Yangon Khit Thit ah a chim. SAC nih Karenini ramkulh an uk khawh nakhnga biatak tein ṭan a la i, Senior Lieutenant General Soe Win he Operation an tuah cuahmah. Teinak an hmuh khawh nakhnga hramngan le vanlawng in an kah hna pinah Multiple Rocket Launcher System(MRLS) hmannak nawl zong pek a si i, MRLS phortu motor 3 cu Karenni ramkulh a phan i kahdohnak ah hman an si cang, tiah SAC ralkap thawngzamhnak nih a thanh.
“SAC ralkap nih Nanmae Khone(နန်းမယ်ခုံမြို့) an kan lakpiak hnu March 13 an Dawngankha(ဒေါငံခါး) khua an kan lakpiak ṭhan. Kahdohnak ah hin kanmah lei in hliam faak a tuar mi an um. Cucaah mipi nih nan si khawh tawk cio in kan ralkap hna hi rak bawm hram hna u,” tiah KNDF batallion-1 nih nihin March 13 zinglei ah thawng an thanh.
SAC ralkap nih Dawngankha khua cu nizaan March 12 zaanlei le nihin zing lei hriamngan in an kah i, inn zong an khangh lengah Sianginn, Biakinn le mipi inn tampi an rawk, tiah theih a si. KNDF ralkap hna cu February 24 ah Nanmae Khone in an rak chuak cang i nizaan March 12 ah Dawngankha khua zong an chuahtak ṭhan, tiah theih a si. Credit: The Chin Post
