Press "Enter" to skip to content

CNF/CDF Phu Fonh Le Ralhrang Kar Kahdohnak A Chuak

2022 March 1 – Chin ramkulh Falam peng, Taal khua ah Falam in Hakha leiah a rak kaimi Ralhrang mawtaw 27 le Tank 2 telh mi phu le miphun hriamtlai phu Chin National Army (CNA) le Chinland Defense Force (CDF) bawm in nihin March 1 ah Taal khua ah kahdohnak a chuak tiah theih a si.

Hi kong ah, “March 1 zing in khua hauka ah an i kap i sml cheu hrawng a rau lai. Chun ah ralhrang pawl cu khuachung ah an i din. Khua chuah dingin an mawtaw he an i timhtuah i khua an chuah bakah kahdok a chuak ṭhan. Hmun hnih thum in sml. pakhat tluk hrawng cu an i kap lai dah tiah” khuami pakhat nih zaanlei sang ah The Chinland Post ah a chim.

Ralhrang mawtaw thluan pawl cu Taal khua kiangkap, khua chuah lai ah CNF/CDF he dohnak a chuak i, an mawtaw an kah piak lengmang hna caah khua lonhtak kho taktak loin [Hakha lei kalnak] khua chuah hauka ah an tap i tuzaan hi an riak kho men. Khua chungah rak kir ṭhan in riah khawh zong an si. Zeidah a lawh lai ti cu a fiang in chimkhawh a si rih lo tiah khuami nih cun a chim.

Kan hnu kum Oct. 2021 ah Taal khua ah Ralkap an luh i, innlo an khanghmi – Nihin zaanlei sang tiang ah, Ralhrang nih khanghmi inn cu a um rih lo nain, khua sianginn pakhat cu hriamngan nih a khen tiah theih a si. Taal khuami hna hi Ralhrang Falam an phan ti thawng an theih February 27 hrawng in nu, hngakchia, tar le loriak a der thawm deuhmi hna cu Falam leiah an kalter cia cang hna tiah runvennak len an tuahmi kong khuami nih a chim.

Khua nigatthlai ah a tangta mi hi, Tlangval le Patung no 10 hrawng lawng an si i kahdohnak a chuah in ramlak ah an um ve tiah theih a si. Taal khua hi cozah rianṭuantu hna telh in Inn 39 khuasa an si i a tu bantuk in Falam in a rak kaimi ralhrang le CDF karlak kahdohnak a chuah ruangah khua an chuahtak dih nak hi a si tiah theih a si. Credit; The Chin Post

Mandalay, Chan Mya Tasi peng, Mingalar Mandalay le Mandalar Tiri football stadium pawng No.73 lam le 107 lamtonnak ah lam phit in hlathlainak a tuahtu SAC ralhrang pawl cu nihin March 1 chun hnu ah bomb puah an tong, tiah theih a si. “Zaanlei Sml 2:30- 3 hrawng ah bomb a puak, lam ah cycle le motor pawl a chektu ralkap pawl cu bomb puah an tong, tiah kan theih.

Ambulance(mizaw phur mawṭaw) a rak phanh caah hliamtuar an um kho,” tiah Mandalar Tiri football stadium pawng a um mi pakhat nih a chim. Bomb a puahtu hi Mandalay Youth Special Forces- MYSF an si, tiah theih an si. MYSF nih chunhnu Sml 2:30 tluk ah a lang control mi bomb in kan doh hna, tiah thawng an thanh.

MYSF nih an doh hna lio ah hin motor pakhat le SAC ralhrang pawl an hliamh ko hna nain fiangfai in fehternak an tuah kho rih lo. Ralhrang phu pawl doh an ton hnu ah lam i aa chok mi pawl cu heh tiah an chek hna, tiah khua mi sin in theih a si. Hmawbi Taphyo Sit-hmuh-than-hawng Khua Ralhrang Sakhan Bomb An Puah: Yangon ramṭhen, Hmawbi peng Taphyo Sit-hmuh-than-hawng khua luhnak ah ummi SAC ralhrang sakhan cu nihin march 1 zing Sml 8 ah MO 7 (Eagles) kut tang YUGA phu nih bomb an puahhnawh, tiah YUGA phu hna sin in theih a si.

“Palek pakhat le ralkap pakhat cu an thi, lai tiah kan ruah. MO 7 (Eagles) kuttang YUGA phu nih kan tuah mi a si,” tiah dohthlennak tuahtu phu in ralkap pakhat nih Yangon Khit Thit ah a chim. Hmawbi peng Taphyo sit-hmuh-than-hawng khua hi SAC ralkap aa din cang mi pawl umnak caah an ser mi a si i, a tam deuh cu ralhrang tha a petu pawl an himnak caah pyosawthi, ralhrang pension pawl le ralhrang chungtel pawl nih meithal i tlaih in an laknak khua pakhat zong a si. Credit: The Chin Post

Be First to Comment

Leave a Reply

Your email address will not be published.