Press "Enter" to skip to content

Chinramkulh khuapi cu CNA le CDF nih an lak khawh mi a um lo

Chin ramkulh ah biatak tein kahnak a chuah hlan a rak si. Mindat lei tu ahcun kahnak fak ngai a rak chuah cang i biatak tein buainak a rak chuak.

Cu lio ahcun nih CNF hruaitu Dr. Sui Khar cu https://www.facebook.com/vaurawngzuunthli/interview an rak tuah i Chinram laknak kong cu a rak chim bal. Chinram ahhin biatak tein phomh ko usihlaw tiah cun zarh hnih ah fawi tein kan lak khawh lai tiah a rak chim bal.

Hakha belte khi khuapi a si caah kan i harh bak kho men. A dang khuami pawl hi cu fawi tuk in kan lak lai. 123 bak ah kan lak khawh lai tiah a rak chim. Mah cu hnu cun Dr. Sui Khar hi interviewed an tuahnak a um ti lo.

Chinram chung ah ral a thawhnak hi thla thla 5 hrawng asi cang. Chak lei Chinram Hakah le Thantlang, Falam peng ah raltuknak a chuah i a thlawm bik thla thum tluk hrawng a si cang.

Chinramkulh khuapi cu CNA le CDF nih an lak khawh mi a um lo nain Chin ramkulh khuate dihlak cu CNA le CDF uknak tang ah a um dih cang. Khuapi lawng ah kawl ralhrang hi hmun an khuar cang i khuate ahcun an kal i an um ngam ti lo. NUG nih raktuk thawhnak a rak thanhnak zong a sau ngai cang. Thantlang khuapi mipi nih an chuahtaknak zong a hung sau ngai cang.

Kawl ralhrang hi an rak tam tuk ve pinah an hriamnam a rak that tuk caah hriamtlai nihcun fawi tein tei khawh an rak si bak lo timi a fiang. Sinain ralhrang nihhin uknak an tlai kho taktak lo. Chin ramkulh hna ahcun uknak lei ah zei hmanh an tlaih khawh mi a um lo. Khuapi chung ah meithal he an um caah tlunkalnak lam lawng hi mipi an kan kham khawh mi a si. Credit-Thechinstar

A Dang Dr. Sui Khar Interviews An Tuahnakj Link >><<< https://www.facebook.com/thantlangtufa/videos/1107709889818400

CDF Mara nih 2022, October 3 ni ah MATC/MDF phu nih a thli tein an kah hna kong cu tu naite kha cathanh an chuah. An cathanh chuahmi cu a tanglei bantukin aa tlak ning in kan van leh chin.

Thawngthanhnak: 2022 kum, October 3 ni ah MATC/MDF nih CDF – Mara ralkap pawl cu a thli tein an ngiar i an kahmi kong ah CDF – Mara nih a tanglei bantukin cathanh kan chuah.

1nak. 2022 kum, October 3 ni ah CDF- MARA headquarter in Tatmaha (2), No. (3) Tatzin ah hriamnam ken loin (mipi thuam he) a rak kir thanmi CDF – Mara ralkap hna cu MATC/MDF nih a thli tein an ngiar in an kah hna.

2nak. MATC/MDF nih a thli tein kah a tongmi kanmah CDF – Mara ralkap hna cu hriamnam an i ken lo caah an kah ve khawh ti lo i, him tein hnu an tolh kho.

3nak. 2021 kum, March 25 ni zong ah MATC/MDF nih hriamnam aa ken lomi CDF – Mara Tatkhuaihmu (Palek CDM) an thah pinah, Commander in Chief (စစ်ဦးစီးချုပ်) le adang ralkap pakhat (an dihlak CDF – Mara ralkap 3) hliamhma an tuarter bal cang i,

Atu zong CDF – Mara ralkap hna cu timh ciammam in a thli tein an ngiar i an kahmi cu CDF – Mara nih a herh ning in lehrulhnak kan tuah lai tiah thawngthanhnak tuah kan duh. (A tanglei ah Kawl ca in an tialmi fiang deuh in rel chih khawh a si.) Chinland Defense Force – Mara

Be First to Comment

Leave a Reply

Your email address will not be published. Required fields are marked *