Press "Enter" to skip to content

Chinram Kanpetlet Kahdohnak Thawngpang

Kanpetlet Kahdohnak Ah Ralhrang 3 An Thi, Khuami 1 A Thi Ve. Jan 31, tuzing ah Kanpetlet khua Yan Aung Sehti, peng fimcawnnak zung le peng uknak zung ah hmunhma a khuarmi ralhrang hna cu CDF-Kanpetlet nih an kah hna.

Kahdohnak hi zinglei 6:30am in 8:00am tiang, suimilam pakhat le cheu chung a rau i ralhrang 3 an thi tiah CDF-Kanpetlet nih cathanh an chuah. CDF-Kanpetlet lei cu hliamtuar le a thimi um loin an i zukphiak kho tiah theih a si.

Ralhrang nih khuachung ah hriamngan in an kah i inn cheukhat a rawk. Pa pakhat a thi i nu pakhat fak ngai in hliam a tuar tiah theih a si fawn. Source: The Chin Post

Saikel cu nikum thimnak lio khuate lam chiat ah ka mawngh pah ko caah keimah tein cun kai seihchiah ngai ve, nain Bangkok khuachung ah cun ka mualpho dengmang, ka thiam naisai rih lo.

Scooter kha nazi 24 caah Batt 200 in ka hlan, deposit B 2,000 an ka chiahter. Lam hme deuh ah ka vun mawng i keh le orh ka palh lengmang – anmah cu keh lei in an mawng. I ralrin lo cun i pah sual a fawi tuk.

Sukhumvit lam nganpi ka vun lut i traffic tam ngai. Saikel cu traffic ruang ah a dirmi motor hna an kar lak lane in an kal cio. Anmah cu an thiam ngai, saikel ai tlumnak poah ah an lut kho, an rang ngai fawn, an ke zong an thla lem lo. Hi ruang ah motor cu traffic ah saupi an taap tawn nain saikel cu sau an taap theng lo.

Kei cu motor hna karlak ka lut ngam tuk lo, aka zulmi saikel an hmai khah lo tuk ah ka luh caan zong a um ve. Voi 5 hrawng BMW le Mercedes thlalang ka khawn sual cang. Kuai sual sehlaw bialo bak si lai.

Laitlang ah cun saikel mawngh cakei tiah kai ruah nain Bangkok ah cun chizawh menmen lawng ka rak si😊. By- Lung Thli Tum

Be First to Comment

Leave a Reply

Your email address will not be published.