Press "Enter" to skip to content

CY Ralkap Phu Fonh Hna Nih NUG Bawmhhalnak Ca An Pek Hna

Chindwin Yoma ralkap Phu fonh hi National Unity Government (NUG) i Defense Ministry nih theihpinak in hriamnam nan kan bawmhchanh ahcun Mongwa khuapi kan laak khawh colh, lai tiah Chindwin Yoma Ralkap phufonh nih NUG sin ah bawmhhalnak ca an pek. Chindwin Yoma ralkap phu fonh hna cu Yinmapin pengkomh, Yinmapin peng tualchung mi chungtel minung 21 nih October 10, 2021 ah rak dirh mi a si. Chindwin Yoma ralkap phu fonh ah hin Battalion 9 tiang an um i ralkap thazang 1935 an um, tiah theih a si.

Ralkap phu fonh nih cun, “Ralhrang uknak a hram in bongh ding; a zalong mi ram ser ding le Federal ramkomh ser ding; Mizapi runven ding le ralhrang dohtu hriamtlai dang hna he lungrual tein mizapi ca ah a dai mi ramthar serding ti mi hmuitinh he dirh mi a si. Cucaah NUG nih hngalh pimi ralkap phu sinak ding le hriamnam zong in bawmchan ding in an nawl i “Hriamnam nan kan bawmh ahcun Mongwa khuapi cu kan laak khawh colh” lai tiah an bawmhhalnak ca ah an ṭial.

US Defense Minister Lloyd Austin cu NATO hruaitu hna le US he Alliance simi Defense Minister hna he tonnak ngeih i Russia ralkap nih kulhmi Ukraine kong ceih khan ding ah February 15 ah Belgium ram khualipi Brussels khuapi a phan cang. February 16-17 ah tonnak an ngei lai i Russia nih Ukraine a tuk lo nakding lam zeitindah kan kawl lai ti mi kong an caih hnu ah, Austin cu Russia he ramri aa hrawm mi, NATO chungtel Lithuania le Poland ram hna ah a kal ṭhan lai.

February 18 ah Poland President he tonnak an ngeih hnu ah Poland ram um US ralkap hna sin ah a va kal lai. Poland ah hin US ralkap 90,000 tiang ralkap thazaang zong an chap rih lai, tiah theih a si. Nizan, Febuary 15 ah Russia nih Ukraine ramri um ralkap cheukhat cu an hriamnam he an hmunhma ṭhing ah kan kirter cang hna an ti, nain US nih hi kong ah fehternak a tuah rih lo.

Irrawady ramṭhen, Thapaung peng, Piohphet sehzung a cawngtu palek bawi Duh- Ye-oh Aung Thein Kyaw timi cu amahte meithal in ai kap, tiah theih a si. Duh-Ye-Oh Aung Thein Kyaw hi a kumkhua a upa cang i CDM a tuah khawh lo caah pension pekding in cunglei ah a hal hna i, an pek duh lo caah lungrawk ngai in ni 5 chung hrawng a um hnu ah amah tein ai kahnak hi a si, tiah tualchung thawngzamh hna nih an langhter.

“Palek bawi pa hi pension a laak nakding a hlat deuh rih caah cunglei nih an sianh lo, tiah theih a si. CDM tuah ding ah a upa cang fawn i Pension tu a hal hna hi a si i, an sianh lo tik ah a lungrawh celh loin meithal a ka chung ah i hmuah in aa kap,” tiah tualchung mi pakhat nih a chim. Ralhrang nih uknak an laak hnu in Irrawady ramṭhenn ah palek le ralkap CDM tuahmi 2000 leng an si cang i Department dang cio zong in rian a chuah taak mi an tam, tiah kan theih. Credit: The Chin Pos

Be First to Comment

Leave a Reply

Your email address will not be published.