Press "Enter" to skip to content

Dr.Sasa Kongah Lungre Thei In Um Hlah Amah Bantuk In Ram Caah Thlacam Ve Lengmang Leh Lam

Laimi cheukhat nih Dr.Sasa cu khuazeidah na um, ziah na thawngpang theih ding a um lo, khuika dah na um, na zam tiin heh tiah online in aukhuan a si. A tu hi pumpak ihnursuan caan asi lo, uknak kongah pakhat le pakhat thazaang I pek caan le idirkamh caan asi.

Ralkap uknak a duhlomi nih ralkap uknak doh dingin thazaang lak tti caan asi I, ralkap uknak a duhmi nih ralkap lei ttang in cawlcangh caan asi ve. Cubantuk lio caan ah Dr.Sasa hna hei soisel phun in cathluan bantuk phunphan in heh tiah timeline ah catial le social media in phozar hi a caan asi lo.

Dr.Sasa hi Chin miphun nih kan dawt taktak asi ahcun KAN HMUR KAN CIP I, KAN VEN DEUH DING ASI. Amah pakhat nih Chinram caah thanchonak a tuah dingmi hi Chinstate cozah cu chimlo, kan ram cozah pi hmanh nih a tuah kholomi asi. A tu hi Dr.Sasa cu Chinram chuahtak in, a nupi le a fale he hmundang ah a um lio a si.

A umnak hmun in mitthli he Pathian sinah thla acam cuahmah.Kawlram mipi nih kan co hnga dingmi thiltha kan sungh dihmi ruangah le, mipi sualnak ngeilo nih thihnak le tukvelhnak, tlaihkhihnak an tonmi ruangah siseh, Chinram nih thanchonak kan hmuh dingmi kan hmu kho than sual lai lo ti phang le lungretheih in caan a hman lio, mitthli he Pathian sinah kukbil in thla a cam lio a si.

Au sawh sawh nakin a tha deuhmi cu, Dr.Sasa bantukin zumtu hna nih Pathian sin thinlung kekkuaiin thlacam hi asi. Amah chuahkehnak khua asimi LAILENPI cu an khuapi tein kawlram caah nikhat chung rawlulhin Pathian sinah thla an cam.

Mah hi hi Dr.Sasa tlangtlaknak thiam thiam in asi ti hi kan philh hna lai lo. Cu caah a herhlo le thil sining theih huaha loin au lengmang hi thathnemnak a ngei tuk lem lo. Aherh ah cun Dr.Sasa kongah kan peh than te lai.

Note: Dailychinstar nih a thurhnawmmi hurduhcuainak phunphai tial aa tim lo i, athianghlimmi News tial khawh peng kan i zuam. Tialmi thawngpang hi Mirang le holh dang dang tialmi chungin lehchinmi asi. Ca reltu hna caah cherhchan/source rinhtlak asi lomi zeitikhmanh ah Dailychinstar nih lak aa tim lo. Cun thawngpang pakhat khat Website – Dailychinstar hmangin thlah na duh ah cun zeitik caan paoh ah free tein thlah piak khawh na si.

Amahbel pumpak, khua, tlang tbk midang ahnursuang khomi kan cohlang lai lo. Cun, suimilam 24 hrs hlanah Dailychinstar nih athlahmi thawngpang chungin mi zeihmanh nih copy paste tuah khawh asi lai lo. Na relmi thawngpang hna hi midang nih an rel khawh ve nak hnga share rak tuah ve.dailychinstar

Be First to Comment

Leave a Reply

Your email address will not be published.