Press "Enter" to skip to content

CNA+CNF Zei Nan Rel Lo Tel Ah A Riantuan Mi Hi Upat Khawh I Zuam

Dawr ngei tu pakhat nih ka hmai ah hitihin a chim ” CNA,CDF hi san nan tlai lo. Khuachung um mi kan thil a tlau dih, an lak dih. Nan kan zohkhenh piak ding a si ” tiah awlzang takkhin a zai len.

Ka nu na chim mi na palh lo. San kan tlai fawm lo cu teh. A mah bel nan thilri nakin minung nunnak a sung deuh ti hi thei. Nunnak tiang thap in raal a do mi nan ralkap hna nan thilri tiang va zohkhenhter timh cu a luan deuh lo maw? Thihri nunri karah cun maw nan thil cu kan zohkhenh hnga?

Hi kongah Khuapi nan chuak tak. Inn le lo nan zaam tak. Thil laak caan kan in pek ko hna. Thil lakah nan i thawh cio ko. A cheu cu mifir phun in a rak vak mi an um len ve hrim ko. An thilri si lo mi an lak len. Cutiang a cangmi thil kongah CNA+CDF nih an hnuzulh in kan dawi kho hrim hna lo. Uico ralkap tluk ceo laimi mifir zong an rak pawt ve. An phurh mi thilri zong ho te thil asi tiah zeitin kan theih khawh hnga? Fak deuh in khuaruah a hau.

Mipi pawl nih nan kan zaihnawh.Sual nan kan phawt. San an tlai lo nan kan ti.Uico pawl thilhrawh piaknak in mipi le mipi thilhrawh, fir piak nan i fahsak deuh. Nan phunzai deuh. Nan lungfaak deuh. Uico pawl nih thahnak in kan mah le kan mah hma i put ter kha a faak deuh ah kan ruah. Nunnak nakin thilri a biapi deuh ah kan chiah. Ngeihchiatawk ngai cu si.

CNA+CDF ralkap zei nan rel lo tal ah a tuan mi riantu hi cu upat khawh izuam.Nan lakkhawh ti lai lo ding nan thilri pawl hna zongkhi CNA+CDF nih rak hmang u ti zong nan ruat kho lo maw?Credit; Salai Elishama TN

Be First to Comment

Leave a Reply

Your email address will not be published.