CND Le CSD A Thleidannak _ Joseph R. Thang
CSD vs CND Aa Thleidannak. CSD Chin State Day Chin Ramkulh Ni. CND Chin National Day Chin Phunpi Ni. CSD cu Chin Ramkulh Chung ah khuasa liomi le a um liomi Chin miphun lawng a huap. CND cu Chin Ramkulh pin lei le Vawlei khuazakip ah Chin Miphun vialte ahuap dih. Ramkulh Chung, Ramchung le ramleng ummi Chin Miphun vialte a huap dih.
Chin Miphun vialte hi milurel ah 3 millions kan si ti asi. Chinram kulh Chung aum mi cu 500000 lawng kan si. CSD in tuak ahcun Chinmi tamdeuh I tel khawh asilo. Chin Miphun umnak hmunhma le ram hna cu: Chin State; Asho Chin – Magway ramthen; Kalay – Kabaw, Gangaw – Thiling- Caohthuh; Kachin ramkulh; Rangoon, Mandalay le Kawlram hmunkip ah; Bawmram – Chttagong Hill – Bangladesh; Ann Myone – Rakhine le Rakhine ram hmun dang ah; Rakhine ah Chinmi 250000 leng an um; India – Mizoram State – Manipur State – Naga State; Hilly regoin in Nepal; Malaysia, Singapore le ramthumnak;
Chin Ramkulh ah a ummi Chinmi nakin Chin ram pinlei aummi Chinmi hi a letin kan tam deuh. Cu caah Chin Phun pi Ni kha CSD tuah cu aa palh cikcek. Chinram kulh Chung lawng ah CND tuah zong aa palh bak ve. Chinmi kan umnak kip ah hlunghlai ngai in tuah ding mi asi. Burmanization ruang ah Chinram cu kawlram asi cang ti hmuhsaknak caah CSD Chin Pine Ni an Rak tuah hi asi. Pupa chan Kanram asimi Kalay – Kabaw; Gangaw – Thiling- Caohthuh cu kawl miphun nih anmah nawl tein an I lak. Kan pek hrim hrim hna lo.
AA le Rakhine nih Paletwa Chut an kan timh. Ann Myone an kan chut cang hi mu. CND hi voi hnih an thah cang nain an thah khawh lomi asi. CND thahtu le nungter thantu hna Konglam le tuanbia cu adang tein rel ve te. CND cu Chin Identity asi caah tuah zungzal ding asi. Nunphung le Caholh vialte hmuhsak nak zong asi. Kawl Vai Mirang miphun he aatia I a ritzang aakhat mi miphun kansi nak le vawleipi ah miphun pakhat kansi nak hmuhsak nak cu CND Thawng lawng in asi ve.
Ralhrang ruangah kawlram ahcun CND tuahlo ko seh. Anmah tuah piak kan herh nak aum lo. Kawlram pinlei tu ah cun hlan nakin Special deuh in tuah Rak I zuam ko uh. Kawlram le Chinram kulh belte ah cun; Zauk pennak kan hmuh tuan khawh nak hnga le arau hlan ah PT nih kanral nganbik MAH an kan tei piak nak lai thlacam nak tuin CND hmang usih.
Fianternak: Movies hi MAH tuahmi Diamond Jubilee, Pyidaungsuh Ni ah an lam mi asi. Chin Miphun titsa phauhtu hna hi zoh ko uh tinak ah tarchih mi asi. By_ Joseph R Thang
Video Zoh
