CNA Le CDF Kan Pasaltha Hna Nih Thantlang Ah SAC Ralkap Vanlawng Eidin Phor Drone In An Kah I A Khu Cuahmah Thang Cang Ko Hi
Thantlang SAC Battalion Sin Ah Eidin A Phor Mi Helicopter Drone In An Doh Ṭhan. 2023 March 7 — Chin ramkulh, Thantlang khua ah hmunhma a khuar mi SAC battalion sin ah SAC Helicoter nih eidin a va chanh hna lio ah CNA/CDF phufonh in Drone in an doh ṭhan caah Helicopter cu a khu he aa kir tiah CNF biachimnak nawl a ngeitu Salai Htet Ni nih a fehter.
February 26 zong ah cu bantuk in Thantlang hrambunh SAC Battalion sin ah a kal mi Helicopter cu Drone in an rak doh i Helicopter cung in an thlak thilri pawl a puah caah a kaang. March 3 zaanlei ah zong ah Thantlang lei ah a kal mi SAC Helicopter a khu he a kir ṭhan tiah Hakha khuami hna nih an chim.
Cu kong he pehtlai in CNA biachimnak nawl a ngeitu Salai Htet Ni nih “Kanmah nih kah mi siloin Helicopter a ṭum lio ah Drone in bom kan thlak, cu bantuk in bom kan thlak hnawh hna hnu ah a khu he an kir colh. An thlak mi thilri cheukhat a kaang mi a um.
Meikangh lio ah a puak mi hna a um caah an hriam pawl a kaang lai tiah ruahdamh khawh a si” tiah People’s Spring ah a chim. Cu Helicopter cu Hakha khua aphak hnu a thaizing ah a kir ṭhan tiah theih a si. The Chinland Post
CHIN (Lai)MI KAN MEN TI LO. Chin Laimi kan Men ti lo ka ti tik ah,.Phor hlawrt nak si loin. Pathian thawng in kan Men ti lo ka ti duh nak Asi.
Chin Miphun cu, Atu kan um nak.Chinram ah,Kum za nga (500) reng lo, kan rak um, Mah le carei cio Mah le phun hoih in,. khua bawi cio nih rak uk Arak si,.Lam le sul le ca zong ngei loin, Muih nak chung ah kum za nga chung kan rak um, kum zabu, 18 dongh lei ah, Mirang an rak kai, Mirang nih kan Nun khuasak le kan hmun ram an zoh leng mang tik ah, Pathian nih Aphilh mi ram Asi ko lai ti tiang in an rak ti,.
Miphun dang zong nih Uk duh ding in kan rak um loh, Zei ruang ah ti ah cun, an caah san tlaih nak ding Arak um lo caah an rak kan uk duh lo, Mirang tu nih kan ram an duh si loin, kawlram le India ram khacer Lam in peh tlaih nak an duh caah, Chinram cu Mirang nih an rak kan uk bia Adi, Miseh hmang le Misa ei Miphun men ah an rak kan ruah..
Kan siangbawi te an rak phak ka ii,kolh zong kholh lo in kan rak um tik ah kan rim Arak nam, siang bawi nu nih Akan zoh tik ah Alung Arak dong tuk, 18-19 Century tiang i hi bantuk Miphun um ve cu Arak ti, Halkha an phak zan ah Alung Arak dong tuk caah, kan um kho lai lo mah hi hna Miphun sin ah cun Arak ti phah ti si.
Kawlram Independence kan rak hmuh hnu pi tiang, Chin miphun cu. Miseh hmang Misa ei phun ah an kan ruah, ka hawi pa nih Capo phun in Arak chim mi cu, kan hngak chiat lio i chimh kan ngaih lo ah cun, kan Nule kan pa nih, Chin pa pi Ahong lai le an seh lai tiah An rak kan țhih tawn tiin capo phun in Achim le, ka lung chung in ka lung Afaak ziar..
Kawlram chung Hriam tlai vial te lak ah, CNF/A cu, MinAung hlang nih cun, Zei te ah Akan rel lo. Asi nain Atu ah cun, Akan buai pi cem mi Hriam tlai kan si ve cang, Cu zong cu kan biak mi Pathian thawng in Asi ko..Goliat tei tu David bang, Kawl ralhrang tei tu. Chin ralkap kan si te ko lai. Lung dong lo le, Pathian zoh buin ralhrang do ko hna Usih.
Cu ti cun, Miphun dang nih an kan Neh sawh tawn. Kum 2000 hnu 21 Century hnu cun, kawlram chung ah Chin Miphun Min thang kan hong chuak ve cang,.kawlram chung Music tum thiam Band (တီးဝိုင်း) hmanh ah Alar taktak mi Chin mi chungah Atum ve mi, Tedim kan Unau An um, Hlasak thiam ah, SungTin par le le Adang Minthang Ester DawtChin sung,
David Lai Benjamin sum le Actress Muidawh lei in, ThetMon myit te pawl le Atu lio Kawlram chung Ramrian Politics lei ah Alar bak mi, Dr.Salai Lian Sakhong le Dr.SaSa te hna thawng in, kawl ram Mipi nih cu hlan ah rak nek tuk mi Chin mi phun cu, An kan cawi sang Akan zoh cho tuk ve cang..
Atu lio le bang cu, “We are the Wold” ti mi hla Coversak nak, Chin tube tawl rel nak thawng in, kawlram chung Miphun vial te lak ah, Vawlei pi theih mi Chin Miphun kan si cang,.kawl Miphun hmanh nih Aar ko in an kan zoh cang ko hih! (An hla chung ah.
Rap phun in kawl le Lai bia fang hman in an tuah mi hrim khi Lung Ahmui tuk) Cu zong cu, Pathian thawng in Asi..kei mah zong Music hi ka rak Uar tuk ve, Atu i an sak mi khi. ka zoh tik hna ah, ka khua ruah lei tu Ahar ve hi tluk in maw Pathian nih Chin Miphun Akan cawi san ka ti..An thiam kho taktak si..Chin tube dirh tu Bawi Țha par hrim cung ah Pumpak in kai Lawm tuk, CHIN TUBE zong Pathian nih lam hruai ko hna seh..
Miphun dang nih Neh sawh (Neek) mi si hmsnh seh law. Goliat tei tu, David bang, Kawl ralhrang tei tu, CNF/A le CDF kan si te ko lai tiin. SangLing Thantlang
