Press "Enter" to skip to content

DVB Thawngla Tu Ko Min Ngio Cu pohmah 505(a) in Pyi thong inn ah nihin zaanlei sang ah thong kumthum thlak ding in bia an khiah>>>>>

Pyi ah DVB thawngla tu Ko Min Ngio cu thong kum 3 thla ding in bia chah
================================================

Pyi ah DVB thawngla tu Ko Min Ngio cu thong kum 3 thla ding in bia khiah

Pako ramthen, Pyi ah a um mi DVB news thlah nak thawng hlat tu Ko Min Ngio cu pohmah 505(a) in Pyi thong inn ah nihin zaanlei sang ah thong kumthum thlak ding in bia an khiah.

Thawng hlat tu Ko Min Ngio cu rallokap lei nih DVB thawng pang tial tu phu tel in a dang thawng hlat / tial mi phu 5 cu kham le phih piak an si hlan ah March thla ni 3 ah Pyi rallokap uk duh lo langhternak lamzawh lio, thawng lak nak ah rallokap nih hramhram tlaih in an rak tuk velh.

An tlaih lio ah a lu le a tak pum ah an tuk velh, Pyi sakhan pakhat ah nithum chung an hren , Thong chung biaceih nak in voi 7 nak zung chuah a si hnu ah a tu bantuk in thong kum 3 thlak ding in bia khiah nak an tuah piak.

PRN

========================================================
Sui man sing 17 a luan
———————————

Kawlram chungah , ramchung sui man a khoh fangkhat tlai ah sing 17 a luan cang , sui caw mi an tam tuk caah an duh ning le an duh zah in sui an ngah khawh ti lo nak kong Yangon ramthen sui lei riantuan mi phu hna sin in theih a si.

“Nihin chunhnu ah Milin sui fakhat cu sing 17 le sing 9 (1709000) a si, sui caw tu cu an karh ngai , sui zuar tu cu an um cio ko na in a caw tu an tamtuk caah an duh zat in an i ting lo . A bik in cun Kawlram phaisa kong ah siseh, rampi a daih lo ruang ah le cun mipi hna nih an kut cungah phaisa chiah an ngamh lo ruang ah a si” tiah Yangon sui zuar tu pakhat nih a chim.

American dollar le Kawlram phaisa thlen cu American dollar fangkhat ah kawlram phaisa in (1740) a si , dollar in thil caw an tam i dawr zuar tu hna zong an ngeih mi thilri a cat tawn tiah theih a si.

Ni zaan ahcun sui a khoh(အေခါက္)fangkhat ah kawlram phaisa sing 16 le cheu hrawng a si nain nihin ahcun sing 17 a luan tiah theih a si.

KTM
Rf: The Chin Post

About Post Author

Be First to Comment

Leave a Reply

Your email address will not be published. Required fields are marked *