Chinram, Ni 10 Chung Kahdohnak Ah SAC Ralkap Minung (40) Leng An Thi

Ni 10 chung Chin ramkulh kahdohnak ah SAC ralhraang 40 leng an thi, CNA ralkap pathum nunnak a liam. February 12, 2023/ February thla chung ah CNA, CDF komh le SAC ralhraang kar kahdohnak Chin ram hmun tampi ah a chuak i ralhraang lei in 40 leeg an thi, Chin ralkap CNA lei in pathum nunnak a liam i pahnih hma an pu tiah CNF nih a thanh.

CNA Brigade -1 hmun a si mi Matupi le Rezua kar, Zotung ram chung ah February 4 thawk in Council ralhraang hna le CNA, CDF-Matupi, CDF-Zotung, CDF-Mara komh ralkap hna karlak ah ni ruk chung kahdohnak a chuak i SAC ralhraang 40 nak tlawn lo an thi, 20 leng hma an pu tiah an langhter.

CNA Brigade-3 hmun chung a si mi Thantlang khua chung zong ah Council ralhraang paruk cu a nung in an tlaih hna leng ah Ralhraang pawl umnak Palek Sakhan le Uknak Zung zong CNA le CDF-Thantlang nih an lak khawh.

Riahcaw a phor mi CNA le CDF-Hualngoram ralkap pawl cu February 4 , CNA Brigade-4 hmun chung um Laitui khua pawng ah Ralhraang Council hnuzul Zomi Revolutionary Army (ZRA) nih an rak bawh hna caah kahdohnak a chuak. Cu kahdohnak ah cun Ralhraang hnuzul ZRA in pakhat a thi i pahnih hma an pu.

A cunglei langhter mi kahdohnak pawl ah cun Council ralhraang le a hnuzul ralhraang 45 nak tlawm lo an thi i hriamnam zun 50 leng kan lak khawh tiah an langhter. Hi chung ah CNA ralkap pathum nih ram le miphun caah an nunnak an pek ve.

February 1 in 12 tiang Thantlang peng chung ah Ralhraang Council nih vanlawng in kahdohnak a tlawm bik ah voi 10 a tuah leng ah Hakha Rungtlang ralkap umnak in Thantlang lei ah hriamnam ngan zong a kah lengmang tiah an thanh. Photo: Thantlang Palek Sakhan laak kahdohnak ah Chin ralkap hna laak mi ralhraang hriamnam pawl #TheHakhaPost

၁၀ ရက်တာ ချင်းပြည်နယ်တိုက်ပွဲတွင် စကစတပ်ဖွဲ့၀င် ၄၀ဦးကျော်သေဆုံး၊ CNA ရဲဘော် ၃ဦးကျဆုံးပြီး စကစလက်ပါးစေ ZRA နဲ့လည်း တိုက်ပွဲဖြစ်ခဲ့/ ဖေဖော်၀ါရီ ၁၂၊ ချင်းဂျာနယ်/ ဖေဖော်၀ါရီလအတွင်း CNA၊ CDF ပူးပေါင်းတပ်ဖွဲ့နဲ့ စစ်ကောင်စီတပ်ဖွဲ့အကြား ချင်ပြည်နယ်နေရာအနှံ့တွင် တိုက်ပွဲဖြစ်ပွားခဲ့ပြီး စစ်ကောင်စီဖက်တွင် ၄၀ဦးကျော် သေဆုံးပြီး တော်လှန်ရေးပူးပေါင်းတပ်ဖွဲ့ဖက်တွင် CNA ရဲဘော် ၃ဦးကျဆုံးကာ ၂ဦဲး ဒဏ်ရာရရှိကြောင်း ချင်အမျိုးသားတပ်ဦး CNF ကထုတ်ပြန်ပါတယ်။

CNA တပ်မဟာ (၁) နယ်မြေ မတူပီမြို့နယ်၊ ဇိုတုန်ဒေသတွင် ဖေဖော်၀ါရီ ၄ရက်နေ့မှ စတင်ကာ စစ်ကောင်စီတပ်ဖွဲ့နဲ့ CNA၊ CDF-Matupi၊ CDF-Zotung၊ CDF-Mara ပူပေါင်းတပ်ဖွဲ့အကြား ၆ရက်တာ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့၀င် ၄၀ဦး ထက်မနည်းသေဆုံးကာ ၂၀ဦးကျော် ဒဏ်ရာရရှိကြောင်း ဖော်ပြထားပါတယ်။
CNA တပ်မဟာ (၃) နယ်မြေ ထန်တလန်မြို့တွင်လည်း စစ်ကောင်စီတပ်ဖွဲ့၀◌င် ၆ဦး အရှင်ဖမ်းမိသည့်အပြင် စစ်ကောင်စီရဲစခန်းနဲ့ ထွေအုပ်ရုံးတို့ကို CNA နဲ့ CDF-Thantlang က သိမ်းပိုက်ခဲ့ပါတယ်။

