Chinram Kulh, Mindat Ah SAC Ralkap Motor 80 Hrawng A Lut Tak Cang
Tank 2 Telh In Ralhrang Motor 80 Leng Mindat Ah An Lut. Tuzing ah Kyauthu vanlawng bual in Mindat lei ah tank 2 telh in motor 80 leng cu Yesun khua pawng in hmuh an si. Atu hi Mindat pengchung ah an lut cang tiah theih a si. Hi ralhrang motor cu March 17 in Pakukok in Mindat lei ah a rak i thawhmi an si i, Matupi le Paletwa kar lei ah an kal tiah theih a si. CDF Mindat nih March 18 ah Mindat khuami mipi atulio ah umkal i ralrin dingin thanhnak an tuah i March 19 ah Mindat-Matupi lam phihchung a si. Credit; 21 The Chin Times
Kan dirhmun nan kan tlerh ahcun Nuclear hriam kan hman lai: Dimitry Peskov. 2022 March 23 – Russia ram a dirhmun tlehkhawn tuk a si ahcun Nuclear hriam ka hman lai tiah Russia biachimnak nawl a ngeitu Dimitry Peskov nih a chim.
Ukraine kong ah President Vladimir Putin nih Nuclear thimnak nawl na hmang lai lo timi “na zum maw” tiah CNN thawngzamh nih a halmi cu Dimitry Peskov nih a chim ṭhannak ah a langhter. “Ramchung himnak kan ruahmi a um, Nuclear hmannak a ruang zapi te zong kha ruahcia a si” tiah a chim.
“Kan ram himnak dirhmun tlerhkhawn a si ahcun kan i ruahcia ning tein Nuclear hriam kan hman ko lai” tiah a peh. Russia i Nuclear hriam phu pawl cu a hlei khun in timhcia tein um ding ah President Vladimir Putin nih a luancia thla chungah nawl a pek hna.
Russia President nawl chuahmi ruangah Nuclear hriam phu pawl le Pacific chungah a ummi phu pawl cu raltuknak rian kan chiah hna tiah Russia Minister of Defense nih February 28 ah a chim tiah Interfax thawngzamh nih a langhter.
“Hlan liopi ah ruah ngam lo a rak simi Nuclear buainak rii chungah a phan ṭhan cang tiah” UN Secretary-General Antonio Guterres nih March 14 ah a chim. Ukraine chungah Russia raltuknak hi “Timhcia tein ṭha tein tuahmi a si” tiah Peskov nih CNN ah a chim.
Russia raktukning hi “hramhram thiltuahnak” aa karh chin tiah American President Joe Biden nih a chim. Ukraine chungah Chemical weapons le Biological weapons pawl hman ding in timhtuahnak a ngei tiah ralrin a pek dih hnu ah a tu bantuk in Peskov nih a chim hi a si. The Chinland Post
