CNF Chairman Thing/Hlun Fanu Nih CNDF Sinah Sing (80) Bawmhnak A Pek Uar A Um Tuk e
CNF chairman thing/hlun Dr. Za Hlei Thang (1990) i fanu Dr. Myi Len Za chungkhar nih Pale Tumbul le phaisa fai in CNO/CNDF sinah bawmhnak an pek tiah theih a si.Cu Pale Tumbul cu an fanu ro caah pek dingin an cawkmi a si nain CNO/CNDF sinah bawmhnak an pek i, dollar 4000 in Chin nuva nih an cawk tiah Zalen nih a tial.
KNU brigade 4 hmunhma Baik-Dawei pengkomh ah SAC ralkap phu hna le KNLA kar kahdohnak a chuak ṭhan i, SAC ralkap bawi pakhat lengah chungtel tampi an thi i, an hriamthil le phaisa zong an laak, tiah theih a si. MA meithal 4, pistol 1, RPG 1, hriamngan 2, Myanmar phaisa, Thailand phaisa le ralhriam thilri dangdang zong an laak, tiah theih a si.
Kayin ramkulh, KNU brigade 6 hmunhma Kawkareik-Kyain Seikgyi motor lampi i um mi Wizakung(ဝိဇ္ဇာကုန်း) khua ah khualtlawng mipi phaisa a haltu SAC ralkap kuttang riantuan Border Guard Force(BGF) chungtel 2 cu nihin March 14 zinglei 8:30 hrawng ah meithal kahnak in an thi, tiah khuachung thawngzamhnak nih an langhter.
KNU brigade 6 hmunhma Kyain Seikgyi (ကြာအင်းဆိပ်ကြီး) um mi khah-lah-yiah 32 battalion hmai ah nihin March 14 zinglei suimilam 9:00 in 9:30 tiang SAC ralkap le KNLA phufonh an i kap i, suimilam 10:00 hrawng ah Kyain Seikgyi (ကြာအင်းဆိပ်ကြီး), Mingalakung(မင်္ဂလာကုန်း) nitlak lei ah kahdohnak a chuak ṭhan. Cu kahdohnak ah cun khua mi minung pakhat a nunnak a liam i, pakhat nih hliam a tuar, tiah theih a si.
Director မိုက်တီး Cu Amah Umnak Inn Ah An Tlaih!Director မိုက်တီး cu Yankin peng sang (16) nak, Boh Tauh amah inn ah March 12 zaan ah an tlaih tiah lemcangtu phu hna nih an chim.
Director မိုက်တီး cu Yangon khuapi Yankin peng Boh Tauh amah umnak inn ah Tamui palek nih an tlaih tiah a farnu lemcang thiam Lin Ya Nyi Zaw nih VOM ah a chim.Tlaih a tongmi cu bia dik a si i, zaan ah an rak tlaih. Tamui palek nih an tlaih i, atu hi Tamui palek sakhan ah a um ko tiah a chim.Naihrawng cu Tamui palek sakhan nih Director မိုက်တီး (ခ) U Than Htun Zaw cu section 505 (က) in tazacuai a si tiah min langhter a duhlotu palek pakhat nih a chim.
Tamui palek sakhan nih kum 2018 August 16 zongah khan Director မိုက်တီး cu ritsi case in an tlaih bal cang nain taza an cuainak case cu withdraw an tuah than i, cuticun an thlah than.Director မိုက်တီး cu a hlan cozah chan lio ah khan NLD nih teinak a hmuh khawh nakhnga “ခေတ်ဝန်ကိုထမ်း ခေတ်လမ်းကိုလျှောက်” timi cu Director Waing le ဩရသ hna he an rak thlak bal cang.
