Kanbalu Ah Chungkhar Minung Pa 8 Meithal In Kahthah An Tong!! Kanbalu pengkulh ah hngakchia minung pa 3 tel in aa hngilh ko mi chungkhhar minung pa 8 meithal in kahthah an tong, tiah theih a si. Nihin January ni 14 (zing lei tuan deuh), Sagaing ramthen, Kanbalu pengkulh, Nga Hmiang (ငါးမြှောင်) khuate ah a tubantuk in meithal in kahdoh an ton hi a si.
Zing lei tuan deuh ah min theih lomi hriamtlai phu hna nih Kanbalu pengkulh, Nga Hmiang (ငါးမြှောင်) khuate ah a um mi chungkhar khat hna cu an i hngilh lio ah meithal in a kah hna caah an chungkhar ning in an nunnak a liam dih, tiah theih a si.
“Thil sining dik a sii ko. Mizaw dang kan thlah hna lio caan a si caah Va kal in an ruak kan la kho hna lo. An theih hngalh mi phu hna nih an ruak cu an laak hna. An ruak cu Kanbalu pengkulh Mipi siizung ah an chiah hna.” tiah Kanbalu hrambunh mibomchantu phu in minung pakhat nih a chim.
Meithal in kahthah ruangah Kum (6) hngakchia pakhat, Kum 13 le kum 15 a si mi hngakchia pa 3, Cu upa le tar tel in nu le pa minung pa 8 hna cu meithal nih a khen hna caah a tubantuk in an nunnak a liam hi a si. Thisining kong he pehtlai in sualngeitu hna cu tlaihkhawh nak hnga dingah zohfelnak an tuah cuahmah lio a si, tiah kan theih. Credit: Everything
SAC Ralhrang Ramchung Vuanci Soe Htut Hruaimi A Thlithup In Ceihhmaitinak An Ngei!! American ii Burma Act, UN Security Council biachahnak, China-ASEAN, G-7, G-20 hna i Pressures pawl ruangah hinak in a har deuh kho, tiah Ralbawi Khun Thant Zaw Htoo nih a chim.
American ii Burma Act, UN Security Council biachahnak, China-ASEAN, G-7, G-20 hna nih Pressure (ဖိအား) peek ruangah SAC ralhrang caah hinak in a har deuh kho ii sahrang thil tuahnak pawl zong a karh khawh deuh nak kong cu Ramchung vuanci Soe Htut (စိုးထွဋ်) hruai mi hna nih a thlithup in ceihmaitinak an ngei, tiah kan theih.
Naypyidaw, Myanmar Polices phu, Arinama Hall (အရိန္နမာ ခန်းမ), December ni 23 ah tuah mi Sahrang dohdalnak Cenhral phu ceihmainak No.1/2022 ah ceihhmaitinak an ngeih nak kong cu, theih a si.
Cu ceihhmaitinak cu Ramchung vuanci Soe Htut hruaimi hna nih an tuah ii Ramkulh, Ramthen, Police bawi pawl, Departments kip in minung (55) an kai ko hna. Cu ceihmaitinak ahcun ramri kongkau Deputy Minister General si mi Khun Thant Zaw Htoo nih, Atu dirhmun pawl kan zoh a siahcun G-7,G-20 tonbiaruahnak in a ra mi a phichuak pawl, ASEAN-China in a chuak mi a phi chuak pawl ningin Myanmar ram chungah Sahrang thiltuahnak a karh deuh kho, tiah a zumh nak kong, American ram nih biachahnak a tuah cang mi Burma Act, UN nih nawlnawk le ASEAN hna ii Pressure ( ဖိအား) ruangah hinak in a har deuh khawh nak kong, a chim.
General Khun Thant Zaw Htoo nih Atu ah PDF, NUG hna he pehtlai mi pawl, Sahrang thiltuahnak pawl he aa pehtlai mi pawl cu a zizut a si hnu ah luatnak nawl peek lo ding timi Upadi biatung tuah khawh a siahcun rikhiah mi pakhat tiang cu zohkhenh khawh a si lai tiah a zumh nak kong telin ruahnak biatung pa 4 cung lei ah a chuahpi, tiah theih a si.
Cu tonbiaruah ceihhmaitinak ah SAC ralhrang hna nih mipi pawl cu hinak rengh kharkhumh ding timi cu ruat in tuanvo laak ding timi Point pawl zong aa tel tiah theih a si. #everything
Be First to Comment