ဖေဖော်၀ါရီ ၄ရက်နေ့တွင် CNA တပ်မဟာ (၄) နယ်မြေ Laitui ရွာအနီး ရိက္ခာသယ်ဆောင်သော CNA၊ CDF-Hualngoram တပ်ဖွဲ့၀◌င်များကို စစ်ကောင်စီလက်ပါးစေ Zomi Revolutionary Army (ZRA) က ချုံခိုတိုက်ခိုက်ခဲ့ရာတိုက်ပွဲဖြစ်ပွားခဲ့ပါတယ်။ အဆိုပါတိုက်ပွဲတွင် စစ်ကောင်စီလက်ပါးစေ ZRA မှ တစ်ဦး သေဆုံးပြီး ၂ဦး ဒဏ်ရာရရှိခဲ့ပါတယ်။

အထက်ပါတိုက်ပွဲများအတွင်း စစ်ကောင်စီတပ်ဖွဲ့နဲ့ ၎င်းတို့ရဲ့လက်ပါးစေတပ်ဖွဲ့များဖက်တွင် ၄၅ဦး ထက်မနည်းသေဆုံးပြီး လက်နက် ၅၀ ကျော်သိမ်းဆည်းခဲ့ကြောင်း ထုတ်ပြန်ချက်တွင် ဖော်ပြထားပါတယ်။

ဖေဖော်၀◌ါရီ ၁ရက်နေ့မှ ၁၂ရက်နေ့အထိ စစ်ကောင်စီက ထန်တလန်မြို့နယ်ထဲတွင် လေကြောင်းတိုက်ခိုက်မှု အနည်းဆုံး ၁၀ကြီမ် ပြုလုပ်ခဲ့ပြီး ဟားခါးမြို့ဗျူဟာကုန်းမှ ထန်တလန်ဖက်ကို လက်နက်ကြီးများဖြင့် ပစ်ခတ်လျှက်ရှိကြောင်း ထုတ်ပြန်ထားပါတယ်။ #chinjournal

Thawngdang Relchap; PANGLONG BIACHAHNAK (5) LE PANGLONG HNATLAKNAK SACHUK (9) ပင်လုံမူ (၅) ချက် နှင့် ပင်လုံစာချုပ် (၉)ချက်/ Panlong Sachuk hnatlaknak hi phung (9) aum. Cu catlap cung ahcun 12 February 1947 ah senthuh a si.

Panlong Biachahnak (5) aum. 8,9 February 1947 ah meeting an tuah i, lungtlinnak le biachahnak (5) an ngei. Cuhnuah Panlong Hnatlaknak caah senthuhnak an ngei. Mah biachahnak hi Panlong Sachuk caah a Hrampi asi. Cucu Panlong Muu. ပင်လုံမူ ti asi.

Chin Miphun kan politic (ramkhel) i, a muru le a Hrampi asi caah mah kong hi kan theih a herh tuk. PINLUNG MEETING BIACHAHNAK (5) Feb 8-9, 1947 (ပင်လုံအခြေခံသဘောတူချက် မူ (၅) ချက်) (1) Kawl le Tlangcungmi Tlukruan Cikcek nak, tinvo / Covo hmuhnak le Nawlngeihnak ah Democracy Phungning tein a um lai.

(2) Acozah Council (EC) ah chungtel asimi Shan le Kachin Kuzale hna nih anmah an ram le an miphun caah ṭuanvo lak in rianṭuannak nawl an ngei lai. (3) Myitkyina le Bhamo district cu Kachin Hill he fonh in Kachin Ramkulh (Kachin State) serpiak ding asi lai.

(4) Kawl le British cozah nih an tuahmi Aungsan-Attlee hnatlaknak sachuk cu Shan le Kachin he pehtlaihnak a um lai lo.(5) Zalonnak (Independence) kan hmuh hnu ah Kawlram (Burma Union) in chuah kan duh ahcun Zeitik poah ah chuahnak nawl kan ngei lai.

