Press "Enter" to skip to content

CNA/F Bia Tak Tein An Van Cawlcang Taktak Cang

Chinram Ah CNA/F Kuttang Ah Cacawnnak Tuah Asi Cang Thantlang peng hmun zeimaw ahcun Chin National Flag puanlaang thlai in cacawnnak an tuah thluahmah cang tiah theih asi. Chinram ah CNA/F kuttang ah siangngakchia a thong leng nih ca an cawn cang. Credit; The Independent Post

No description available.

Relchap; Ralhrang nih phungning lo in mipi an tlaih hna i thong an thlak hna caah thongtla an tamtuk i eiding an har cang, tiah theih a si. An rawl a karh deuh nakding ah facang le pee an chumhmi hna cu soda tamtuk an telhpiak hna tiah ramkhel lei thongtla cheukhat hna chungkhar sin in theih a si.

Kayin ramkulh, Pha-aan (ဘားအံ) peng thonginn ah, zinglei rawl ca ah buh le tisa-sen(ရေနွေးကြမ်း) lawng an pek hna, tiah theih a si. Cun, a thla in a rau cang i a buar cangmi hmathak le pee hna cu an chumhpiak hna, facang le pee cu mitampi nih eikhawh ding in le a karh khawh nakding ah soda a hleihluat tuk in an hman.

Myanmar's military -- an identity problem - Nikkei Asia

Thongchung a lutmi ca hna zong ralring deuh tein checkhlatnak an tuah hna i thongtla mi hna chung in zung chuah checkhlatnak a um tik ah sih-ni ca zong ah luhchuahnak nawl an rengh hna, tiah ramkhel lei thongtla pakhat nih a chungkhar sin a kuatmi caṭial ah a langhter. Cu cakuat cu Yangon Khit Thit Media sin ah a phan ko nain ramkhel lei thongtla ca kuatu a himnak ding ah cu caṭial cu langhter a si lo.

Cun, Yametin (ရမည်းသင်း) thonginn zong ah ramkhel lei in thongtla mi hna cu thonginn nawlngeitu hna nih faak tuk in an hrem hna, phaisa lei ziknawknak zong a tam, tiah theih a si. “Yametin (ရမည်းသင်း) thonginn ah assistant superintendent Naing Naing Tun cu phaisa a ei taktak,

Olivia Cable: Myanmar's military marches on, for now - Nikkei Asia

Amah umnak a phanmi hna cu phaisa a hal hna i an pek lo a si ahcun toilet pawng ah a ihter hna, phaisa an pek a si zong ah an pek lio caan lawng ah a ṭha i an pek ti lo a si ahcun an cung ah a nawlngeihnak a langhter. Thongtla mi hna chungkhat pawl cu phone chawnh in phaisa a hal hna, toilet pawng an ih lo nakding ah 50,000 mmk in 150000mmk tiang pek a si.

“Cun, thongtla cu hrem zong an tong tuk, phungrelnak caang poh-mah 505 in tlaih a tong mi hna zong phaisa an pek lo ahcun hrem an tong. Cuka thonginn(အကျဉ်းထာင်) ah a tla mi hna cu u-pa-di ning ah hremnak nawl a um lo, nain hrem an tong ṭhiamṭhiam ko,” tiah ramkhel lei thongtla chungkhar pakhat nih thil sining cu a chim.

Myanmar's military -- an identity problem - Nikkei Asia

Ralhrang phu hna nih nawlngeihnak la in, ralhrang uknak a dohtu mipi 10,000 leng cu phungning lo in an tlaih hna hnu ah thong(အကျဉ်းချ) an thlak hna, tiah checkhlatnak a tuahtu hna cathanh chuahmi ning ah theih a si. Khit Thit Media, the chin post

Be First to Comment

Leave a Reply

Your email address will not be published.