CNA/F Pasaltha Hna Nih Ralhrang 7 An Tleih

CNF/A nih nihin March 2, 2022 ah SAC ralhrang minung(7) kan tlaih hna tiah Salai Aik Thawng Hwan nih a langhter mi chung in hmuh khawh asi. An tlaih hna nak a hmunhma le thil sining dikthlir taktak cu tlamtling in a langhter ve rih lo. Hi kong he pehtlai in Salai Aik Thawng Hwan nih “Nihin ah

SAC ralhrang nih an rak tarh mi Bomb pawl thianhhlim nak kan tuahnak ah Bomb in an rak kan chep tu Khah-Mah-Ya Tazin chung in SAC ralkap minung (7) kan tlaih khawh hna. Zeitin in kan tuah hna ahdah a that bik lai tiah nan ruah mipi hna” tiah a pumpak social media in a tarlangh hi asi.

Salai Aik Thang Hwan hi CNF/A ralkap, Training petu zong ah hman mi le Sergeant pakhat a si tiah a mah kong a theitu nih an kan chimh ning a si. CNA Ralkap pakhat nih a pumpak social media cahmi in a tarlangh mi cu a dik ko lai timi zumhnak he kan rak tarlangh chin ve hi asi.Cun nihin March 2, 2022 thiamthiam ah khan Laitlang zong ah kahnak a chuak.

cu Dokthek khua zong SAC ralhrang nih an khangh e tiah atu nai ah thawngpang theih tthan a hun si. CNA nih Ramthlo le Dokthek kar ah SAC an kah hna hnu ah ralhraang pawl cu an lan i Dokthek khuachung lamkam inn an khangh tiah thawng kan theih. Hi kong he pehtlai in, “Mipi lei nih Bomb in an thuat hna hnu lam an remh i an lan.

Dokthek an phak ah lamkam i inn an khangh pah thluahmah. Atu tiang thawng kan theih ning ahcun inn nga hi a ciam cang. A dang inn zong a kaang cuahmah rih ko,” tiah min langhter duh lo pakhat nih The Hakha Post ah a chim ve hi a si. Ref; V.O.M

Pyay Ti Oo, Eaindra Kyaw Zin, Lu Min, Paing Takhon, Director Wine le Ma Win Min Thant hna cu tuni kan thlah hna lai tiah Zaw Min Htun nih a chim. 2022 March 2 – Ariticle- 505A in thong kum 3 cio thlak dingin biakhiah a simi Academy Pyay Ti Oo, Eaindra Kyaw Zin, Lu Min, Paing Takhon, Ma Win Min Thant le naite ah an tlaihmi Director Wine hna cu March 2 ah kan thlah hna lai tiah Major-General Zaw Min Htun nih BBC ah a chim.

Zei bantuk ni sunglawi hmanh um loin an thlah sawhsawh mi hna a si i zeiruang dah an thlah hna timi fiang te’n chim loin chuahnak nawl (amnesty) in kan thlah hna tiah a chim. Tuni kan thlahmi hna ah Malaysia mi pakhat zong aa tel tiah a chim chap. Tu an thlahmi hna ahhin hlasa thiam PoPo le Ye Htike bel an i tel lo tiah theih a si.

Hlasa thiam PoPo zong Article-505A in thong kum 3 tla dingin biakhiah a si i Ye Htike zong a dang sualphawtnak pakhat a tong chap tiah BBC nih a langhter. The Chinland Post