Press "Enter" to skip to content

CNA Le ZRA Karlak Ah Kahdohnak A Chuak Caah CNA Ralkap Pakhat Nunnak Liam,ZRA Hi Thah Dih An Si

Chin ramkulh Tidim peng chung India ramri ah CNA le ZRA karlak ah March 23 zanlei sml 6:30-7:30 tiang kahdohnak a chuak i, CNA ralkap Salai Tuan Peng Lian nunnak a liam tiah tuzing ah thawng theih a si.

CNA tuanvo ngeitu pakhat nih “ZRA leikap ahcun thawnghrolh meithal deuh an hman, cun M 16, AK 47 tibantuk an hman. Minung 20 hrawng an um. Sakhan kan tuahnak hmun ah an kan luhhnawh” tiah a chim.
CNA le ZRA phu karlak ah kahdohnak vawi (2) a chuak cang. Nikum December 17 zinglei sml 3:00 ah Ngaw Sing khua pawngah a ummi ZRA phu cu CNA nih an kah.Crd: Zalen


relchap..Sagaing ramṭhen, Watlet peng nichuah lei ah SAC ralkap nih rallam an sial chin lengmang caah khua 5 in SAC ralkap thawngpetu minung 5 thah an tong, tiah tualchung mi sin in theih a si.

A luan cia ni zeimawzat chung ah Watlet peng nichuah lei kap ah SAC ralkap nih rallam an sial i, khua pawl zong an khangh hnu ah nizaan March 23 ah Aung Chian Ta, Tayiang(သရိုင်), Petagyi(ပယ်သကြီး), Tayatgyi(သရက်ကြီး) le Bintekung(ဘင်တဲကုန်း) khua in SAC ralkap sin thawngpetu minung 5 cu fimhlawm an si, tiah theih a si.

“Leirawitu an si pin ah pyosawthi chungtel an a si. Dohthennak tuah a si ka tein PDF le khua mi an tlaih tawn hnanak ah anmah pawl zong an i tel ve,” tiah tualchung mi nih an chim.

Tayiang khua ah thah a tong mipa nih hin thah a ton hlan ah SAC ralkap hna cu rak au in, Dalahkung(ဒလကုန်း) khua mipi vengtu ralkap le khua mi tlaihter ding in, lam a rak hmuhsak hna. Tayiang khua thah a tong mipa hi a ruak humtu zong an um lo, tiah Tayiang khua mi pakhat nih a chim.

SAC ralkap nih Sagaing ramṭhen cu internet an phih. Rallam zong an sial cuahmah i Watlet peng ah cun minung thazaang lawng siloin raltuknak tank zong an hman, tiah tualchung mipi vengtu ralkap hna sin in theih a si.Crd the chin post

Be First to Comment

Leave a Reply

Your email address will not be published.