Press "Enter" to skip to content

Chinram Kulh, Falam Khuapi Ah SAC Rallokap Kuttang Ah Sianginn A Kai Mi An Tam Taktak

Falam ah sianginn kaimi siangngakchia 400 leng an um i ralhrang nih security an lak piak dih hna ti si. Chin pyine 9 chungah rallokap sin sianginn kaimi ah Falam hi an si tiah theih a si.

Mah hen pehtlai in CNDF hna nih ralkap tangah caantlai in Sianginn nan kai peng rih ko ahcun Falam khuapi chung ah kahnak kan tuah khawh tiah an chim tiah Vapual Auaw timi Falam News nih a langhter.

Chin ram khulh khoika hmanh ah rallokap nih an on mi Sianginn ah a kai mi an um rih lo. Nain Falam ah minung 400 leng kai nih rallokap kuttangah sianginn an kai cang i, Sianginn a kai mi pawl cu rallokap nih an veng hna hi a si. Biaknak lei hen pehtlai in tuah mi a si ahcun kan lung a tling ko, a tha kan ti ko nain Biaknak lei kap in siseh, Community lei kap in siseh, kan fa nau le fimcawnnak caah raltha tein Sianginn an kan tuah piak ngam mi an um lo.

Asinain, tu tanah rallokap kuttang ah Sianginn pehtlai in kan kai peng rih a si ko ahcun Falam khuapi chung ah kahnak kan tuah lai i rallokap riantuannak vialte kal kho loin block kan tuah lai, Falam lei in nawl kan ngeih lo i rallopak sianginn ah kan kai peng ko ahcun Falam khuapi chung kahnak lam hi kan i thim a herh te ko lai tiah an chim.

Mah kong hen pehtlai in, CNDF nih biatak in tuanvo alak lo cun, SAC ngeihmi Myawaddy le MMTV ah uar ngai in ralhrang nih an chimphuan te lai. Credit; Chinland 7 Post, Vapual Auaw

Relchap; Kaya ramkulh le Kayin ramkulh telh in Myanmar ramchung ah minung 377,800 hrawng cu ralzaam dirhmun an phan, tiah UNHCR nih cathanh chuah mi zohchih in UNOCHA zung nih nihin January 19 ah cathanh an chuah. UNHCR nih 2022, January 10 tiang ah Myanmar ramchung ralzaam dirhmun in a um mi dihlak hi minung 377,800 hrawng an si tiah an langhter.

Cun, minung 2800 hrawng cu Thailand ram sakhan ah an um hna tiah theih a si. Thailand ram lei ah ralzaam dirhmun in a um mi Myanmar mi hna cu hi nak hmanh in an tam deuh kho, tiah ralzaam bawmhnak a tuahtu hna nih an chim.

Ralhrang phu le mizapi vengtu ralkap phu kar kahdohnak a chuah hnu ah ralhrang phu hna nih vanlei in bomb an thlak caah January 13 ah Kaya ramkulh, Loikaw (လွိုင်ကော်) mipi zatceo hrawng cu biaknak phunkip biakinn hna ah umhmun an khuar chung i, cheukhat cu anmah he a naihnak ramlak ah an zaam cio hna, tiah theih a si.

Minung 5000 hrawng cu Shan ramkulh Tawnggyi lei ah an zaam i minung 1000 hrawng cu Thailand ram Mehawngsawmg(မယ့်ဟောင်ဆောင်) pengkomh ah an zaam hna. 2021 May thla thawk in Kaya ramkulh ah inn 650 leng, Biakinn, phung-ki sianginn hna le sianginn telh in mipi umnak inn hna cu an kaang, tiah UN thawngzamhnak nih a langhter. Kayin ramkulh zong ah 2021, December thlalai in minung 22,000 leng nih an umnak inn kaltak in Thailand ram ah an zaam.

Kaya ramkulh, Loikaw (လွိုင်ကော်) peng le Demawhsu(ဒီးမော့ဆို) peng ah ralhrang phu hna nih khuachung mipi hna cu tinhchih in an doh hna i, mipi umnak inn tiang bomb puahhnawh in an doh fawn hna. Mipi umnak inn tampi cu an kangh caah khuachung um ngamlo in a himnak hmun ah a zaam mi hna caah puan, khiangthawng (ခြင်ထောင်) le sii-ai, eiding bawmhchanh an herh ngai, tiah bawmhnak petu hna nih an chim.

Asinain cuka hmun kahdohnak cu a fah chin lengah ralhrang phu hna nih vanlei in an doh hna caah Kaya ramkulh chung a ummi ralzaam hna bawmh a fawi lo, tiah theih a si. Myanmar ralhrang phu hna nih kahdohnak an tuah mi le vanlei kahdohnak cu ngol ding in le a himnak hmun ah zaam aa tim mi Myanmar mipi hna cu kham lo ding in UN special palai Thomas Andrew nih nawlnak a tuah tiah DVB nih a ṭial.

Credit: The Chin Post

Be First to Comment

Leave a Reply

Your email address will not be published.