Press "Enter" to skip to content

East Policy hi a hlawhtling sehlaw Chin Miphun zong, a kan tthathnempi ngai lai tiah ka zumh- Zasang Cinzah

China 🇨🇳 nih Vawleipi uk aa timh bantuk in India 🇮🇳 zong nih, China hawi, Pakistan dah tilo, South East Asia’s ram fa tete, Nepal, Bhutan 🇧🇹, le Myanmar, le Bangladesh tbk he pehtlaihnak tthat hi aa zuam ve. Anmah he pehtlaihnak a that ahcun kan ramri/ border a him lai tiah an zumh. Cucaah, “Look East Policy” timi hi 1991 in an kalpi. 2014 ahkhan East Policy Act tiah Modi nih a thlen.

Tulio hi China 🇨🇳 a thang tak. INDIA 🇮🇳 zong hi a thangcho ngaingai ve. China nih investment lei in Vawlei a uk lio ah India nih Skill Workers in Vawlei uk a timh ve. China le India karlak zuamcawhnak/ competition a san tikah India nih “East Policy Act” hi biapi ngai in an von chiah.

East Policy Act nih a kalpi cangmi project, a tlam a tlinh kho rih lomi ah biapi ngai pahnih a um. Pakhat cu Manipur- Mandalay in Thailand tiang aa pekmi Highway 🛣 ser le Kaladan Road Project hi an si. East Policy hi a hlawhtling sehlaw Chin Miphun zong, a kan tthathnempi ngai lai tiah ka zumhmi a si.

Kaladan Road Project hi USD 484 millions dih in an awt cangmi a si i, 2014 ahkhan rak lim diam cang ding a si nain ARSA/ Rohingya le AA um ruang ah a chuakmi raldohnak ruang ah ngol a si. ARSA/ Rohingya hi Pakistan 🇵🇰 nih a bawmh hna i, AA hi China 🇨🇳 nih an fa bantuk in an zohmi WA nih an bawmh hna caah, India 🇮🇳 nihcun, India East Policy Act, hma kal lo dingin China 🇨🇳 le Pakistan an politics a si tiah an ruah.

India 🇮🇳 nih biatak tein US lei aa komh lio te a si pin ah East Policy Acts hma a kal ding a duh fawn caah. Myanmar ram aa thlennak hi India nih thazaang pek a duh ti cu a fiang in a lang.

Cun, tulio ah India 🇮🇳 nih a zoh ngaimi cu India dotu tapung/ insurgency pawl hi Myanmar ram chung ah camp 🏕 an sak i, Myanmar JUNTA nih an bawmh sual hna lai maw tbk hi a si rih. JUNTA nihcun ka bawmh hna lo tiah aa pheh peng nain CDF le PDF thazaang dernak ah a hman hna lai timi cu a fiang fawn.

Cucaah, West Myanmar ah a ummi, Chin Miphun hi India 🇮🇳 lei ah biatak tein politics luh khawh ahcun, kan dothlennak ah tampi bawmchantu dirhmun ah an um khawh lio caan a si ko tiah tulio international Politics mit cun a lang. Credit; Zasang Cinzah

Tulio kan ram dirhmun ruah ah lung a pit nawn ko. A complex/ hnawkbuai chin lengmang in a lang. Asinain teinak “Ni Ceu” cu kan phak te ko lai tiah zumh cio a si rih.

Ram pakhat aa thlennak ahhin ram dang/ an foreign policy cio hi an biapi taktak ve. Tutan Myanmar buainak zong ahhin ram dang cio an foreign policy ahhin kan dirhmun tampi aa hngat. Abik in US dirhmun hi a biapi zungzal khun.

1,100 Myanmar Flag Stock Photos, Pictures & Royalty-Free Images - iStock

Tuhi Kum Khat deng kan von kal cang i, Myanmar 🇲🇲 cungah Washington cawlcanghnak hi ramdang he tahchunh ahcun a tam bik. Asinain duhning tluk cu a si lo ngai. An hawikom ram, Japan le Singapore 🇸🇬 tbk zong an lei ah fakpi in an tanter kho hna lo.

Cambodia 🇰🇭 President nih Myanmar Junta a tlawn hna. Anmah Junta duhning in Ceasefire tuah dingin a nam. ASEAN meeting zong ah sawm dingin a chuahpi. Asinain ASEAN members lakah Cambodia 🇰🇭 President kalpi ning a duh lomi an um caah, a ra dingmi an meeting zong postpone an tuah. Abik in Malaysia, Indonesia le Philippine nih an kankuat. ASEAN ruahnak aa cheu. Zei dirhmun dah an phak te hnga.

ASEAN a si lomi, Cambodia 🇰🇭 President nih a kalpi ning hi Japan 🇯🇵 cu a lung a tling. China 🇨🇳 nih a dirhkamh ve. Cambodia 🇰🇭 nih a kalpimi hi ASEAN nih an hnatlakpi sual ahcun, Ralkap duhning in ceasefire tuah ding plan a ra kho i, PDF le CDF tbk nihcun “never” an ti lai nain WA le AA tbk pawl, Arti khuai lo, Parties pawl ttial a chuak tthan kho.

India's Look east policy revisited

India 🇮🇳 zong nih a herh ahcun Junta/ SAC cohlang dingin timhlamhnak a ngei. Taliban 🇦🇫 pawl, ram tampi nih an cohlang hna bantuk in, Junta zong cohlang lo awk tthalo dirhmun kan phan kho tuah tiah New Delhi upa pakhat hmurka in a chuak. Asinain New Delhi/ India 🇮🇳 tu cu, December i Naypytaw an kal hlan ahkhan, kal ding hi US le ASEAN thate in an theihter hmasa hna. Cu nih a fiantermi, India 🇮🇳 cu US dirhmun hi thate in a zoh hmasa peng ti a lang i, hna a ngam deuh ngai.

Ziah, US/ Washington hi a khur a nuar? NUG hi a cohlang bal lo? timi hi Big question a si. ASEAN members lakah Malaysia le Indonesia hi Junta a do bik an si. A ruang? Malaysia le Indonesia nih an kan dirhkamh cu Rohingya issue a si i, Washington lei an khur a nuar zong hi NUG nih Rohingya issue kong ah an policy hi tampi an zoh rih a herh ruang ah a si kho tiah a ruatmi tampi an um. BY_ ZASANG CINZAH

Be First to Comment

Leave a Reply

Your email address will not be published.