PINLUNG HNATLAKNAK SACHUK (9) Feb 12, 1947 (ပင်လုံသဘောတူစာချုပ် အချက် (၉ချက်) (1) Tlangcung miphun le ram kong he pehtlai in tawlreltu caah anmah Tlangcungmi Phu nih anmah chungin Kuzale pakhat an thim lai i, Mangkibawi nih Tlangcungmi Ruahnak Petu (Counsellor) tiah a fehter lai i Cozah EC chungtel asi lai.

(2) Ruahnak Petu (Counsellor) cu Mangkibawi i EC (Governor’s Executive Council) ah Vuanci Ministry a ngei lomi Vuanci (Minister) pakhat a si lai. Defence (Kakuaizi) le Ramdang kong (Foreign Affair) cu Upadi suai i, Cozah (EC) nawlngeihnak tangah a um lai. Tlangcungmi kong he pehtlaihin Ruahnak Petu Vuanci sinah nawlngeihnak le uknak cu pek a si lai.

(3) Ruahnak Petu Vuanci a bawmhtu caah amah miphun asi lomi Tlangcungmi chung in aiawhtu minung 2 an um lai. Vuanci a Bawmhtu pahnih hna nih anmah miphun le ram kong an tawlrel lai i, adang miphun le ram kong ahcun Ruahnak Petu Vuanci nih a tawlrel dih lai. An pathum tein phunglam Upadi ningin rian rianṭuan ṭinak an ngei lai.

(4) Cozah Executive Council (EC) meeting ah tlangcungmi aiawh in a ṭhu khomi Kuzale cu Ruahnak Petu Vuanci lawng a si ko nain, tlangcungmi kong he pehtlaihin ceihhmai ding a um ahcun Ruahnak Petu i a bawmhtu 2 zong meeting ah an i tel kho ve lai.

(5) A cunglei hnatlaknak bantukin Cozah Executive Council (Governor’s Executive Council) cu chapchin i karhter a si lai. Sihmanhsehlaw Tlangcungmi uknak kongah siseh, Tlangcungmi nih atu an hmuhmi Mahte i uknak a rawhnak ding in hnursuannak cu zei bantuk kong ruang hmanh ah hi Council nih hin a tuan lai lo. Tlangcungmi hna nih Mahte i uknak le Nawlngeihnak cu phungningin an hmuh dingah kan hna a tla.

(6) Union of Burma chungah Kachin State cu ramri serpiak i, amah pumpak State dirh dingin Hlutdaw (Constituent Assembly) nih biachahnak a tuah lai. Sihmanhsehlaw Kachin State ser ding cu hnatlak cia asi ko caah, hi thil a tlin khawhnak dingah Burma Act 1935 (2) phunghrampi ningin Myitkyina le Bhamo district he pehtlaihin tlangcung mi Ruahnak Petu Vuanci le a bawmhtu pahnih he biaceih khuakhannak an ngei lai.

(7) Tlangcungmi hna nih Democracy ramdang hna nih an hmuhmi Tinvo/Covo le nawl Zalonnak hna cu an hmu ve hrimhrim lai.
8. Hi hnatlaknak kan tuahmi Sachuk nihhin Shanram (Federated Shan state) nih an mah nawlngeihnak in an hman cuahmah mi Ngunkhuai Tangka kongah zeihmanh hnuarsuannak a pe lai lo.

(9) Hi hnatlaknak sachuk nih Burma rampi Ngunkhuai chungin Kachin ram le Chin ram nih an hmuh dingmi covo bawmhnak cu hnahnawhnak a pe lai lo. Shanram (Federated Shan Stated) le Burma nih tangka tawlrelnak ah an i pehtlai bantukin, tlangcungmi dang he i pehtlaihnak ding caah Cozah EC, Tlangcungmi Vuanci le a bawmhtu pahnih hna zohfelnak ṭuanvo an lak lai.

AUNGSAN NIH A KAA IN BIAKAMNAK ATUAH MI (1) Kawl nih fangkhat kan hmuh ahcun Tlangcungmi zong nih fangkhat nan hmuh ve lai. (2) Kawl he kum 10 khuasa ṭi uhlaw nan duh loahcun ram in nan chuak khawh. (Mah bia hi 1947 Phunghrampi ah an tial chih) Credit: Jacob R. Thang.