Myanmar ramsung buainak ah ralkap hnenih thuthang sim theutu dalan pawl hi an tihnung zet, anmai kut ihsin thisen tampi a luangsuak zo. Sagaing ramthenm, Chuang Oo khua, Myoma Bu-Tay veng sungih um fala pakhat cu dalan tin a hminthang zet ih an kap that. Kum 26 mi Mah Hnin Htet Way cu Ciang Khaing Zi party (USDP) party ruhkol a si.
2020 kum hrilawknak khalah USDP party hrangah nasa zetin arak cangvai rero. Ralkap in thuneihnak an lak hnuah mipi pawl ih cangvaihdan/tumdan pawl cu ralkap hnenah arak sim thup theu.
September 20 sun ah a thilzuar lai cu zo ti theih lo mi 2 in meithal in vei 4 an kap, kiangkap um pawlin siizung ah an tlanpi hngal nan lamlak ah a hliamhma tuar loin a thi. “Fala nute cu sun nazi 2:00 hrawng ah an kap that, dalan tin a hminthang. Ziangti vekin dalan a tuan ti cu ka thei lo” tin tualsung mi pakhat in media hnenah a sim thei. Credit : Meifar
Be First to Comment