Daw Aung San Suh Kyi bodyguard Cherry Htat Cu Biaceihzung Nih Biachahpiaknak An Tuah Cang Lai

Daw Aung San Suh Kyi bodyguard Cherry Htat cu poh-mah 505(a) in tazacuai a tonnak kongah a ra lai mi March 31 ah a hmanungbik biakhiahnak tuahpiak a si lai tiah theih asi.Cherry Htat cu a luancia January thla chungah palik biaceihzung in palik lei he a pehtlai mi upadi he thong kum 3 thlakding in biakhiahnak an rak tuah piak,

March 24, ah a taangmi poh-mah 505(a) caah a ra laimi March 31 ah a hmanungbik biachahnak tuahpiak a si lai tiah biaceihzung he neihniam in a ummi hna sin in theih a si.Rampi ruahnak pe tu Daw Aung San Suh Kyi i security officer tuanvo latu Cherry Htat cu SAC nih nawlngeihnak an lak ah leng chuahlo ding in a inn ah hrenhkanh a si hnu 2021, September thla chungah SAC nih taza an cuai.

” A mah pumpak zong CDM a tuah lo leng ah a hohmanh CDM tuah uh tiin thazaang a pekmi hna an um lo, a lungput ning in social media ah a langhter mi cu u-pa-di he aa kalh an ti caah an tlaih hi a si. A mah pumpak zong nih sual phawtnak an ka tuahlai ti cu aa theih cia ko, a rannak in biakhiahnak tuahpiak ding ah a duh ko” tiah biaceihzung he neihniam in ummi pakhat nih a chim.

RELCHAP……..Chin, Rakhine, Kachin le Shan ram thlanglei hmunhma hna ah umnak inn zaamtak in le harsa ngai in a ummi chungkhar 46,000 leng caah tiin chungkhar pakhat ah 65,000 mmk bawmhnak pek an si tiah pLIFT nih March 25 ah cathanh an chuah.

Hi bawmhnak hi World Food Program (WFP) he i fonh in tuahmi a si i, Covid-19 zawtnak ruangah harnak a tongmi chungkhar hna caah a hlei in timhtuah mi a si tiah an cathanh ah cun an langhter. Harsatnak a tongmi chungkhar hna caah phaisa lut ngei ti loin a lamkip ah harnak an ton lio ah an caah a tha hnemmi eidin le an ngamdamnak caah a bawmhchanh ko hna lai” tiin LIFT in director of fund Sara Netzer nih a chim.

LIFT nih 2009 kum thok in Myanmar ram mipi 12.8 million leng bawmhnak kan pekkhawh cang hna tiah an cathanh ah an langhter.Minmu Khuapi Ah Ralveng SAC Ralkap Bomb Puahhnawh An Tong , 2 An Thi, 8 Hliam An Tuar, SAC Ralkap Kahnak Ruangah Lung Zawtnak A Ngeimi 1 Hliam A Tuar, Yesagyo Palik Sakhan Le Tuang Thar Palik Sakhan Zong PDF Nih An Kah

Sagaing ramthen, Minmu peng, Kyauk Tine ( ‌ေကျာက်တိုင်) pawngah March 24 zan Sml 7:20 hrawngah ralven i ai chawkmi SAC ralkap 50 hrawng cu bomb an puahhnawh hna i 2 an thi i 8 hliam an tuar , bomb puah an si hnu ah SAC ralkap nih meithal an puah caah lungzawt nak a ngeimi civil pakhat hliam a tuar tiah Knight Commander ( MMU) phu nih Yangon khit thit ah a chim.

” Zaan ah ralven i ai chawkmi hna i an chuahnak ah bomb kan hmanh i An rak chuah bak in a puak. Minung 2 an thi tiah fiang tein kan chim khawh. Bomb an i lamh bak in voi 200 leng a kan kah ve. An kahmi kuan nih lungzawt nak a ngeimi mipi pakhat a hliamh tiah theih a si. A hliamhma hi a fak tuk cu si lo” tiah Knight Commanders (MMU) in tuanvo ngeitu pakhat nihcun a chim.

Cu kahdohnak ah cun Sagaing pengkomh Battalion (1), Myiang peng mizapi vengtu ralkap phu (MRA), Zamani Revolution Force, Knight Commanders , hna phu 4 i bawm in an kahdoh hna hi a si .Kahdohnak a dih in mizapi vengtu ralkap phu hna cu a hliammi um lo in hnu an tolh kho .

Magwe ramthen, Yesagyo peng palik camp le Mandalay ramthen, Tuang Thar khuapi palik sakhan hna cu kutcheh bomb, 40 mm hna in kan kah tiah mizapi vengtu ralkap phu hna nih nihin March 25 ni ah cathanh a chuah.

Yesagyo peng, palik zung cu bomb in kan cheh ko nain bomb cu a puah lo caah SAC ralkap hna nih meithal in an kah i an thianh dih tiah March zinglei ah cathanh an chuah.

Mandalay ramthen, Tuang Thar khuapi palik sakhan cu March 24 ni zan Sml 7:45 hrawngah PDF Tuang Thar phu nih 40 mm in an kah hna hnu ah khuachung umhmun a khuarmi SAC ralkap pawl nih meithal puah thlorh in an puah tiah theih asi.crd the chin post