CNA/CNF Upa Thantlang Peng An Tlawng Rian Ngeitu Cheukhat Hna He Ton Biaruahnak An Ngei Kho Hna
CNF/CNA in ṭuanvongeitu upa cheukhat hna cu Thantlang peng an tlawng i rianngeitu cheukhat hna he ton biaruahnak an ngei kho hna, tiah theih a si.
CNF/CNA upa hna Thantlang peng an va tlawn ah hin a biapi bik in tlangkip in CDF hruaitu hna le Khua-upa le Zatlang ukhruainak rianngeitu hna he biaruahnak an ngei kho, tiah theih a si.Tlangkip an tlawnnak ah mah tein sianginn ai on mi khua hna ah rianṭuantu CDM cachim hna le volunteer hna sin ah thazaang peknak le forhfialnak bia an va chimh hna.
Thantlang peng khuapi bik Thantlang cu khua mi nih an chuahtak hnu in SAC ralkap le Chin ralkap lawng an um cang i khuachung inn 1100 leng SAC ralkap nih an khangh cang nain Thantlang peng khuate dihlak ah cun Chin National Flag hmai ah ‘A hme ram laitlang’ ti mi hla an sa i Mizapi ukhruainak tang ah an um cang, tiah theih a si. Crd the chin post
relchap…Karenni Kahdohnak Ah SAC Ralkap Nih Multiple Rocket Launcher System(MRLS) An Hman: Karenni peng kahdohnak ah SAC ralkap nih Multiple Rocket Launcher System(MRLS) an hman, tiah SAC ralkap thawngzamhnak nih Yangon Khit Thit ah a chim. SAC nih Karenini ramkulh an uk khawh nakhnga biatak tein ṭan a la i, Senior Lieutenant General Soe Win he Operation an tuah cuahmah.
Teinak an hmuh khawh nakhnga hramngan le vanlawng in an kah hna pinah Multiple Rocket Launcher System(MRLS) hmannak nawl zong pek a si i, MRLS phortu motor 3 cu Karenni ramkulh a phan i kahdohnak ah hman an si cang, tiah SAC ralkap thawngzamhnak nih a thanh.
“SAC ralkap nih Nanmae Khone(နန်းမယ်ခုံမြို့) an kan lakpiak hnu March 13 an Dawngankha(ဒေါငံခါး) khua an kan lakpiak ṭhan. Kahdohnak ah hin kanmah lei in hliam faak a tuar mi an um. Cucaah mipi nih nan si khawh tawk cio in kan ralkap hna hi rak bawm hram hna u,” tiah KNDF batallion-1 nih nihin March 13 zinglei ah thawng an thanh.
SAC ralkap nih Dawngankha khua cu nizaan March 12 zaanlei le nihin zing lei hriamngan in an kah i, inn zong an khangh lengah Sianginn, Biakinn le mipi inn tampi an rawk, tiah theih a si. KNDF ralkap hna cu February 24 ah Nanmae Khone in an rak chuak cang i nizaan March 12 ah Dawngankha khua zong an chuahtak ṭhan, tiah theih a si.
